Логопедтің ата-аналармен қарым-қатынасы туралы мақала

Сәт Зубайра Қабылқызы

Алматы қаласы

№ 67 жалпы білім беретін мектеп логопед маманы

"Логопед маманының ата-аналармен қарым-қатынасы".

«Ата –ана баланы жетелейтін алып күш иесі»

Логопедтің отбасымен ынтымақтастығы балаға табысты түзете оқыту әсерінің қажетті шарты болып табылады. Ата-аналардың көмегі міндетті және өте құнды. Өйткені, біріншіден, ата-ана пікірі бала үшін беделді, екіншіден, тек ата-аналардың өз баласымен жеке, тікелей қарым-қатынас жасау процесінде қалыптасқан дағдыларды күн сайын бекітуге мүмкіндігі бар. Сондықтан бұл үдеріске ата-аналардың саналы қатысуы маңызды. Осыған орай, бірлескен жұмыстың мақсаты: ата-аналардың белсенді ұстанымын қалыптастыру, олардың назарын сөйлеу кемістігі бар балалармен түзету-тәрбие жұмысының процесіне тарту.

Міндеттер:

- әр оқушының отбасымен серіктестік қарым-қатынас орнату, қызығушылықтың ортақтығы мен эмоционалдық өзара қолдау атмосферасын құру

-тіл дамыту мәселелерінде ата-аналардың психологиялық-педагогикалық құзыреттілігін арттыру, оларға өз баласын тәрбиелеу мен дамытуға қатысуға қызығушылық пен ықыласты ояту

- ата-аналардың баланы бақылау дағдыларын және осы бақылаулардан дұрыс қорытынды жасай білуін қалыптастыру

- ата-аналарға баланың отбасында жайлылық пен қорғанушылық жасау үшін тәрбиелеудің сенімді және тыныш стилін қалыптастыруға көмектесу

- ата-аналарды логопедиялық жұмыстың нақты тәсілдеріне үйрету

- мүмкіндігі шектеулі баланы медициналық сүйемелдеу қажеттілігін дұрыс және нақты түсіндіру.

Логопедиялық ғылымда логопедтің отбасымен ынтымақтастығы мен түзету-педагогикалық үдерісті ұйымдастырудың ең тиімді формалары әзірленді

1.Ұжымдық қарым-қатынас түрлері (ата-аналар жиналысы, кеңестер, семинарлар, шеберлік сыныптары)

2.Отбасымен жұмыстың жеке түрлері (әңгімелесу, жеке жұмыс дәптерлері)

3.Көрнекі-ақпараттық қамтамасыз ету нысандары (сабақтардың бейнефрагменттері, фотосуреттер, стендтер, жылжымалы папкалар)

Ата-аналармен қарым –қатынасты дұрыс жолға қоюда ата-аналармен жұмыстың 3 түрін қолдану қажет: күндізгі, сырттай және қашықтықтан.

Күндізгі жұмыс түрі

Жеке кеңес беру - баламен, сондай-ақ оның отбасымен жұмыс істеу кезінде жеке тәсілді іске асыруға көмектесетін жұмыстың бір түрі. Ата - аналармен алғашқы кездесулер қалай өтіп бара жатқандығына, алдағы уақытта ынтымақтастық орнатылатынына байланысты болады. Баланың тілін толық диагностикалаудан кейін жүргізілетін алғашқы жеке консультацияда анықталған проблемалар мен оларды жою жолдары туралы айту қажет. Мұндай әңгімелесулер кезінде ата-аналарды түзету процесіне саналы түрде қосуға қызығушылығын арттыру керек.

Ата-аналармен әңгімелескенде ғылыми терминологияларды көп қолданбау керек. Себебі терминдер ата-аналар үшін түсініксіз болып қарым-қатынаста кедергі жасауы мүмкін. Жеке кеңес берудің міндетті сәті баланың сөйлеу проблемаларын жеңудегі табыстары мен жетістіктерін талқылау болып табылады.

Ашық сабақтар. Бұл жұмыс түрі ата-аналарды түзету жұмысының әртүрлі кезеңдерінде логопедиялық әсер ету әдістерімен толығырақ және түсінікті таныстыруға көмектеседі.

Сабақ-практикумдар. Онда ересектер баламен жұмыс істеудің практикалық тәсілдерін үйренеді.

Ата-аналар жиналысы. Бұл жерде ынтымақтастық пен өзара іс-қимылдың негізі қаланады, достық, серіктестік қарым-қатынастар қалыптасады, пікір алмасу, баланы тәрбиелеу мен дамыту процесінде туындайтын проблемаларды шешу жүргізіледі.

Мастер-класс