Алтын күз мерекесіне арналған мектепке дейінгі балалар сценарийі

Тақырыбы: «Алтын күз»

Мақсаты: Күз мезгілінің ерекшеліктерін ұғындыру. Күз өнімдерімен таныстыру, олардың ағзаға пайдасын түсіндіру. Мерекелік көңіл күй

орнату. Балаларды ән айтуға, би билеуге ойларын қалыптастыру.

Музыка ойнап, әсем безендірілген залға балалар кіріп келеді.

Тәрбиеші: Табиғат - күллі тіршілік атаулының құтты қонысы, алтын ұя бесігі, құт берекесі. Айнала сары түске боялып, сары алтындай

жалтырап көздің жауын алады.

Не қасиет бар дейсің осы күзде?

Деп айтқаны әркімнің есімізде.

Ет - майы мен тоқашын қолтықтап ап,

Байлық, ырыс әкелген осы бізге.

Талай – талай басынан таңды асыра,

Алтын дәнін тиеп ап арбасына.

Қараңыз өзі бастап кеткен жоқ па,

Отанның берекелі қамбасына, - деп ақын ағамыз Мұқағали Мақатаев жырлағандай, бүгінгі ертеңгілігімізде күз туралы, күздің

кереметі туралы өнерімізді ортаға салайық. Енді тақпақтарымызға кезек берейік.

ЖайсанбайҚарақат:

Берекелі, мерекелі,

Келді, міне, алтын күз.

Қалада да, далада да,

Жанның бәрі жарқын жүз.

СаденовТемирлан:

Күз мезгілі тамаша!

Көз тоймайды қараса.

Аяқ асты сап – сары,

Төселгендей алаша.

АнарханқызыАяла:

Сары алтындай сары күз,

Қамбадағы дәніміз.

Шелек – шелек балымыз.

Ағыл - тегіл ағымыз.

ӘленАбылайхан:

Көк аспанның мөлдіреп,

Алтын күзім елжіреп,

Асыр салып жүре бер,

Сары көйлегің желбіреп.

АманханНазым:

Алақай, алақай!

Шаттанды балақай.

Жер берді жемісті,

Игереді ел егісті.

Тәрбиеші: Міне, сары алтындай күзіміздің қуанышты бір күні. Күз ерекше берекелі, мерекелі. Әрбір үйдің дастарқанын дәмге, еліміздің

қоймасын дәнге толтыратын алтын да жомарт күзімізді ортаға шақырайық.

(Қолына себет ұстап ортаға Алтын күз келеді)

Алтын күз: Сәлеметсіңдер ме, балалар, қонақтар! Мен байлық пен молшылық толы мезгілмін.

Өйткені:

Егінді ел жинайды,

Қырманға дән сыймайды.

Біздің дала - бай дала,

Алтын астық айнала.

Тәрбиеші: Сәлеметсіз бе, Алтын күз! Біздің мерекеге қош келдіңіз! «Балапан» тобы балаларының өнерін тамашалаңыз.

Бәрі: Жомарт күздің жемісі дәмді болсын,

Көңіліміз жайнасын, әнге толсын.

Ән: «Күз жомарт». Балалардың орындауында.

Күз: Рахмет сендерге!

(залға қарақшы кіреді)

Қарақшы: Мені ұмытып кеттіңдер ме? Өздерің ән айтып, би билеп отырсыңдар ма? Қазір мен сендерге көрсетейін(күзді ұрлап кетеді де,

сосын қайтып келеді).

Тәрбиеші: Қарақшы, сен не істедің? Бізге Алтын күзді жіберші. Алтын күз болмаса, біз мерекені қалай өткіземіз?

Қарақшы:Жоқ, мен Алтын күзді бере алмаймын.Оны қараңғы орманға тығып қойдым. Жаздан кейін қыс болып кетсін.

Тәрбиеші:Балалар, қарақшаның айтқаны дұрыс па? Жаздан кейін қыс мезгілі болушы ма еді?

Балалар: Жоқ, дұрыс емес.

Қарақшы: Мен бәрібір Алтын күзді бермеймін. Менің көңіл күйімді көтеріңдер, содан соң ойланып көрейін.

Тәрбиеші: Әрине, біз қазір сенің көңіліңді көтереміз. Олай болса, сен біздің мың бұралған биші қыздарымыздың биін тамашала.

Би: «Қолшатыр».

Қарақшы: Жақсы билейді екен, бірақ маған ұнамады. Тағы не істей аласыңдар?

Тәрбиеші: Ал, онда балалардың тақпақтарын тыңдап көр.

Бектұрған Елсұлтан:

Сап - сары ғып даланы,

Бояпты ғой күз деген.

Құстар қанат қағады,

Қоштасқандай бізбенен.

Бауыржан Еркебұлан:

Жаздай күткен бәріміз,

Сары алтындай сары күз.

Алтын ұя бақшамыз,

Сабақ, ойын ортамыз.

Әбжапар Бақытжан:

Қуантып біздерді,

Мерекелі күз келді.

Кел, жемісті Алтын күз,

Кемелденсін халқымыз.

Желдібай Руслан:

Ой, балалар, балалар,

Қоңырқай күз болыпты.

Қурап жапырақ солыпты.

Ел егінін орыпты.

Ойналық та, күлелік,

Енді оқуға кірелік.

Бекежан Сабина:

Жайдары күз, жарқын күз.

Аяулы күз, алтын күз.

Дәнге толы ен далам,

Дариядай толқып тұр.

Қарақшы: Маған ұнамады. Тағыда күз туралы..... Одан да жақсы бір ән айтып беріңдерші.

Ән: «Бау бақшада» біздің балалардың орындауында.

Қарақшы: Тағы да, маған ұнамады. Мен барып Күзді қарап келейін, мүмкін жылап отырған шығар (кетеді).

Тәрбиеші: Балалар енді не істейміз?

(Музыка ойнайды, ортаға сыған қыздары шығып билейді).

Сыған қыздары: Біз көңілді сығандармыз. Көңіл күйді көтереміз. Сәлеметсіздер ме, қонақтар! Сәлеметсіздер ме, балалар! Сендерге не болды?

Тәрбиеші: Қарақшы келіп біздің Алтын күзімізді ұрлап кетті. Бізге бермей жатыр.

Сыған қыздары: Балалар, мұңаймаңдар, біз сендерге көмектесеміз.

(Музыка ойнайды, Қарақшы кіреді).

Қарақшы: Алтын күзге барып келдім. Ол сендерге барамын деп жылап отыр.

Сыған қыздары: Қандай сұлу жігітсің! Әкел, біз саған бал ашып берейік. Сенің жолың ашық, сен өте мейірімдісің, ақылдысың. Менің тағы не

көріп тұрғанымды білесің бе? Бір жерде үлкен алтын жатыр.

Қарақшы: Қандай алтын, қайда жатыр?

Сыған қызы: Мынандай (қолымен көрсетеді).

Қарақшы: Жүр, ол жерге тез барайық.

Сыған қызы: Жоқ! Сен алдымен балаларға Алтын күзді алып кел. Содан соң барамыз.

Қарақшы(ойланып): Білмеймін...

Сыған қызы: Саған Алтын күздің қажеті не? Біз саған жол көрсетіп, алтынның қайда екенін айтамыз.

Қарақшы: Қазір (залдан жүгіріп шығып, Алтын күзді алып келеді).Міне, алыңдар! Менің әдемі, сұлу қыздарым, кеттік, маған жол көрсетіңдер (кетеді)

Алтын күз: Алақай, балалар! Енді біз ойын ойнайықшы.

Ойын: «Жемістің дәмінен ажырат». Балалардың көздері байланады жемісті ұсынамыз, дәміне қарап қай жеміс екенін айтып береді.

Тәрбиеші: Енді Алтын күз біздің ата - аналарымызбен ойын ойнасақ қалай қарайсыз?

Ойын: «Кім жылдам» деп аталады.Шарты: ата – аналарға көкөніс, жеміс түрлері беріледі, өз ойларымен жылдымдықтарымен салат жасап шығуы керек.

Біздің аналарымыз жасап болғанша балалардың тақпақтарына кезек берейік.

Амантай Аяулым:

Мерейлі күз, мырза күз,

Сыйлығыңа ырзамыз.

Аппақ арай таңында,