Көп жасаған қария, ақылы асқан дария 8 сыныпқа

Батыс Қазақстан облысы

Казталов ауданы

Қараөзен мектеп-лицейінің

6,8 сынып кураторы

Замерова Балауса Құрманғазықызы

Күні: 1.10.2018 ж

Өнеге сағатының тақырыбы: «Көп жасаған қария,ақылы асқан дария»

Мақсаты: оқушыларға ұлттық қадір-қасиеттер, имандылық, үлкенді қадірлеу, үлкенге ізет, кішіге құрмет көрсету керектігін түсіндіру. Оқушыларға еңбекті сүюге, Отанымыздың білікті де білімді адал азаматы болуға тәрбиелеу.

Көрнекілігі: тақырып жазылған плакат, нақыл сөздер.

Барысы:

І.Кіріспе сөз:

А) Келген қонақтарды қарсы алу.

ІІ. Негізгі бөлім:

Ә) Қарттарымыздың қазына екендігін түсіндіру;

Б) Қарттар күніне арналған ақын- жазушылардың өлең шумақтары;

В) Аталарымыздың оқушыларға берер ақыл кеңестері, оқушылардың сұрақтары;

С) Концерттік бағдарлама.

ІІІ. Қорытынды.

1- жүргізуші: Армысыздар, құрметті қонақтар,ақ жаулықты аналар мен асқар таудай әкелер!

«Көп жасаған қария,ақылы асқан дария» атты бүгінгі мерекемізді ашуға рұқсат етіңіздер.

Қарттарым жүректерің неткен дархан,

Көтерген тұрмыс жүгін сенің арқаң.

Жолыңды жүріп өткен қарасам мен

Оқитын келешекте бір-бір дастан.

2- жүргізуші: Таң атып күн де шыққан өздеріңмен,

Жалындап жұлдыз жанған көздеріңнен.

Тербедің көктем бағын самал болып Өсиет жастарға айтқан сөздеріңмен,-деп асыл қазына,арқа сүйер тірегіміз болып аман-есен жүре беріңіздер.

1- жүргізуші: Неткен шіркін уақыт десеңші, осылайша ортамызда жүрген қарияларымыздың бір кезде елі, халқы, келешек ұрпағы үшін жасаған игі істері ерекше орын алады. Қазіргі кезде біздің мемлекетімізде қарттарға үлкен мән беріп, көңіл аударып, жан- жақты үкімет тарапынан қамқорлық жасалуда. Қазақстанның өсіп- өркендеуіне, еліміздің бейбітшілік тыныш өмір кешуіне өз үлестерін қосқан осы ардақты да аяулы қарттарымыздың арқасы деп есептейміз. Міне, енді қарттар күні саналы ғұмырларын Отан деп, тынымсыз еңбектерімен мемлекетіміздің негізін салуға жол ашқан алдыңғы буын аға- апаларымыздың төл мерекесі. Олардың өмір жолдары бүгінгі ұрпаққа табылмас қазына.

2- жүргізуші: Халқымыздың тәлім – тәрбиесі ананың ақ сүтімен, әже өнегесімен, аталар ақылымен берісіп, өзіндік қасиетімізді қалыптастыру көзделген. Ән «Атам-әжем».орындайтын «Қыздар-ай»тобы 1-жүргізуші: Қазақтар-«Төріңнен қарт кетпесін»деп тілеген халық. Жасы үлкенге құрмет ету,қарттың бүгілген беліне сүйеу болу-біздің ата дәстүріміз.Өзіңді өмірге келтірген,тіршілігіне нәр берген ата-ананың алдына адамның парыз-міндеті өлшеусіз. 2-жүргізуші: Мәнерлеп оқу:А.Бақтыгереева «Ауылға хат»10-сынып

1-жүргізуші:Әкелер! Мәңгі өшпейтін атақ-даңқың, Жүрегімнің лаулатып отын жақты Ерлігіңді жалғастырам,бақыттымын, Сендер ғой маған берген осы бақыт.

Мәнерлеп оқу:М.Мақатаев «Қарияларды жақсы көрем»10-сынып