Критериалды бағалау жүйесін қолдану туралы жұмыс

Оспанова Гульжанат Зейновна

№71 жалпы білім беретін орта мектебінің ағылшын тілі пәнінің мұғалімі

ОҚЫТУДА КРИТЕРИАЛДЫ БАҒАЛАУ ЖҮЙЕСІН ҚОЛДАНУ.

Қазақсан Республикасының білім беру жүйесінде 2016-2017 оқу жылынан бастап жаңартылған білім беру мазмұнына көшу сатысы бас-талып, оқушыларды кең ауқымды дағдыларға үйретуге, функционалдық сауаттылықтарын арттыруға, адами құндылықтарын дамытуға көңіл бөліне бастады. «Кең ауқымды дағдылар» келесі іс-әрекет түрлерінен тұрады: білімді шығармашылықпен қолдану; сыни тұрғыдан ойлау; зерттеу жұмыстарын орындау; АКТ қолдану; тілдік дағдылармен бірге қарым-қатынастың коммуникативтік тәсілдерін қолдану; топта және жеке жұмыс жасау біліктілігі.

Жаңартылған білім беру мазмұны бағдарламасының негізгі мақсаты – оқушыларды сындарлы ойлауға үйрету, әлемдік білім кеңістігіне қол жеткізу, инновациялық білім негіздерін терең меңгерту, яғни дәстүрлі білім беру жүйесіндегі «оқушы-тұтынушы» ретінде болса, ал жаңа мазмұндағы білім беру мазмұнының әдіс-тәсілдерімен сусындаған оқушы «оқушы – өндіруші» ретінде қарастырылады. Фундаментальды білім беру жүйесіндегі берілетін дайын ақпаратты алғаннан гөрі, оқушы Блум таксономиясының қадамдарына сүйене отырып, білімді өз бетімен игеруге бағытталады. Жаңартылған оқу бағдарламасының мазмұндық ерекшеліктері – білім мен біліктерді арттыруда оқу материалын тігінен де, көлденеңінен де біртіндеп кеңейту (білімді тақырыптар және сыныптар бойынша күрделендіру);

білім беру деңгейлері және тұтас оқыту курсы бойынша пәнаралық байланыстарды барынша ескеруге мүмкіндік беру;

бір білім саласы пәндері арасында, сондай-ақ пәнаралық байланыстарды жүзеге асыру барысында «ортақ тақырыптардың» болуы;

бөлімдер мен ұсынылған тақырыптар мазмұнының уақыт талабына сәйкестігі;

оқу процесін ұзақ мерзімді, орта мерзімді, қысқа мерзімді жоспарлар түрінде жоспарлау болып табылады.

Бүгінгі күні ұсынылып отырған жаңа критериалды бағалау жүйесі – білім алушының дамуын, оның қызығушылығын және оқуға деген ынтасын арттыруға бағытталады. Егер әр білім алушыға және оның ата – анасына түсінікті болатындай нақты әрі өлшемді бағалау критерийлері белгіленетін болса, нәтижеге жетуге әбден болады. Критериалды бағалау жүйесінің мақсаты - бағалау критерийлерінің негізінде білім алушылардың оқу жетістіктері туралы шынайы ақпарат алу және оқу үдерісін жетілдіре түсу үшін оны барлық қатысушыларға ұсыну.

Бүгінгі білім беруде оқушыны білімділік, іскерлік, шығармашылық әдістерге баулудың жолдарын іздестіре отырып, мұғалім-шәкірт арасында рухани және сезім бірлестігін айқындайды. Қазіргі кезде оған жететін жаңа педагогикалық технологияларда баршылық. Соның бірі - критериалды бағалау жолдары.

Мұғалімнің бағалаудағы ролі:

Мұғалім тәлімгер ретінде - кері байланысты және әр оқушыға қолдау көрсетуді қамтамасыз етеді;

Мұғалім жетекші ретінде - топтағы ағымдағы жұмыс үдерісіне алып жүру үшін диагностикалық ақпарат жинастырушы;

Мұғалім есепке алу маманы ретінде - оқушылардың өсуі мен жетістіктері туралы жазу;