Көңіл күйді басқара білейік, 2-сыныпқа ашық сабақ

Өзін-өзі тану сабағының жоспары

Мектеп №15

Мерзім: 24-28.09.2018

Тақырып: «Көңіл күйімізді басқара білейік»

Құндылық: Дұрыс іс- әрекет

Қасиеттер: Адалдық, кішіпейілділік,еңбекқорлық,жауапкершілік,риясыз қызмет етушілік.

Мұғалім: Жиенбекова Г.Ж. 2 «З» сынып

Сабақ мақсаты: «Махаббат», «Бақыт» адамгершілік құндылықтары туралы түсініктерін кеңейту.

Міндеттері:

Жағымды қарым-қатынастар туралы түсінік беру.

Өзін-өзі ұстай білу іскерліктерін дамыту

Сабырлыққа,ризашылдыққа,адамгершілікке тәрбиелеу.

Ресурстар:

Әр түрлі көңіл күйді білдіретін суреттер.

Сабақ барысы: Ұйымдастыру кезеңі.Тыныштық сәті. «Нұрға бөлену»

Үй тапсырмасын тексеру.Өткен сабақтағы берілген ребустарды шешу берілген суретке қарап, дұрыс шешілсе, одан қызықты мақал шығатын еді.

Дәйексөз

Адам әр түрлі жағдайларға байланысты ренжуі,жабырқауы,қабағының қатыңқы болуы,тіпті ашулануы мүмкін. Сондай жағдайларда адам көңіл күйін көтеріңкі ұстауы, жылы шырай танытуы,жымиып қарауы,күлімсіреуі,қандай сөзді,істі болмасын күліп тұрып қабылдауы көңілді сергітіп жібереді.Өйткені барлық уақытта да көңілді жүрсең,өміріңнің ұзақ болатыны да сөзсіз.Әрқашан бір-бірімізге жылы сөз айтып жүрейік.

Жағдаяттарды талдау

Оқушылардың сабақта үйренгендерін іс жүзінде көрсете алуға үйрету үшін жағдаяттарды шешу ұсынылады. Мұнда балалар «Өзіңнің, өзгенің көңіл күйін қалай көтеруге болады деп ойласаңдар?»деген сауалға ойланады. Ол үшін оқулықтарда бірнеше суреттер берілген. Оқушылардың жағдаяттардың шешімін табуы үшін осы суреттерді негізге алуларына болады.

Сахналау

Балалар «Мен әртіспін» атты тақырыпта сахналық көрініс көрсету керек.Мұнда әр түрлі көңіл күйдің адамдарға оң және кері әсерін көрсетуі мен жағымсыз күйлерді болдырмау мақсаты көзделеді.

Тапсырмалар беріледі:

-Қуанышты күйді көрсететін көрініс.

- Ренішті күйді көрсететін көрініс.

-Таңғалуды көрсететін көрініс .

Балалар 3-топқа бөлініп көріністі көрсетеді.

Ойын

Балалар « Менің көңіл күйім қандай ?» деген ойын ойнаймыз. Мұнда бір бала шығып , өз көңіл күйін мимика арқылы жеткізеді. Қалғандары оны тауып айтады.Осылай әр оқушы түрлі мимикалар көрсетіп оны жарыса табады.

Мәтінмен жұмыс

Оқушылар мәтінді оқып, негізгі ойын ашады. «Тиін мен қасқыр» Л.Н.Толстой.

Тиін бұтақтан-бұтаққа секіріп жүріп, ағаштың астында демалып жатқан қасқырдың үстіне абайсызда құлап

кетеді .- Қоя берші !деп тиін жалынады .

-Жақсы қоя берейін, сендер тиіндер үнемі көңілді жүресіңдер? Мен үнемі жабырқап жүремін. Соны айтшы.

-Ең әуелі мені ағаштың басына жібер , содан кейін айтып беремін.себебі мен сенен қорқамын.Қасқыр жібереді.

-Тиін ағаштың басына жетіп алып,

-Сен зұлымсың, содан ылғи ренжіп жүресің деп айтады, ағаштың басында тұрып.

Назар аударыңдар

Түйіндеп айтсақ,

Жақсы көңіл күй – тез түсінуге септігін тигізеді.

Жақсы көңіл күй -өзара сыйластыққа негіз болады.

Жақсы көңіл күй -достасуға көмектеседі.

Тапсырма

Балардың суреттерге қарап , көңіл күйлерін табиғатпен

салыстырып жазамыз.

Мысалы: жымиып отырған қыз суреті- күлімдеген күндей.

Қорытынды

-Балалар сабақта көңіл күй туралы әңгіме айттық. Әрқашан адамдар көңілді жүреді, қуанышты болса әдемі болады. Сабақты « Көңілді балалар әні» өлеңімен аятаймын. Е. Өтетілеуов.

Жабырқауды білмейміз,

Жалқаулықты сүймейміз.

Біз талапты баламыз.

Үлгі аламыз жақсыдан.

Жазда гүлдер тереміз,

Қыста шаңғы тебеміз.

Думандатып өңірді,

Демаламыз көңілді.

Өзін-өзі тану сабағының жоспары

Мектеп №15 Мерзімі

Тақырып «Ашу дұшпан-ақыл дос»

Құндылық : дұрыс іс- әрекет

Қасиеттері: адамгершілік, адалдық,сыйластық, достық.

Мұғалім: Жиенбекова Газиза Жаксылыковна

Сынып 3В Оқушы саны 21

Сабақтың мақсаты: Оқушылардың «ұстамдылық»,

«сабырлылық» адами қасиеттер туралы түсініктерін кеңейту.

Міндеттері:

- ұстамдылық, сабырлылық,ақылдылықтың мәнін

түсіндіру;

-өзара жағымды қарым-қатынас жасау іскерлік-

терін дамыту;

-ұстамдылыққа , сабырлылыққа тәрбиелеу.

Ресурстар: оқулық. дәптер,түрлі суреттер,

үнтаспа,ИКТ

Сабақ барысы:

Ұйымдастыру кезеңі:

5-Т ережесін есте сақтау

Тәртіп

Талап

Тазалық

Тыныштық

Татулық

1.Тыныштық сәті: «Тыныс алуға зейін қою»

Мұғалім: Сіздерден аяқ-қолдарыңды айқастырмай ,

түзу отыруларыңызды сұранамын. Біз сендермен тыныс алу жаттығуларын орындаймыз. Тыныс алуға

зейін қойған кезде,біздің ақылымыз тынышталады. Тыныс алған кезде тыныштық пен ризашылық қабылдаймыз.өзімізге маза бермейтін сұрақтарды естен шығарамыз.Қане, дайындаламыз , балалар.Көзімізді жұмамыз...,арқамызды тік ұстап, қолымызды тізеге қойып ...

Тыныс аламыз..., тынысты шығарамыз. (3- рет қайталау. )

Әңгімелесу. «Бізге ашық күн керек»Ғ.Жұмабаев

Бізге ашық күн керек,

Аспан керек мөп-мөлдір,

Қуанышқа түр бөлеп,

Бақытты өмір төккен нұр.

Жеңдіріп біз ашуды

Ақылға әркез келеміз

Азамат боп ер жетіп,

Ағаларға ереміз.

Мұғалім сабақ тақырыбының мәнін ашу мақсатында әңгіме жүргіземін,түсіндіремін.

1. Өлеңдегі:Жеңдіріп біз ашуды

Ақылға әркез келеміз» ,дегенде нені түсінесіңдер?

2.Сендердің ашуланған кездерің болды ма? Не себепті ашуланасыңдар?

3,Сол уақытта қандай күйде боласыңдар?

4. Сол күйден шығудың қандай жолдарын іздестіңдер?

5.Ашу- дұшпан , ақыл- дос»,деген мақалды қалай түсінесіңдер?

Балалардың жауаптарын түйіндеймін.

-Адамдардың ойланбай істеген істерінің арты кикілжіңге апарып соқтырады. Кикілжің болған жерде міндетті түрде ашу болады. Ашу адамның өзіне де,өзгелерге де,айналасыны да зиян. Сондықтан да қандай жағдайда болмасын сабырлық сақтап, ұстамды бола білу керек. Біз бүгінгі сабақта

Ашуланбау, сабыр сақтаудың адами қарым-қатынасындағы мәнін әңгімелейміз.

Мәтінмен жұмыс

Оқушыларға сабақ тақырыбының мәнін түсіндіру мақсатында әңгіме ұйымдастырамын.

Сурет .Ж.Дәуренбеков

Мұғалім апай үй тапсырмасын берді.

-Қалаған суреттеріңді салып келіңдер,-деді.

Азамат үйге келген соң түрлі-түсті бояғыш

қаламдарын алып ақ қағазға сурет слуға кірісті.Өзінің

Бөрібасарын салып, ағасы Саматқа көрсетті,ол таңқалып қарды да,

-Ұқсамайды!- деді

Самат одан кейін әтешті салады , түрлі-түсті бояулармен салды.

-Ұқсамады!-деді мұндай әтеш болмайды деп ренжіп өшіріп тастап, Төрде ілулі тұрған әжесінің портретін салды.

-Әжесінің түрі ұқсамады өшіріп тастады.

-Ақыры атасы шертуін доғарып,сақалын сипап ойға қалғандай болды да:

-Әзкентай,қағазыңды бері әкелші,-деді.Азамат аппақ қағазды астына қатты мұқабалы кітабын төсеп алдына қойды.Атасы тамырлары білем-білем,буындары шорланған добалдай саусақтарын жайып,ақ қағаздың бетіне салды.

-Енді менің алақанымды сызып шықшы,-деді атасы

Азамат бояу қаламын тарбиған әр саусақтың арасымен жүргізе отырып сызып шықты.

Атасы алақанын көтеріп еді,ой ғажап-ай,ақ қағаз бетінде үп-үлкен алақан пайда болыпты.

Азамат таңғала қарады,қуанып кетті.Жүгіріп Саматқа барып көрсетті.

-Міне ,атамның алақаны,-деді.

Самат ундемей қалды.Ертеңіне апайы да мақтады.

-Мынау Азаматтың атасының алақаны екен.Арық суарған,құдық қазған,бақша күтен,үзбей еңбек еткен ғажап алақан!

Қатты қунған Азамат мәз-мейрам.Суреті мектептегі тақтаға ілінді.Ғажап алақан бүкіл баланын басынан сипап тұрғандай...

.Саматқа Азамат неліктен ренжіді деп ойлайсыңдар?

.Азаматтың ашуының басылуына не себеп болды?

Шығармашылық жұмыс

Балалардың пікірлері шығармашылық жұмыс үстінде бекітіле түседі

Мұғалім балаларға алдын ала үнтаспаға жазылған әңгімені тыңдаты.Балаларға әңгімені мұқият тыңдауы ескертіледі.Өйткені оқушылар әңгімені өз ойларымен аяқтауы тиіс.

Сырғанақта

Балалар куні бойы жұмыс істеп,аулада төбешік үйіп,сырғанақ жасады.

-Біз тамақтанып қайтқанша,сырғанақта қатып қалады,-десті олар.

-Ал түстен кейін шана алып келіп сырғанақ тебеміз.-Алтыншы пәтерде тұратын Саян сырғанақ жасауға келмеді.Балалар көмектесіп жібер деп шақырып еді,терезеден екі қолын жайып,басын шайқайды.Ал балалар кетісімен шапшаң кейінді де, аяғына коньки байлап,биік төбешікке тақады.Шыға бере жалп етіп құлады.Өстіп он шақты рет құлап, төбешікке шыға алмады.»Не істеу керек?»,-деп ойлады.Ол бір жұқа тақтайды ала салып,қораға қарай жүгіре жөнелді.Онда жәшікте құм тұратын.Құмды алдына сеуіп,бірте-бірте өрлей берді.Ақыры ең үстіне шықты.Аяғымен серпіп кеп қап еді,тағы етпетінен құлады.Құмда коньки жүруші ме еді?!Бұл кезде балалар да жүгіріп келген еді.Сырғанаққа себілген құмды көріп,олар айқай салды...

.Әрі қарай не болды деп ойлайсындар?Әңгімені жалғастырып көріңдер.

Түйіндеме

Түйіндемеде Данышпан атаның кеңесі ұсынылады

Данышпан атаның кеңестері:

Ашу қысқан кезде өзіңді- өзің ұстай біл.