Күзгі жапырақтар тақырыбындағы мектепалды ашық сабағы

Білім беру саласы:Қатынас

Бөлімі:: Сөйлеуді дамыту.

Тақырыбы: Күзгі жапырақтар.

Мақсаты: Дауысты дыбыстардың дыбысталуындағы ерекшеліктерді түсіндіру.

Міндеттері:

1. Балалардың сөйлеу мәдениетін жетілдіру.

2. Қ. Шаңғытбаевтың «Күзгі жапырақтар» өлеңінің мазмұнын түсіндіру арқылы күз мезгілін сипаттап айтуға үйрету. Сұрақтарға жауап бергізу арқылы балалардың сөздік қорларын дамыту.

3. Балаларды еңбексүйгіштікке, еңбек етуге тәрбиелеу.

Күтілетін нәтиже: Жасайды: өлеңнің бір шумағын шумағын жаттайды;

Түсінеді: күз мезгілінің ерекшеліктерін; Қолданады: ағаштардың жапырақтарын ажыратып орнына қояды.

Қолданылатын көрнекі құралдар: күз мезгілінің үлгі суреті, жұмыс дәптері.

Сөздік жұмыс: алаша, жамырап.

Билингвалды компонент: күз – осень, жапырақтар – листья, жасыл жапырақ – зеленый лист.

ҰОҚ барысы:

Ұйымдастыру кезеңі

– Балалар, қазір жылдың қай мезгілі?

– Күз мезгілі екенін қайдан білесіңдер?

– Күз мезгілінде неше ай бар?

– Қазір сендерге мен күз мезгілі туралы жұмбақ жасырамын.

Жұмбақ

Ағайынды бәрі,

Шықса – жасыл,

Түссе – сары.

2. Негізгі кезен

– Иә, балалар, күз мезгілінде жапырақтар жерге түсіп, сары алтындай болып жарқырап жатады. Байқап қарасаңдар, жапырақтардың бәрі бірдей сары емес, қызғылт, қоңыр болып көрінеді. Тура бір даланы бояп тастаған тәрізді.

Ақын Қ. Шаңғытбаев табиғат туралы көптеген өлеңдер жазған.

25 Сол өлеңдерінің бірі

– «Күзгі жапырақтар».

– Өлең шумағын зейін салып тыңдасаңдар, күзгі бақтың қандай керемет екенін сезінесіңдер.

Күзгі жапырақтар

Алтын, сары, қызыл, көк,

Алуан-алуан жапырық.

Күзгі бақта күлімдеп,

Көз тартады атырап.

Күншуаққа маужырап,

Жатыр еді атырап.

Ағаштардан жамырап,

Ұшты кенет жапырақ.

Ой, алақай, тамаша,

Шашу шашты жапырақ.

Бақтың іші алаша,

Аунар ма еді жатып ап.

– Өлеңде қай мезгіл бейнеленген?

– Не жайлы айтылған?

– Ақын жапырақтарды неге теңеген?

– Бұл өлеңнен жапырақтардың жерде алаша сияқты жататынын, алтындай жалтырайтынын, желмен түскен жапырақтар шашуға ұқсап шашылатынын, күз мезгілінің дарқан, кең екенін білдік. – Күз мезгілі қандай?

– Күз мезгілінде айнала сары болады.

– Ағаш жапырақтары жерге судырап түседі.

– Жер бетін жапырақ жапқан. Бір жер сары, бір жер – қызғылт сары. Керемет көрініс.