Мәдениет Асхаттың шығармашылығы қазақ әдебиетінен 5 сынып оқушысы жұмысы

ТАНЫСТЫРУ

Атым – Асхат, Сыр елінің баласымын,

Құтты мекен - Қызылорда қаласының.

Бұл сайысқа қатысу сәтті болар,

Тапса егер әділдік жарасымын.

Мен - түлегі жүз бірінші мектептің,

Тәрбиелеген сотқарды да, тектекті.

Жарыстар мен додадан да әрқашан,

Жүлдені де жетектемей кетпеппін.

Сырдың сырлы топырағы толы жақсы жандарға,

Бой жетпейді, ой жетпейді санасаңыз сандарға.

Төрткүл дүние айналып кеп баяндаңыз жағдайды,

Бізден дарқан, көңілі ақ, пейілі кең жан бар ма?

Ұлан болып өсіп келем өнерлі бұл өңірден,

Әлі талай мақсатым бар жарық жалған дүниеде,

Мен ақын боп, сіз халқым боп қолдасаңыз тамаша,

Бір құлпырып қалар еді-ау кереметтей көңілде.

Мен де, сіз де Адам ата діңгегінен тараған,

Мен де, сіз де – барлығымыз бір Алладан жаралған.

Қасиетті жаратылыс жер бетінде жүргенде,

Құндылық пен сыйластықтан әрқашан да нәр алған.

Таныс болып,

Бәрін шолып,

Тілім талып,

Шабыт алып шырқайын.

Өмір жарық

Мақсат алып,

Топты жарып,

Текке енді тұрмайын.

Тыңда мені,

Сырдың демі.

Бетіңді бұр, оқырманым.

Шындық ащы,

Ақыл тапшы.

Болса жақсы тоқығаның!

Әли Мүсілімұлы атындағы №101 мектеп-лицейінің

5 «Д» сынып оқушысы Мәдениет Асхат Ақсеріұлы

ӘБДІЛДА АТАМА АРНАУ

Сыр өңірі, жыр өңірі –таланттардың мекені,

Туып өскен талай ақын, талай дүлдүл, жыр абыз.

Шыққан талай тума талант, жазушы мен ақындар,

Соның бірі - жыр алыбы Әбділдадай атамыз.

Ұшқыр оймен , жүйрік қиял, шабытымен шаттанып,

Батыр болған таудай алып «Толағайды» жырлаған.

Болашағым, ұрпақтарым білсін, біле жүрсін деп,

Елін қорғар батырларды қиялымен жалғаған.

Поэзия - Әбділдадай атамменен бір ұғым,

Мұны білгін, жас жеткіншек, өсер ұрпақ, сен ұғын!

Жүз он жылдық мерейтойға үлесіңді сен де қос,

Қалма қарап, ал, қанекей, көрсет өнер, жүрме бос.

Ойы – атыз, қаламсабы – ол кетпен,

Талай жырлар, жыр-дастандар туындады еңбектен.

«Келер ұрпақ, болашағым, қалмасын деп шөліркеп»,

Түніменен, күніменен көз ілместен тер төккен.

Кітапхана – құттыхана, бұл мешіт,

Рухани азық берер жаныңа.

Қаламыздың басты кітапханасы

Әбділдадай атамыздың атында.

Біздің ғасыр, біздің заман болса-дағы жаңаша,

Кітап оқы, жансарайың ашылады тамаша!

Қадірлейік, қастерлейік, ей, замандас, құрбы-дос,

Әбділдадай атамыздың қалдырған сый – мұрасын.

Поэзия – күміс күлкі, жан тынысы, сөздің сұлу сиқыры,

Поэзия – өмір мәні, жан сезімнің бораны мен толқыны.

Поэзия – жаратылыс, барлық өмір дүниесі,

Поэзия – сол өмірдің қан мен оты, тіршіліктің белгісі.

Өмір және поэзия қатар ұғым секілді,

Ақын соны жырлап өтті , ой-санамен бекінді.

Кейде болып «бейкүнә» сәби, кейде «батыр» атанды,

Қаламымен «қан майданда» жауға аттанған қаһарлы.

Ақындардың бәрі бірдей, бәрі маған мәртебе,

Сырда туған Сыр перзенті - Әбділда атам бір төбе.

Мақтап өтем, мақтанамын , ақындармен шаттанам,

Өйткені мен жырды сүйем, сұлу жырдан бақ табам!

Әли Мүсілімұлы атындағы №101 мектеп-лицейінің

5 «Д» сынып оқушысы Мәдениет Асхат Ақсеріұлы

МЕНІҢ ЕЛБАСЫМ

Елбасының халқына көп жолдауы,