Конструкциялық материалдар өндірісі кешені 9 сынып

Күні:

Сабақтың тақырыбы: Конструкциялық материалдар өндірісі кешені

Мақсаты:

Конструкциялық материалдар өндірісі кешені тарауында өтілген тақырыптарды еске түсіріп, білімді қорытындылау және материалдың меңгеру дәрежесін тексеру, оқушылардың пәнге деген қызығушылығын арттыру.

Танымдық, есте сақтау, ойлау қабілеттерінің дамуына ықпал ету, картамен жұмыс жасауға, өз бетінше ізденулеріне бағыт беру.

Елін сүюге, отаншылдыққа тәрбиелеу және сабақ барысында еңбек тәрбиесіне тәрбиелеу.

Сабақтың типі: Жүйелеу, қорытындылау сабағы

Сабақтың түрі: Ізденіс, ойын сабағы

Сабақ формасы: Жеке, топпен жұмыс

Сабақтың көрнекілігі: карта, тест, үлестірмелі карточкалар,кескін карта, ту, жетон, интерактивті тақта, электронды оқулық т.б.

Сабақтың барысы:

Ұйымдастыру бөлімі

Сәлеметсіздер ме! Здравствуйте! Good morning!

Отырыңдар - Садитесь - Sit down

Мұғалімнің кіріспе сөзі.

Бүгінгі қорытынды сабағымыз сайыс түрінде өтеді. Сабақ бойы географиядан 5 тарау бойынша алған білімдеріңізді қолдана отырып, қойылған сұрақтарға және тапсырмаларды орындайсыздар.Сайыс сабақ болғандықтан сабағымыз «Бақытты сәт» ойыны түрінде өтеді.Сайыста екі топ қатысады: «Қара металлургия» және «Түсті металлургия».Әр тапсырманы немесе сұраққа жауаптарыңыз дайын болса, алдарыңызда тұрған туды көтересіздер. Атақты батыр, хандарымыздың өзіндік бір белгісі туы болған, айта кетсек Абылай ханның ақ туы және Амангелді батырдың қызыл туы деген тарихи ақиқат бар. Сол себепті біздің батыр, хандарымыз батыл, өжет, шыншыл, бүкіл қазақ халқының бостандығы үшін күрескен азаматтар.

Бүгінгі сабақта батыл, өжет, білгендеріңізді ұялмай, тапсырмаларды толық аяқтауға сіздерді шақырамын. Дұрыс жауап берген оқушыға 1 жетон беріледі. Ойын барысында топ – женімпазы анықталып, оқушыларға жауаптары үшін баға қойылады.

Сол себепті бүгінгі сабағымыз ашық деп жариялансын.

Сайыс 6-геймнен тұрады:

1 гейм «Адасқан әріптер әдісі» - әріптер арқылы қорытынды сабақтың тақырыбын анықтау.

2 гейм «Пазл әдісі» - пазлды құрау үшін, сұрақтардың жауабын қазақ, орыс және ағылшын тілдерінде айту.

3 гейм «Идеялар себеті- тапсырмаларды орындау.

4 гейм «Жұмбақтас» Электронды оқулықпен жұмыс /10 сұрақ/

5 гейм «Көсемдікке ұмтылу» - картамен және кестемен жұмыс

6 гейм «Аяқталмаған сөйлем»

География ғылымдардың бұл төресі,

Оза алмайды жарыста тар өкпесі.

Қайғырмаңыз қалсаңыздар ұтылып,

Жеңерсіздер кездесуде келесі.

Болсын дейміз жарысымыз жемісті,

Озып шықсын кім білімді, кім күшті – деп сайысымызды бастаймыз.