Мағжан Жұмабаев туралы ғылыми жұмыс, қазақ әдебиеті

Шалқар ауданы «Ақтоғай ЖОББМ»КММ - нің

11 - сынып оқушысы Қаржаубаева Ақмейірім Сағынышқызының аудандық «Мағжан Жұмабаев оқулары » байқауының

«Толқынмен толқын сырласып …» ІІ номинациясы бойынша орындаған зерттеу жұмысы .

Зерттеу жұмысының тақырыбы:

“ Мағжан Жұмабаев өлеңдеріндегі символдық бейнелер”

Мақсаты:

Мағжан Жұмабаев өлеңдерінің көркемдік әлемін аша отырып, символдық бейнелерді таныту, суреткерлік шеберлігін тақырыпқа сай зерттеу,зерделеу.

Міндеттері:

Мағжан өлеңдеріндегі символизм айшықтарын көрсету;

Ақын өлеңдерінің бүгінгі күн үшін маңыздылығын ашу.

Зерттеудің болжамы:

Мағжан бейнешілдігінің Тәуелсіз Қазақ Елінің мемлекеттік символдарының негізіне айналуы;

Мағжанның кемел ойын өрістету, өрбіту келешектің , қазіргі жас ұрпақтың ісі болмақ;

Жоспары:

І.КІРІСПЕ

1.1 .Мағжан Жұмабаев – қазақ поэзиясына символизмді енгізген алдыңғы қатарлы алғашқы ақындардың бірі.

ІІ.НЕГІЗГІ БӨЛІМ

2.1. Мағжанның өлең өрудегі символдық бейнелерді құбылту шебердлігі.

2.2. Мағжан бейнешілдігі – Тәуелсіз Қазақ Елінің мемлекеттік символдарының негізі.

ІІІ.ҚОРЫТЫНДЫ

3.1. Құтты сөзі мәңгі жасайтын ақын.

“Алты Алаштың ақиық ақыны”

Мағжан Жұмабаевтың 125 жылдық тойы – Солтүстік Қазақстан облысы Қызылжар өңірі.

2018 жыл ТҮРКСОЙ халықаралық ұйымының шешімімен “Мағжан Жұмабаев” жылы болып жарияланды.

КІРІСПЕ:

“ Мағжан Жұмабаев – барша түркі жұртына кең танымал ақын, оның асқақ, нәзік лирикалық сарында жазылған бірегей туындылары бүгінгі буынға үнемі рухани нәр беріп келеді. Рухани жаңғыру арқылы тарихын түгелдеп жатқан Қазақстан халқы Мағжан сынды біртуар перзентінің есімін мәңгі есте сақтайтын болады.”

Н.Ә.Назарбаев

Ұлтына арнаған үндеу:

Тұлпар мініп,туды қолға алайын,

Суырып қылыш, қан майданға барайын.

Жердің жүзі кім екенін танысын,

Жас бөрідей біраз ойын салайын!

Тірілтейін алып атам аруағын,

Тазартайын Сарыарқаның топырағын.

Жан-жағына тегіс билік жүргізіп,

Кемеліне келсін кейінгі ұрпағым!

Мағжан - поэзия әлеміндегі жарық жұлдыз.

“Мағжан – мәдениеті зор ақын. Өлеңдң музыкаға айналдырған, дыбыстан сурет тұрғызған, сөзге жан бітірген, жаңа өлшеулер шығарған. Бұл бір заманның тегінен асқандай , сезімі жетілмеген қазақ қауымынан ертерек шыққандай... Сондықтан келешекке бой ұрып, артқы күнге жарайтын сөз – Мағжанның сөзі.”

Мұхтар Әуезов

”Символ-әдебиетте ойды астарлап , басқа нәрсені суреттеу арқылы жасалатын нақтылы сипаты бар балама бейне . Жалпыхалықтық тілде кездесетін символда бір нәрсені өз қалпынан басқаша сипатта көрсетіп, сондай-ақ нақтылы бір затты , нәрсені екінші нәрсенің не ұғымның жай баламасы ретінде алу арқылы жасалады . Мысалы , гүл-жастықтың символы, ал көгершін - бейбітшілік символы ретінде алынады . Бұл жағынан…