Көңіл-күйді басқару тренинг сабағы 5 сыныпқа

«Көңіл-күйді басқара білейік!» тренинг-сабақ

Мақсаты: Ерікті бақылау дағдысын дамыту және көңіл-күйді реттеу

Міндеттері: Адам көңіл-күйіне әсер етуші факторларды маңызды ету; өз көңіл күйіне ерікті әсер ету дағдыларын дамыту; жинақталған мәселені түсінуге көмектесу.

Қажетті құрал: Жұмсақ ойыншық, А3 қағаздың парағы, түрлі-түсті қарындаштар жиынтығы.

Сабақтың жүргізілуі.

Кіріспе бөлім. Психолог оқушыларға психологиялық тренинг орындауды ұсынады.

Менің есімім нені білдіреді? Азамат-сыйлы, мейірімді.

Менің әуестігім. Сурет салу, ән айту.

Оқушылар шеңбер бойынша отырады да жұмсақ ойыншықты бір-біріне айтып шығады. Психолог аталған сапаларға көңіл аударумен бірге олардың әр түрлі екендігін, бірақ, алда ортақ іс күтіп тұрғанын жеткізеді.

Негізгі бөлім.

Психолог оқушылардан көңіл-күйінің қай кезде нашар болған еске түсіруін сұрайды. Қалауы бойынша оқушылар жұмсақ ойыншықты бір-біріне жалғай отырып, айтып шығады.

Шеңбер бойынша бір парақ қағазға әрбір қатысушы өз кезегімен қарындашты таңдап алып, әр түрлі сәттегі көңіл-күйді салады.

Мүмкін болатын сәттер:

Жасағың келмей тұрған істі орындау;

Бір адамға кемшіліктерін көрсету;

Біреудің оны әділетсіз кінәлауы;

Біреу оған берген уәдесін орындамауы;

Төмен баға алу.

Психолог суретті тақтаға іліп, көңіл-күйдің не екенін талқылауды ұсынады. Балалар «Көңіл-күй дегеніміз-...» сөз тіркесін пайдалана отырып, шеңбер бойымен жауап береді.

Ары қарай біздің көңіл-күйіміз неге байланысты болатыны талқыланады. Адам көңіл күйіне тек өмірдегі шынайы болып жатқан оқиғалар ғана емес, еске түсіру, өзін сезіну, ауа райы әсер етеді.

Адам өзінің нашар көңіл-күйін жеңе алу қажеттілігі талқыланады. Қандай жағдайда мұны жасай білу қажет? Оқушылар назарын әрбір адам өмірінде өз көңіл-күйін басқара алу қажеттігі туындайтынына аудару керек. Қалаулары бойынша өздерінің нашар көңіл-күйлерін қалай жеңетіндіктерін әңгімлеуіне болады (жалғыз қалу, досымен кезддесу, жақындарына айту, музыка тыңдау, сурет салу).

Психолог өз ойларын айта алмаған оқушыларға олардың көзқарасы бойынша, көңіл күйін басқарудың қай тәсілі ұнады, соны таңдаулары қажет екендігін айтады.

Қорытындылау.