Қош келдің, әз Наурыз! мерекелік қойылым сценарийі

Қош келдің, әз - Наурыз!

Мақсаты: Қазақ халқының ұлы мерекесі Наурыз мейрамы жөнінде түсінік бере отырып, халқымыздың салт – дәстүрін дәріптеу, имандылық, инабаттылық, ізеттілік қасиеттерін қалыптастыру. Мазмұны: Бүкіл тіршілік аталуының түрленіп, жаңаруы паш етіледі. Мейрамның ең қадірлі дәмдері мен қасиетті сөздері кеңінен насихатталады. Көрнекілігі: Нақыл сөздер, ұлттық бұйымдар, ұлттық тағамдар, т.б. Мейрам өтетін жер салт- дәстүрлерге байланысты жабдықталады. Балалар ұлттық киімдерін киіп келеді. Түрі: Мерекелік сазды әдеби – музыкалық кеш. І. Қонақтарды қабылдау. ІІ. Жиналған қауымды Наурыз тойын тамашалауға шақырады. ІІІ. «Жыл басы - Наурыз» тойы мерекесінің жүру бағдарламасы.

Барысы 1- Жүргізуші: Сүйінші, сүйінші, Жаңа күн, Жаңа жыл келді. Жауқазындар қар астынан көзін ашып үлгерді. Наурыз келді, біздің жомарт далаға, Наурыз келді, еңкейген қарт, еңбектеген балаға!

2- Жүргізуші: Сүйінші, сүйінші, Күн менен түн теңелді. Далаға құт береке дарытып, Көш пен бірге Қыдыр ата келеді.

Қыдыр атаның батасы: Ұлысың оң болсын! Ақ мол болсын! Қайда барса жол болсын! Ұлыс бақты болсын! Төрт түлік ақты болсын! Ұлыс береке берсін, Бәле - жала жерге енсін! Жаңа жыл бақыт жылы болсын! Малың тоқ, уайым - қайғың жоқ болсын! Көген толы қозы, желі толы құлын болсын! Малың базарлы, ұлың назарлы, Қызың ажарлы болсын!... Жарылқа, тәңірім, қабыл ет. Қарық қып құтты Наурыз Құрдасыңа – қуаныш бол

Уа, жаратқан, жарылқа Құдайдың өзі сөйтіп оңдасын.

1- Жүргізуші: Ассалламағалейкум! Бір алласы бар, Екі дүниесі бар, Үш жүзі бар, Төрт құбыласы бар, Алты аласы бар, Жеті қазынасы бар, Сегіз серісі бар, Тоғыз құмалағы бар, Оншақты ұлы бар, Моншақты қызы бар,

2- Жүргізуші: Жігіттері жылқының жалында ұйықтап, Келіндері түйенің қомында босанған, Көшпелі елдің өшпейтін ұрпағы армысыздар! Ұлыстың ұлы мерекесі «Әз – Наурыз» құтты болсын! Ақ мол болсын, еліміз аман, жұртымыз тыныш болсын! Наурыз келді еліме, наурыз келді жеріме. Бақыт, байлық тілеймін, барша қазақ еліне. Құрметті ағайын «Наурыз құтты болсын!» - дей отырып, ең алғашқы мерекелік құттықтау сөз, Алматы мемлекеттік көлік және коммуникациялар колледжінің директоры, техника ғылымдарының кандиты - Е.С.Нусупбековке беріледі.

Ән: Мейіржанның орындауында «Наурыз» әні.

1- Жүргізуші: Жаңа жылды, Наурыздың 22 – сін халық «Ұлыстың Ұлы күні» - деп ұлағаттаған. Ұлыс күні қазақ үшін әрқашан қасиетті, киелі саналған. Бұл күнгі болған әрбір өзгеріске үлкен мән берген, қар немесе жаңбыр жауса, «Нұр жауды», «Туар жыл нұрлы болады», «Наурыздың ақша қарындай» - деп, әсем теңеулер айтып, ағынан жарыла қуанса, мал төлдесе, бір тал, көк шөп артық шығады деп, ырымдаған. Нәресте дүниеге келсе, ұлағаттап есімін ерекше қойған.

2- Жүргізуші: Наурыз келсе, құт келген халайық! Есік ашып, шашу шашып, Ел болып, қарсы алайық. Той пердесін ашайық, Тойға шашу шашайық!