Мағжан Жұмабаев туралы қазақ әдебиетінен шығарма

Шығарма

Мағжан Жұмабаев

Алаштың арысы – Мағжан Жұмабаев!

Арыстанмын, айбатыма кім шыдар

Жолбарыспын, маған қарсы кім тұрар

Көкте бұлт, жерде желмін гулеген

Жер еркесі – желдің жөнін кім сұрар!

Мағжан Жұмабаев – қазақтың ақиық ақыны. Әдебиетте қайталанбас өзіндік қолтаңба қалдырған дарынды тұлға. Ұлы Абайдың дәстүрін жалғастырып, өз өлеңдерінде халықтардың ауыр тағдыры мен шынайы өмірін суреттей білген.

«Ақындық жағынан келгенде, Мағжан,әрине, қазақтың талантты ақындарының бірі.Қазақтың тілін байытуда, әдебиетке жаңа түр енгізуде Мағжанның еңбегі көп. Абайдан кейін тіл өнегесінде Мағжаннан асқан ақын қазақта жоқ» деп Сәбит Мұқанов атамыз Мағжан ақынның қазақ әдебиетінің шырқау шегіне жеткендігін үлгі етеді.

Мағжан Жұмабаев – ұлттық мәдениетіміздің тарихындағы ірі тұлғалардың бірі. Қысқа ғұмырын ел тағдырына арнап, Алаш ұранын аспандатып, халық игілігі үшін қара басын қатерге тігіп, күллі адамзаттың мүддесін көздеген Мағжан Жұмабаев замана сырын ашып, болашаққа жол сілтеген ұлт ақыны. Ел өмірін өз тағдырына айналдырып, Отанды сүюдің ірі үлгісін танытып, елін сүйген үлкен жүректі азамат халық руханиятына сезім мен сенім ұштасқан мәңгілік шұғыласын шашып кеткен ақын атамыз патриоттылықтың нағыз үлгісі болып табылады.

Мағжан Жұмабаевтың өлеңдері барлық саланы қамтиды. Махаббат лирикасына «Сүйемін», «Анама» және т.б. өлеңдері жатса, өмір жайлы өлеңдеріне «Жан сөзі», «Күншығыс» өлеңдерін жатқызуға болады. Ақиық ақынның патриоттық өлеңдеріне «Мен жастарға сенемін», «Қазақ тілі» атты өлеңдерін айта аламыз. Жалпы, ақынның қандай өлеңі болсын, тұңғиық ойдың жетегіне жетелеп алып кетеді.

Мағжан Жұмабаев – заманының заңғар ақыны. Жүрегінің түкпіріндегі барлық сезімін қағаз бетіне түсіре білген ақынның барлық өліңдерінен жастықтың өшпес жалыны сезіледі. Өмірінің соңына дейін қағаз бен қаламды серік еткен ақынның өлеңдері бізге мұра болып қала береді.

Мағжан- ұлт ақыны!