Нан дастарханға қалай келді ашық сабағы балабақшаға

Білім саласы: «Таным»

Ашық оқу іс - әрекеті: «Жаратылыстану»

Тақырыбы: «Нан дастарханға қалай келді?»

Мақсаты: Балаларды нанның біздің дастарханымызға қалай

келетіні жайлы түсінік беру.Дәнді егуден бастап,нан болғанға дейінгі еңбек түрлерімен таныстыру.Адам еңбегін құрметтеуді,

нанды қадірлеуді үйрету.

Көрнекілігі: Суреттер, нан түрлері.

Билингвизм: Нан –хлеб, бәліш- пирошки, бөлішке – булочка.

Шаттық шеңбері

Арайлап таң атты,

Алтын сәуле таратты.

Қайырлы таң достарым,

Қайырлы таң ұстазым.

Балалар қане бір- бірімізге шаттық шеңберіндегі жылуды сыйлайықшы, алақанмен үрлеп жылуды кезекпен -кезек бір-бірлеріңе сыйлаңдар.

Қазір қай мезгіл? (Көктем)

Көктемде неше ай бар? (3 ай)

Көктемде қандай ерекшеліктер болады? (жаңбыр жауады, құстар келеді,күн жылынады,ағаштар бүршік жарады)

Жарайсыңдар,балалар.Қазір теледидардан слайд тамашалаймыз.

Слайд. Адамдар ерте көктемде алдымен трактормен жерді жыртады, диқандар ол жерге бидайдың тұқымын тастайды. Бірнеше күндерден кейін дәндер өсе бастайды. Бидайдың сабақтары пайда болады, оны диқандар үнемі суарып отырады. Күзде астықты комбайндармен орады және үстерінен бастырады. Бидайды диірменге апарып тапсырады. Аппақ болып ұн дайындалады. Қап – қаптармен ұнды наубайханаға тасиды. Онда ұн иленіп, нан пісіріледі. Нан таситын көліктермен дайын нандарды дүкендерге әкелінеді. Дүкенде нанның бірнеше түрлері: бөлке, тоқаш, батон, торттар, печениелер, бауырсақтар, бәліштер сатылымға шығарылады. Нан дастарқанға келгенше қаншама адам еңбек етеді. Мұның бәрі – адам еңбегі.

Тосын сәт:Диріменмен бидай тарту. Ұнды көрсету.

Көрдіңдерме балалар, нанның қалай пайда болатынын біз білдік.

Балалар мен жұмбақ жасырамын , қане кім жауабын айтар екен,

Асты тас , үсті тас,

Ортасында піскен ас (нан)

Дидактикалық ойын: «Нан пісірейік»

Нан пісірудің ойын ретін еске түсірейік.Қамыр илеу үшін не керек екенін өздері табады.Әр түрлі азық-түлік суреттері тұрады.Өздері ойлап табады.

Сергіту сәті:

Жел соқты гу-гу,

Жаңбыр жауды тырс-тырс.

Жаңбыр басылды,

Күн ашылды

Қорытынды: Бір үзім нан ертегіден үзінді.

Кане балалар кім нан туралы тақпақ біледі?

Нан қоқымын шашпаңдар

Жерде жатса баспаңдар

Теріп алып қастерлеп

Торғайларға тастаңдар.