Күзгі жапырақтар мен жыл мезгілдері балабақша сабағы

«Мектеп» ғаламшарына саяхат

Балалбақшамен қоштасу кеші.

Залға музыкамен тәрбиешілер кіреді.

Жүргізуші.1 Сәлеметсіздер ме құрметті ата-аналар, қонақтар, бүгін біз мәпелеп тәрбилеген бүлдіршіндерімізді ұямыздан ұшырып, мектепке шығарып салғалы отырмыз!

Жүргізуші.2 Қадамдары құтты болсын, жақсы оқып, озат оқушы болсын!

Балалар музыкамен залға жұптасып кіреді, орындарына тұрады. Тәрбиешілер балалардың аттарын айтып тұрады.

Балалардың тақпақтары:

Балабақша бесігім

Тағы бір той жасайық!

Ашып мектеп есігін

Өзіңмен қоштасайық!

Талай қызық той өткіздік

Бірақ орны бөлекше

Бақшамызбен қоштасатын

Бүгінгі той ерекше

Қуанышымыз біздің мол

Мектепке біз тарттық жол!

Ұмытпаймыз өзіңді,

Балабақшам қош сау-бол!

Оқимыз, білім аламыз,

Болашақ жолын саламыз.

Бақшамызбен қоштасып,

Біз мектепке барамыз!

Ән «Біз мектепке барамыз»

Тақпақтар:

Сезімді туған баламыз

Оянды ақыл санамыз

Адамдықтың бастауын

Өзіңнен алып барамыз.

Біз балауса баламыз,

Жетелеп ой санамыз.

Бақшамызбен қоштасып

Мектепке енді барамыз.

Қош бол балабақшамыз,

Қимай кетіп барамыз.

Бал күндерді қиялдап

Сағынармыз әлі біз.

Сөзіме құлақ салыңыз,

Бір серпіліп қалыңыз

Қоштасуға арналған,

биді қабыл алыңыз.

«Менуэт» биі.

Жүргізуші.1Міне, балалар, бүгін балабақша атты әлеміндегі қызықты және бақытты жылдарымыз, зымырап өтті. Ал алдарында, сіздерді тағы да бір қайталанбас қызықты «Мектеп» ғаламшары күтіп отыр. Сол «Мектеп» ғаламшарына барғыларың келеме?

Балалар. Иә!

Жүргізүші. 2Ендеше, зымыранға отырып, белбеуді тағып, аттанайық.

Балалар орындықтарға барып отырады.

Дауыс. Қымбатты жолаушылар, зымыран «мектеп» ғаламшарына аттанады. Орындықтарға жайғасып отыруларыңызды сұраймын, біз ұшамыз. 5-4-3-2-1!

Музыка естіледі, «балалар ұшады зымыранда»

Жүргізүші. 1 Зымыран өте жақсы ұшып келеді. Барлық новигациялық жұмыс жүйесі дұрыс істейді. Біз белгісіз бір ғаламшарға жақындап келіп қалдық.

Дауыс. Дайындалуларыңызды өтінемін, белгісіз ғаламшарға қонамыз.

Жүргізуші. 2 Бұл «Балалық шақ » ғаламшары ғой. Барлығыңызды балалық шақтан естелік толқынына өтулеріңізді сұраймын. Балабақша табалдырығын алғашқы рет аттаған сәттеріңіз естеріңде ме?

Балалардың тақпақтары.

Балабақша есігін

Үшке толы ашқанбыз

Балапандай өсіріп

Мәпелейді бақшамыз

Үйретеді сүретке

Үйретеді білімге

Үйретеді әдепке

Таза болып жүруге

Бір-бірімен сыйласып

Тату жүрміз бәріміз.

Бал достықпен өнеге

Біздің балабақшамыз.

Жүргізуші1. Сендер біздерге кішкентай, сүйкімді бүлдіршіндер болып келіп едіңдер. Мына бүлдіршіндер сияқты.Сендерді құттықтауға сәбилер тобының балалары келіп тұр. Кәне қарсы алайық!

Музыкамен сәбилер тобының балалары кіреді

Сәбилердің тақпақтары:

Қош, балалар, сәт сапар!

Бақытты бәрің болындар.

Жақсы оқып сабақты

Кілең бестік алындар!

Бірге ойнап, бірге жүрген

Күндерімізді қимаймыз!

Естелік болсын біздерден

Дәптер, қалам силаймыз!

Балалар сыйлықтарды сыйлайды.

1бала Өздерінді ұмытпай,

Есімізге алмыз.

Ұмытпасын деп арқашан,

Оркестрде ойнауға шақырамыз!

Оркестр «Еркем ай»

Сәбилер кетеді

Жүргізуші 1. Балалар, біз тағы да зымранмен саяхатқа аттанайық!

Зымранда ұшқан музыка естіледі, кейін Вирустын музыкасы болады.

Залға Вирус кіреді.

Вирус. Ха-ха-ха! Қарай гөр ! «Мектеп» ғаламшарына бармақшы! Ал мен сендерді жібермеймін, ештенеде шықпайды, баралмайсыңдар!

Жүргізуші 1. Кешіріңіз, сіз кім боласыз?

Вирус. Мен– компьютерлық вирус - Противуспын, борттық компьютерларды, істен шығару үшін арнайы жасалғанмын! Мен балардың және ата-аналардың, барлық білген білімдерін жоямын! Балалалардан сұрайды.

Бір қолда қанша саусақ бар?

Балалар: 5

Вирус. Ал екі қолда ше?

Балалар: 10

Вирус . Дұрыс - 10? Кәне санап көрейікші!

1,2,3,4,5 – бір қолда,

10,9,8,7,6 – екінші қолда!

Дұрыс емес, 11 саусақ болады!

Жүргізуші 1 Жоқ сен қателестің? Біздің балалалар, санауды жақсы біледі!

Вирус. Қазыр тексеріп көрейін!

Он екі үйрек көріп ем,

Үшеуі ұшып кетті

Төртеуі суға түсіп кетті

Айтпауға сөз қалмады.

Қаншасы орнынан қозғалмады?

Үш алманы бақтағы

Кірпі алып жинады

Ең әдемі біреуін

Ақ тиінге сыйлады.

Ыдыстағы алманың

Санап көрші қалғанын

Тауық, жөнін тауып,

Он жұмыртқа басты,

Өэдерінше мықты

Төрт балапан шықты

Қанша қалғанын

Есептей алмай отырмын.

Жарайсындар, балалар!Ата- аналар, қалай санай алады екен көрейік?

1. Ақ қайында 6 үлкен бүршік (шишка), және 3 кішкентай бүрщік бар. Барлығы қанша болады? (ақ қайында бүршік өспейді)

2. 5 электрлі шам жанып тұрды, оның 3 сөніп қалды. Қанша шам қалды? (Бесеуі)

3. Бөлмедегі әр бұрышта бір мысықтан және оған қарама-қарсы үш мысықтан отырса, бөлмеде неше мысық бар? (4 мысық)

Вирус. Жарайды ата-аналар да санауды ұмытпаған екен! Бірақ әріптерді, танып біле алмайсындар, өйткені мен әріптерді, балалардың және ата-аналардың, мыйларынан өшіріп тастадым!

Жүргізуші 1 Әріптерді балалар біледі. Оны біз саған, Вирус, дәлелдейміз! «Әріптерді танып біл» деген ойын білеміз, кәне көр!

«Әріптерді танып біл» ойыны

Балалар шеңбер құрып тұрады. Бір бала шеңбер ішінде. Жерде, баланың алдында, әріптер жатады. Бір әріп тандап алады.

Басында: Барлығы музыкамен билейді.

1бөлімде: Балалар айтады:

«Кітаптарды оқу үшін»

Әріптерді білу керек!