Күлше қыздың хикаялары мерекелік сценарийі

8-наурыз аналар мерекесіне арналған ертеңгілік

«Күлшеқыздың басынан өткен хикаялары»

Мақсаты: 8-наурыз мерекесін түсіндіру,сезіндіру. Балаларға көңілді орта қалыптастыру.

Міндеттері:

1.Үйрету:балаларға сахна мәдениетін,әнді нақышына келтіріп орындау мәнеріне үйрету.

2.Тәрбиелеу:балалардың жүріс-тұрысын қадағалау,үлгілі,өнерлі,тәрбиелі болып өсуіне қалыптастыру.

3.Түсіндіру:Балаларға өткізіліп жатқан ертеңгіліктің мағынасын,қандай мерекеге арналғанын ұғындыру. Тақырыпқа байланысты әндер арқылы балаларды әжеге, анаға үлкен ықылас пен құрметпен қарауға үйрету, түсіндіру.

Көрнекіліктер:түрлі түсті шарлар, гүлдер, әртүрлі жұмсақ ойыншықтар.

Кейіпкерлер:

1.Жүргізуші

2.Желаяқ

3.Таусоғар

4.Көлтаусар

5.Көктем

6.Күлшеқыз

Орындалатын әндер:

1.Ән: «Құттықтаймын мама, туған күніңмен!» Ә: Н. Тілендиев; С: М.Мақатаев.

2.Ән «Балапан»

Орындалатын би:

1.«Біз кішкентай жұлдыз»

2.«Жаяу» Серік Ибрагимов.

3. «Раз ладошка, два ладошка»

Блингвальный компонент:

Ертеңгіліктің барысы:

Шымылдық ашылады. Ертеңгілік бимен басталады. Балалар «Біз кішкентай жұлдыз» әніне жұптасып билеп шығады. (Биге қатыспайтын балаларды тәрбиеші көмекшісі жайлап отырғызады). Жұптасқан би аяқталған соң, балалар орындарына жайғасады.

Жүргізуші: Сәлеметсіңдер ме балалар?

Балалар амандасады.

Жүргізуші: Балалар, әдемі болып, сәнденіп біз қандай мерекеге келіп отырмыз? Бұл қандай мереке? Кімдердің мерекесі?

Балалар: Көктем мерекесі, аналарды, әжелердің, қыздардың мерекесі.

Жүргізуші: Жарайсыңдар!

Аналар мен әжелердің, қыздардың жалпы көктемнің алғашқы мерекесі екен иә?

Құттықтау:

Ендеше аналарымызға арнап тақпақтар әндер шырқап берейікші?

ТАҚПАҚ: Аяулым, каусар, Інжу

Балалар шашыраңқы ретпен тұрып ең алдымен тақпақтарын айтып алады. Содан соң ән орындайды.

Жүргізуші: Жарайсыңдар балалар!

Ән айтылып болған соң музыка ойнайды тәрбиеші балаларды орындарына отыруға шақырады.

Балалар отырған соң, музыкамен ортаға Күлшеқыз(золушка) шығады.

Күлшеқыз (жыламсырап): Сәлеметсіңдер ме?

Барлығы амандасады.

Жүргізуші: Күлшеқыз неге мұңайып тұрсың? Жылап тұрсың ба? Не болды?

Күлшеқыз: Қалай жыламаймын. Әкем сатып әперген әдемі көйлегім мен кебісімді (туфли) киіп хан сарайына балға барған едім. Өгей анам шақыртып жатыр деген соң асыға шығамын деп аяқкиімімнің бір сыңарын жоғалтып алдым. Содан үйге барып едім. Өгей анам «көктем келді барып раушан гүлін теріп алып кел» деп қуып жіберді.(жылайды) Әлі мамыр айы туған да жоқ, Қызғалдақ гүлін қайдан табамын?

Жүргізуші: Күлшеқыз сен жылама. Кел мында отыр. Балалар Күлшеқызға аяқ киімінің бір сыңарын тауып, Қызғалдақ гүлдерін тауып беруге көмектесеміз бе?

-Иә

Жүргізуші: Ендеше Күлшеқыздың ең алдымен көңілін көтеріп алайық иә балалар? Қазір біздің қыздар әдемі би билеп береді.

Би «Раз ладошка»

ТАҚПАҚТАР

Күлшеқыз: керемет! Көңілім шынымен көтеріліп қалды!

Жүргізуші: Жақсы, ал енді біз көмекке достарымызды шақырамыз. Балалар Таусоғар, Көлтаусар, Желаяқты шақырайықшы.

Барлығы: Таусоғар, Көлтаусар, Желаяқ!

Әдемі әуенмен Таусоғар, Көлтаусар, Желаяқ үшеуі кіреді.

Үшеуі бірге амандасады. Балалар да амандасады.

Жүргізуші(амандасып болған соң): Таусоғар, Көлтаусар, Желаяқ біз сендерді бір көмекке шақырып отырмыз. Мына Күлшеқызға көмектесуіміз керек. Ол кебісінің бір сыңарын жоғалтып алыпты. Және оған раушан гүлін тауып беруіміз қажет.

Таусоғар: Жақсы әрине көмектесеміз.Оның үстіне бүгін аналар, әжелер, қыздар мерекесі екен. Бұл Күлшеқыздың да мерекесі, көмек көрсетпегеніміз дардай атымызға сын болар. Жоғалған кебістің сыңарын ізеу үшін біз ең алдымен алдымызда тұратын кедергілерден өтуіміз керек.

Жүргізуші: Қалай сонда, біз тауларды көтеруіміз керек пе?

(Осы кезде ойынның әбзелдері даярлануы керек).

Таусоғар: Дәл солай! Қазір екі топқа бөлініп, жолдағы кедергілерді алып тастаймыз. Сонда Күлшеқыздың іздегені табылар.

Ойын «Таусоғар». Ортаға картоннан жасалған үшбұрышты үлкен-үлкен текшелер шашыраңқы ретпен қойылады. Балалар екі топқа бөлініп, текшелерді екі жаққа жарыса жинауы тиіс. Бірінші біткен топ жеңімпаз атанады. Ойын бірнеше рет қайталанады.

Ойын ойналып болған соң,

Жүргізуші: Таусоғар кедергілердің бәрін жинап тастадық, ал кебіс табылмады енді не істейміз.

Таусоғар: Ал мен білемін балалар ән орындап, көңілімізді көтерсе көлтаусар бір шешімін табар.

Жүргізуші: Жақсы Таусоғар келістік . Ал қане балалар келген қонақтарымызға мерекеге арнап Ән орындап берейік.

«МАМОЧКА МАЯ»