Критериалды бағалаудың тиімділігі туралы мақала

Критериалды бағалаудың тиімділігі

Елбасымыз Н.Ә.Назарбаев « Біз «білім – ғылым – инновациялар» үштігі билеген постиндустриялық әлемге қарай жылжып келеміз» деп айтқандай жаңартылған білім мазмұнымен білім беру - заман талабы. Қазіргі білім беру жүйесінде талаптар оқушыға емес, қазіргі заман мұғаліміне қойылып отыр, мұғалімдер тек «білім беруші» ғана емес, баланың оқу ортасын құра арлатын адам болуы керек. Ол үшін мұғалімдер үнемі жаңашылдыққа дайын болуы тиіс.Оқу үдерісінің тиімділігін арттырудың бірден-бір жолы- заманауи педагогикалық технологияларды қолдану. Жаңа заман мұғалімдерінің білім мазмұнына өзгеріс енгізе алатын, оқыту мен тәрбиеге жаңа әдістер мен технологияларды енгізе алатын зор шығармашылық әлеуеті бар.

Менің бүгінгі тоқталғым келіп отырған тақырыбым — сабақта критериалды бағалаудың тиімділігі.Критериалды бағалау- оқушылардың жетістіктерін бір-бірімен салыстырмайды және бір-біріне тәуелді етпейді, сонымен қатар әр оқушының құзыреттілік деңгейі туралы ақпарат беруге бағытталады. Критериалды бағалауды енгізудің мақсаты – жаңа үрдістегі оқытудың сапасын арттыру, білім алушылардың білімін халықаралық стандартқа сәйкестендіру болып отыр.Критериалды бағалаудың міндеттері: Сабақтың әр бөліктеріндегі әр оқушының дайындық деңгейін анықтауға;

Бағдарламаға сәйкес оқу мақсаттарын орындау қабілеті;

Жеке оқушының даму жетістігін бақылауға;

Оқушының білім алу барысындағы қателіктері мен олқылықтарын айқындауға;

Әртүрлі жұмыс барысындағы алған өз бағасының әділдігіне көзін жеткізуге;

Оқу бағдарламасының тиімділігін саралауға;

Сабақ үдерісі мен білімнің меңгерілуі туралы оқушы мен мұғалім және ата-ана арасындағы кері байланысты қамтамасыз етуге .

Критериалды бағалаудың басты ерекшелігі – бағаның әділдігі, айқындылығы, өзін-өзі бағалауға мүмкіндіктің болу.Критериалды бағалау жүйесінің берер мүмкіндіктері мол. Атап айтсақ, оқу үрдісінің әрбір кезеңінде оқушының дайындық деңгейін анықтау,оқу бағдарламасына сәйкес оқытудың мақсаты мен нәтижелерінің жетістіктерін оқушылардың өздерінің талдауы,әрбір оқушының жеке даму деңгейін бақылау,оқу үрдісін ұйымдастырудың және оқу материалын меңгерудің ерекшеліктерін анықтау үшін мұғалім, оқушы және ата-ана арасында кері байланысты қамтамасыз ету.

Критериалды бағалаудың артықшылығы оқушының жеке басы емес, тек қана жұмысы бағаланады. Ал оқушының жұмысын бағалау алдын ала ұсынылған критерийлерге негізделеді. Бағалау алгоритмі оқушыларға алдын-ала белгілі болады. Оқушы нақты не мақсатта жұмыс істеп отырғанын біледі және өзінің білімділік деңгейін анық көріп тұрады.Сонымен қатар мұғалім де оқушының білім…