Көп жасаған қария ақылы теңіз дария кеші

«Қарабұлақ орта мектебі мектеп жасына дейінгі шағын орталығы бар» коммуналдық мемлекеттік мекемесі

«Рухани жаңғыру» бағдарламасы аясында өткізілген

«Көп жасаған қария, ақылы теңіз дария»

рухани кештің жүрісі

Жүргізген: ДТІЖО Б.Кенжебекова

2018 жыл

«Көп жасаған қария, ақылы теңіз дария» рухани кеш

Жүргізген: Алматы облысы, Алакөл ауданы «Қарабұлақ орта мектебі мектеп жасына дейінгі шағын орталығы бар» коммуналдық мемлекеттік мекемесі директордың тәрбие жөніндегі орынбасары Кенжебекова Бахыттыгул Абдукаримовна

Мақсаты: Оқушыларға салт-дәстүрден нәр алып өсуіне,инабаттылыққа,үлкенді қадірлеуге,аталы сөзден ғибрат алуға, үлкенге ізет, кішіге құрмет көрсету керектігін түсіндіру.

Қанатты сөздер: «Қарты бар үйдің қазынасы бар». «Ақиқатты айқындап жариялар, бара жатыр азайып қариялар»

Түрі: пікір алмасу Әдісі: Әңгімелесу,ой қозғау Болатын уақыты: 13.09.18ж

Кеш қонақтары: үлкен қарт ата-апалар,ардагер ата-әжелер

Жүргізуші. Құттықтаймыз мейрамыңмен аталар!

Әр күлгенің бізге бақыт саналар.

Еңбегіңді еш етпейтін өмірде

Елің жұртың, ұл мен қызың бағалар.

Ана мейірімі күн көзімен пара-пар,

Тұла бойға қуат болып таралар.

Өміріме шуақ шашып әрқашан,

Көп жасаңдар аталар мен аналар!- Отбасы күні мен Қарттар күні мерекесіне қош келдіңіздер, қадірлі қонақтар!

Жүргізуші: Біздің дана халқымыздың ерекшеліктерінің бірі-үлкенді сыйлау,оның сөзіне құлақ асу, құрметтеу. Қазақ қоғамында қарияларға деген қамқорлық қашанда ерекше болған. Өйткені қарт адам қашанда шежіреші, үлгі-өнегенің, тәлім- тәрбиенің, көрегендіктің қамқоршысы. Қарияң тұрғанда ақыл-ойың да тәжірибең де, сана сезімің де кем болмайды.Ұрпақтарына өнеге болар қарттарымыз қашанда аман сау жүрсін!.

Жүргізуші: Бала тәрбиесіндегі маңызды саланың бірі- оларды сыйластыққа, ізеттілікке баулу, үлкендер мен қарт адамдарды құрметтеуге тәрбиелеу екені белгілі. Олай болса, бүгінгі «Болашаққа бағдар; рухани жаңғыру» бағдарламасы аясындағы «Көп жасаған қария, ақылы теңіз дария» атты рухани кешті бастауға рұқсат етіңіздер!

Жүргізуші: Қадірлі біздің ата-апаларымыз балалармен кездесуге дайынсыздар ма? Кешіміз тек сыр-сұқбат түрінде емес, сіздер үшін қызықты ойындар мен балалардың қояр әр түрлі сұрақтары, тапсырмалар болмақшы. Балалар, сондай-ақ кеш соңында оқушылар қойған сұрақтың ең жақсысына қонақтардың берер тосын сыйы бар, әзірге құпия .

Жүргізуші: мектебіміздің әншісі Жармуханбетов Азатты «Ана» әнімен ортаға шақырамын.

Жүргізуші:Неткен шіркін уақыт десеңші, ортамызда отырған қарияларымыздың бір кезде елі, халқы, келешек ұрпағы үшін жасаған игі істері ерекше орын алады. Қазіргі кезде біздің мемлекетімізде қарттарға үлкен мән беріп, көңіл аударып, жан- жақты үкімет тарапынан қамқорлық жасалуда. Қазақстанның өсіп- өркендеуіне, еліміздің бейбітшілік тыныш өмір кешуіне өз үлестерін қосқан осы ардақты да аяулы қарттарымыздың арқасы деп есептейміз. Міне, енді қарттар күні саналы ғұмырларын Отан деп, тынымсыз еңбектерімен мемлекетіміздің негізін салуға жол ашқан алдыңғы буын аға- апаларымыздың төл мерекесі. Олардың өмір жолдары бүгінгі ұрпаққа табылмас қазына. Аса құрметті ардагер ата-әжелер, Сіздер қандай да сый құрметке лайық жансыздар. Сіздердің өнегелі өмір жолдарыңыз бүгінгі ұрпаққа қайталанбас үлгі.

Жүргізуші: Дүниеге келер бір рет,

Құрыштан құйған құдірет.

Балалар,ол кім?

Әрине қарттарымыз-дей келе бүгінгі кешімізге ауылымыздың үлкен қариялары бар ықыласы мен мейірімін төгіп келіп отыр, олай болса ата - әжелермен таныса отыралық.

Жүргізуші: Өмірде түрлі тағдыр тауқыметін көріп бейнетін кешіп жүрген жандар болса, ал бірі өмірдің рахатын көріп немере-шөбере сүйіп, қолдарын жылы суға салып отырған қарттарымыз да шүкір, баршылық. Қымбатты балалар алдарыңызда «Өмірден…