Күзгі алтын жапырақтар қойылым сценарийі

ІІ-кіші тобына арналған ертеңгіліктің сценариі.

«Күн бұлтпен қонаққа келеді»

(Балалар ән ырғағымен залға кіріп,шеңбер бойынша тұрады).

Жүргізуші:

Береке бақ дарыған,

Жомарт көңіл, жарқын жүз.

Сары алтынға малынған,

Жетті міне, Алтын күз!

Сәлеметсіңдер ме, балалар! Бүгін біздің зал қандай әдемі, қаншама түрлі – түсті жапырақтарға толы. Балалар, бүгін бізде қандай мейрам?

Балалар: Күз мейрамы!

Жүргізуші: Балалар қараңдаршы, далада қандай әдемі, қанша жапырақтар жатыр. Балалар, біз қыдырып, осы жапырақтарды жинайықшы.

Балалар жерде жатқан жапырақтарына барып, жапырақтардың алдарына тұрып, сол жерде би билеуге қалады.

Жүргізуші: Балалар, сендер қандай әдемі жапырақтарды жинап қойдыңдар! Біз олармен би билеп ән салайық.

«Жапырақтармен» ән.

1 Шұғыла

Өрік, шие, балы бар,

Қарбыз қауын көбейді.

Жегің келсе бәрін ал,

Неге аласың демейді.

2 Аяна

Күзім-ау, күзім-ау,

Мінезің бұзық-ау.

Жаңбырың сіркіреп,

Келгенің қызық-ау.

2-бала (Камшат)

Мерейлі күз, мырза күз!

Сыйлығыңа ырзамыз!

Аппақ арай таңында,

Шомыламыз нұрға біз!

3-бала (Адина Д)

Қамба толды астыққа,

Алғыс саған, Алтын күз!

Бір уыс дән шаштықта,

Арба қауын алдық біз.

4-бала (Айзере)

Жапырақ ұшты,

Суық та түсті.

Сонда да бізге,

Қызық көп күзде.

(Балалар отырады, тарсылдаған жаңбырдың дауысы естіледі)

Жүргізуші: Ой, балалар! Естіп тұрсыңдар ма? Жаңбыр жауайын деп тұрған сияқты.

(Жаңбырдың дауысымен залға бұлт кіреді)

Бұлт: Сәлеметсіңдер ме, балалар! 2

Балалар: Сәлеметсіз бе!

Бұлт:

Күзгі көк бұлт мен болам,

Көтеріліп теңізден,

Аспанға биік барамын,

Қаласам қазір сендерге,

Жаңбыр болып жауамын.

(Балаларға жаңбыр шашады)

Жүргізуші:

Жаңбыр, жаумай тоқтай тұр,

Дабылыңды соқпай тұр,

Саяғынды түгендеп,

Үйіріңді соқпай тұр!

Біздің кшкентай бүлдіршіндеріміз сізге би билеп береді.

Би: «Қолшатыр»

Бұлт: Рахмет, балалар! Қандай әдемі би! Сендер жаңбырдан қорықпайсыңдар ма?

Балалар: Жоқ! (Жүргізуші білдірмей қол шатырды алады)

Бұлт: Аяқтарыңды сулаймыз деп қорықпайсыңдар ма?

Балалар: Жоқ!

Бұлт: Қалай сендер барлықтарың батылсыңдар?

Жүргізуші: Міне, біз қандай батылмыз!

(қолшатырды жазып, балаларды астына тығылуға шақырады)

Бұлт:Сендердің ойнағыларың келеді ғой, мен сендерді тез ұстап аламын.

Ойын: «Қолшатыр» немесе «Жаңбырдан қорықпаймыз»

Жүргізуші балалармен:

Жаңбыр, жаңбыр, жау, жаңбыр!

Жаңбыр келіп жауады

Тамшылары тамады.

(Әннің ырғағымен балалар жүгіріп ойнайды, Бұлт орындықта отырып ұйықтайды. Бұлт балалардың дауысынан оянып, оларға су шашады, сол кезде балалар қолшатырдың астына тығылады. Екі – үш рет ойнағаннан кейін орындарына отырады).

Бұлт: Балалар , сендер барлығын жылдам және шапшаң екенсіңдер, мен сендерді ұстай алмадым.

Жүргізуші: Бұлт, сенімен өте көңілді. Балалар сенімен ойнады, күлді, бірақ бізге әліде біреу жетіспейтін сияқты. Бізде күн жоқ екен. Қане, балалар, бәріміз мейрамымызға күнді қонаққа шақырайық ( балалар орындарына отырып, қолдарын…