Көңілді бақша алтын күз мерекесінің сценарийі

«Көңілді бақша» атты күз мерекесі

Мақсаты: балаларға жыл мезгілдерінің айырмашылығы барын түсіндіру. Олардың әрқайсысы өз қызығымен ерекше екенін түсіндіру. Күз айларының халыққа молшылық әкелетінін, қуаныш сыйлайтынын жеткізу. Табиғатты сүюге тәрбиелеу. Өнерге қызығушылықтарын дамыту, сөздік қорларын байыту.

Барысы:

«Еркетай» тобы би

(Жүргізуші мен балалар залға ән әуеніне кіреді)

Армысыздар, ағайын, Сәлеметсіздер ме қадірлі қонақтар! Бүгінгі «Еркетай» және «Балауса» топтарының дайындаған «Көңілді бақша» атты ертеңгілігіне қош келдіңіздер! Сіздерге әрқашан осы күз мезгіліндей молшылық тілейміз. Ал, балалар, берекелі де, ырысты алтын күз құрметіне арналған мерекемізді бастаймыз.

Жүргізуші: Бұлттар төніп,

Жерге шөгіп,

Дымқыл тұман басады.

Өңі тайып,

Дала нұры қашады.

Айтыңдаршы балалар

Бұл қай кезде болады?

(балалар хормен: Күз мезгілінде,-деп жауап береді)

Жүргізуші:

Келді міне алтын күз,

Сары шашты жарқын жүз.

Мол өнімді ісімен,

Таңдандырып халқын күз.

Жүргізуші: балалар, біздің мерекемізде біреу жетіспей тұрған сияқты?

(Балалар жауап береді: Күз ханшайымы)

Жүргізуші: Ендеше барлықтарымыз бірге дауыстап Күз ханшайымын шақырайық.

(музыка әуеніне қанқыз кіреді)

Жүргізуші: Сәлеметсізбе. Сен кімсің?

Қанқыз: сәлеметсіздер ме, балалар! Мен қанқызбын. Мында не болып жатыр?

Балалар: Күз мерекесі

Қанқыз: ООО, мен мерекені жақсы көремін. Мен көп жұмбақтар білемін. Сендерге жасырып көрейін бе? Енді балалар, сендерге жасырамын, шешуін тауып көріңдер.

Жазда інге тығылып,

Жатқан қызыл түлкіні,

Құйрығынан суырып

Әкелді әжем бір күні. (сәбіз)

Жайлы жұмсақ төсегім

Домаланып өсемін

Қабат – қабат тоным бар

Қалай оны шешемін

Бұл не? (орамжапырақ)

Қалың киім ұнатады,

Шешіндірсең жылатады. (пияз)

Қанқыз: Жарайсыңдар, балалар. Жұмбақты жақсы шеше алады екенсіңдер.

Жүргізуші: Жарайсыңдар, балалар. Балалар, тыңдаңдаршы, бұл ненің дауысы?

(осы кезде ән әуеніне Күз ханшайымы келеді. Қолында жеміске толы себет.)

Күз ханшайымы: Сәлеметсіңдер ме, балалар!

Балалар: Сәлеметсізбе, Алтын күз!

Күз ханшайымы: береке бақ дарыған,

Жомарт көңіл жарқын жаз,

Сары алтынға малынған,

Алтын күз деген мен болам.

Армысыздар, құрметті қонақтар, кішкентай бүлдіршіндер. Мен мерекеге кешігіп қалдымба?

Балалар: Жоқ

Жүргізуші: Шоғы толған гүлдей жайнап,

Шақырады жарқын жүз

Сайрандаған күліп – ойнап

Келді міне Алтын күз!

Балалардың сізге арнаған тақпақтары бар. Соны қабыл алыңыз.

«Еркетай» тобының тақпақтары

1.Айзере: Қуандырып біздерді

Мерекелі күз келді

Кел жемісті Алтын күз

Кемелденсін халқымыз