Конституция күніне арналған бекіту сабағы 3-сынып

Сабақ жоспары

Пәні: математика

Тақырыбы: Бекіту / Конституция күні

Мектеп:

Күні:

Мұғалімнің аты-жөні:

3-сынып

Қатысқандар саны:

Қатыспағандар саны:

Оқу мақсаты

3.1.3.3 шамалар мәндерін ( сек, мин, сағ, тәул, жыл, ғасыр) салыстыру және амалдар орындау

Бағалау критерийі

әртүрлі сағат бойынша уақытты (сағат, минут, секундты) анықтайды

шамалар мәндерін (сек, мин, сағ, тәул, жыл, ғасыр) салыстырады және амалдар орындайды

әртүрлі сағат түрлері жұмысының қағидатын түсіндіреді.

Тілдік мақсаттар

Дағдыларын дамыту:

әртүрлі сағат бойынша уақытты анықтауды түсіндіреді

Пәндік лексика және терминология:

Сағат, минут, секунд.

Сабақта диалог/жазу үшін пайдаланылатын тіл.

Талқылау:

шамалар мәндерін қалай салыстыруға болады?

шамалармен амалдар орындау үшін алдымен не істеу қажет?

уақыт бірліктерін олардың арақатысына сүйеніп қалай түрлендіруге болады?

Жазылым:

Уақыт өлшем бірліктерін жазу

Дискриптор

Шамалар мәндерін салыстырады,уақыт бірліктерін олардың арақатынасына сүйеніп түрлендіреді.

Жоспар

Жоспарланған

уақыт

Жоспарланған іс-әрекет

0-3 мин

Ынталандыру.

Оқушылар оқулықтағы 1-тапсырманы жұппен орындайды.

Амалдарды орындайды. Әрбір суретті шыққан нәтижемен сәйкестендіріп, сағаттардың әлемнің қай қаласында орналасқанын анықтайды. Мұғалім бұл сағаттардың тарихын әңгімелеп береді.

4-6 мин

Өзектендіру

Мұғалім оқушыларға оқулықтағы 2-тапсырманы орындауды ұсынады.Оқушылар шамаларды салыстыру үшін бірдей өлшем бірлікке түрлендіріп алып, салыстыру керектігін біледі.

7-11 мин

Мақсат қою (мәселелі жағдаят)

Бүгінгі сабақтың мақсаты?

секунд өлшем бірлігін қолданып өлшеу бойынша алған білімдерін бекіту;

шамалар мәндерін салыстыру және амалдар орындау;

уақыт бірліктерін олардың арақатысына сүйеніп түрлендіру;

әртүрлі сағат бойынша уақытты анықтау.

12-29 мин

Өзіндік жұмыс

Мұғалім оқушыларға оқулықтағы 3-тапсырманы өз беттерімен орындауды ұсынады.

Қиындықтарды түзету

Мұғалім тапсырманың орындалу дұрыстығын тексереді.

– Кімде қиындық туындады?

– Сіз қай жерде қателік жібердіңіз?

– Жіберілген қателіктің себебі неде?

– Өзіндік жұмыс кезінде қиындық туындамаған балалар өз іс-әрекетіңіздің мақсатын құрастырыңыз.

(Қосымша тапсырманы орындау).

– Қиындық туындаған балалардың алға қойған мақсаты қандай?

(Қатені түзету).

– Қателерді түзету алгоритмін қолданамыз.

– Әркім өзінің оқу мақсатын айтады.

Оқушылар оқулықтағы 3-тапсырманы топпен орындайды. Өрнектер құрастырып, олардың мәндерін табады. Эталонмен тексеруді ұйымдастыруға болады.