Күзгі бақ тақырыбындағы ұйымдастырылған оқу қызметі

Атырау облысы

Құлсары қаласы

КМҚК «Аққайың» ясли бақшасы

Жумуханова Манчук -тәрбиеші

Білім беру саласы: Таным

Ұйымдастырылған оқу қызметі: «Жаратылыстану»

Тақырыбы: Жемістер.

Мақсаты: Балаларды жемістің түрлерін атауға және алманың түстерін ажырата білуге үйрету.

Қимылды ойын: «Кім шапшаң?»

Сабақтың барысы: Шаттық шеңбері.

Біз кішкентай баламыз,

Өсіп өніп толамыз

Көкке қолды көтеріп,

Күнге қанат жаямыз

-Енді мен сендерге бір жұмбақ жасырайын:

Бозарып дала,

Тоңады бала

Астығы піскен

Жапырағы түскен. Ол не? (Күз)

Күзде ауа райы қандай болады? Күн суытады, ағаштардың жапырағы сарғаяды, құстар жылы жаққа ұшады, жаңбыр жиі-жиі жауады. Сондай-ақ күзде біздің жеміс жидектеріміз піседі.

Біздер өткен оқу іс-әрекетімізде жемістер туралы тақпақтар айтып едік, қане, есімізге түсірейікші, кім айтады?

Жемістер туралы тақпақтар.

Айсәуле, Малика, Альбина, Айару

-Жарайсыңдар!

Олай болса бүгін біздер жемістердің атымен толық танысайық.

Мына суреттегі жемістердің аттарын атайық.

-Жемістер қайда өседі?

-Бақшада, ағаштарда өседі екен.

(алма, алмұрт, өрік, шие, жүзім)

Жемістер көптеген дәрумендерге бай. Оларды жуып жеуміз керек.

Жемістерді көп жесеңдер сендер үлкенболып өсесіңдер!

Тосын сәт: Қоян

-Қоян сен қайдан келесің?

-Мен бағбан атайдың бақшасынан, атайдың бақшасындағы жемістер пісіпті.

Атайдың өзі жинап үлгере алмай жатыр екен. Сендерден көмек сұрай келдім.

Олай болса балалар біздер бағбан атайдың бақшасында жеміс ағаштары бар екен, сол ағаштардың жемістерін жинайық.

Алма баққа барайық,

Алма теріп алайық

Ең үлкенін дәмдісін

Анамызға сыйлайық.

Ойын: Кім шапшаң?

Қоян: Ой балалар керемет жинайды екен жарайсыңдар! Мен тағы да басқа топтарға баруым керек еді. Сендерге рахмет! Сау болыңдар!

Қорытындылау.

Балалар бүгінгі ойынымыз ұнады ма?

-Біздер нені үйрендік?

Әрине, жемістердің аттарын үйрендік. Жемістер қайда өседі екен?

Бақшада, ағашта өседі екен.

Барлықтарың ойынға өте тамаша қатыстыңдар рахмет!