Күз байлығы технологиялық картасы мектепке дейінгі балаларға

Технологиялық карта

Білім беру саласы: Қатынас Ұйымдастырылған оқу қызметі: Тіл дамыту. Тақырыбы: « Күз байлығы». 1.Білімділігі: Балалардың тіл байлығын ,ойлау және сөйлеу қабілеттерін одан әрі қарай дамыту. Көкөністер мен жемістерді ажырата білуге үйрету. 2.Дамытушылығы: Сәбіз, қызанақ, пияз, қайда өсетіні туралы білімдерін бекіту. Әңгімені қайталап айтуға үйрету. «З» дыбысының дұрыс айту дағдыларын байқау. 3.Тәрбиелігі: Ұқыптылыққа ,тазалыққа тәрбиелеу. Әдіс –тәсілдері: Әңгімелесу, әңгімелету, орындау, түсіндіру, сұрақ-жауап, ойын. Көрнекіліктер: Күзді бейнелейтін суреттер. Жеміс, көкөніс суреттері, муляж, ковролан, ойынға керекті құралдар. Полилингвальді компонент: жеміс-фрукты-fruit, көкөніс-овощи-vegetabIes.

Әрекет кезеңдері

Тәрбиешінің іс-әрекеті

Балалардың іс -әрекеті

Баланы тапсырманы орындауға қызықтыру. (талпындыру).

Күзгі баққа саяхат.

Саз залыңың әсемдігіне назар аударады.

Балалалар саяхатқа баратындарына қуанады.

Саз залының әсемдігіне қызыға қарайды.

Балаларды ізденушілікке ұйымдастыру.

Көрмеге шақыру билетін әкеледі.

Тәрбиеші:

Балалар, көрмеге апайлар да келіпті, апайлармен амандасайық.

Көрмеге саяхат.

Жұмбақ жасыру.

Ұшты талдан жапырақ

Сары көбелек секілді.

Аспанда жай шатырлап,

Тамшы жерге секірді.

Бұл қай кезде болады?

Дидактикалық ойын:

« Кім не біледі?».

Ойын шарты:

Балалар тәрбиешінің күз туралы қойған сұрақтарына жауап береді.

Сұрақтар:

1.Бір жылда неше мезгіл бар?

2.Қазір жылдың қай мезгілі. Қандай ерекшеліктерін білесіңдер?

3.Күз мезгілінде құстар қайда кетеді?

4.Күз мезгілінде бау-бақшада нелер піседі?

5.Жемістер мен көкөністерді жылдың қай мезгілінде жинаймыз?

Балалардың тақпақтары.

Әлішер:

Кешлі,келші алтын күз,

Келші, келші жарқын күз.

Мерекені жалғастырып, Ойнап күлші Алтын күз.

Айгерім:

Қуантып біздерді,

Мерекелі күз келді.

Келші,келші алтын күз,

Кемелденген халқымыз.

Алтынбек:

Қарашы күз келді,күз келді,

Сары ала жауыпты іздерді.

Күз біткен керуен секілді,

Көңілсіз неліктен күз енді.

Тәрбиеші:

Мына суретте бау-бақшада бейнеленген бау-бақшада нелер өседі?

Жемістер мен көкөністер туралы жұмбақ жасыру.

1.Отыз түйме киілген

Бір түйме жоқ ілінген.

2.Көкпенбек еді көктемде,

Қызарды күз жеткенде.

3.Қалың киім ұнатады,

Шешіндірсең жылатады.

4. Жер бетінде шашы бар,

Жер астында басы бар.

Тәрбиеші:

Тақтамен жұмыс:

Күз мезгілінде егістікте астықтар жинайды.

Ән: « Алтын күз».

Тәрбиеші:

«З» дыбысының айтылуын үйрету.

Тақпақ, жаңылтпаш, мақал-мәтел айту.

Ойын: « Ұйқасын тап».

Дидактикалық ойын: «Әжемізге көмектесеміз».

Ойын шарты:

Балалар үстел үстінен суреттерді алады.

Ковроланмен жұмыс: