Күшік досын қалай тапты сабақ жоспары балабақшаға

«Балбөбек» шағын орталығының «Құлыншақ» тобына ұйымдастырылған оқу қызметінің технологиялық картасы

Күні:12.09.2018

Тәрбиеші: Кенжетаева Сымбат

Білім беру саласы: Коммуникация

Бөлімі : Драма

Тақырыбы: «Күшік досын қалай тапты?» ертегісі таныстыру

Мақсаты: Балаларды үстел-үсті театры арқылы ертегі мазмұнымен таныстыру, сұрақтар бере отырып, ертегіні желісі бойынша әңгімелеуге үйрету

Әдіс-тәсілдер: Әңгімелеу, сұрақ-жауап,үстел-үсті театры.

Қажетті көрнекіліктер: Ертегі мазмұны бойынша безендірілген үстел-үсті театры, жылжымалы күшік, қоян, түлкі, бала, үй макеттері және т.б. көрнекіліктер

Әрекет кезеңдері

Тәрбиешінің іс-әрекеті

Балалардың іс-әрекеті

Мотивациялық қозғаушы

Тәрбиеші: -Балалар, сендер білесіңдер, біз бір-бірімізбен қандай қарым-қатынаста болуымыз керек? Кәне, кім айтады?

-Дұрыс айтасыңдар, біз бәріміз доспыз. Ал, дос дегенді қалай түсінеміз?

-Дұрыс айтасыңдар, олай болса, біз бүгін «Күшік досын қалай тапты?»-деген ертегімен үстел-үсті театры арқылы танысамыз. Мұқият тыңдаңдар.

Балалар сыйластық, достық, қамқорлық жайлы өз пікірлерін айтады.

-Достар бір-біріне көмектеседі, ренжітпейді, бірге ойнайды.

Іздену ұйымдастырушы

(Ертегіні үстел-үсті театры арқылы көрсету.)

-Балалар, сендерге ертегі ұнады ма?

-Ертегі қалай аталады ?

-Жарайсыңдар, балалар.

-Балалар, осы ертегі мазмұнын сұрақтар арқылы әңгімелейік.

-Ертегі не туралы айтылған?

-Күшік жолға не іздеп шықты?

-Күшік бірінші нені жолықтырды?

-Түлкімен дос болды ма, күшік түлкіге неге ренжіді

-Күшік тағы нені кездестірді?

-Күшік қоянмен дос болды ма?

-Түлкіге, қоянға ренжіп келе жатқанда күшік кімді жолықтырды?

-Орманшының баласы күшікті көріп не істеді?

-Түн болған кезде күшік не істеді?

-Күшіктің дыбысын естіген орманшының баласы не істеді?

-Күшік неге қуанды?

-Дұрыс айтасыңдар, міне, сол күннен бастап күшік адамдармен дос болып, үйді, адамдарды қорғайтын болыпты. Күшік осылай досын тауыпты

-Иә, ұнады

-«Күшік досын қалай тапты?» ертегісі

-Күшік туралы

-Өзіне дос іздеп шықты

-Түлкіні жолықтырды

-Әуелі түлкімен дос болды, бірақ түн болған кезде күшік үріп түлкіні ұйықтатпады . Ұйықтай алмаған түлкі таңертең күшікпен дос болмайтындығын айтты. Күшік түлкіге ренжіп кетіп қалды.

-Күшік қоянды кездестірді.

-Жоқ, өйткені күшік үріп қоянды да ұйықтатпады.

-Орманшының баласын

-«Ой, қандай әдемі күшік»,-деп үйіне әкелді.

-Түнде күшік қора маңына келген аңдарды үркітіп үре бастады.