Майдандағы өмір сахналық қойылымы сыныптан тыс жұмыс

Әбілханов Сейілхан өміріне арналған «Майдандағы өмір» атты сахналық қойылым сценарийі

Автор түсіктемесі: Әбілханов Сейілхан 1915 жылы 1 маусымда Бозашы түбегінің батысындағы Қарашағыр жерінде дүниеге келген, біздің өлкеміздегі көнекөз қариялардың бірі. 1930 жылдардағы ел басына түскен жоқшылық, ашаршылық зұлматтардың тірі куәсі. 15 жасынан соғысқа дейін әкесінің қасында «Долгий» балықшы ауылында балықшы болып жұмыс жасайды.

(Ауыл көрінісі. Теңіз жағалауында әке мен бала)

Әкесі: - Балам, бұл ашаршылық кімді қиналтпады десеңші! Өлмеудің қамын ойлаған халық теңізден балық аулайды. Мұның бәрі күн көріс қамы ғой!

Баласы Сейілхан: Ия, әке, сіздің ойыңызды түсіндім. Көк теңізде балық аулау кәсібі қиын болса да, қиындықтан қашпаймын.

Әкесі: - Балам-ау, ер жігіттің парызы – отбасына тірек болу, Отанын қорғау екенін ұмытпа!

(Музыка ойналып тұрады)

Соғыс басталды: Москвадан хабарлайды.

Ауыл адамдары: Ойбай, соғыс басталды. Не дейді, соғыс, соғыс! Қарақтарым-ай, соғыс, соғыс!

Автор: Әбілханов Сейілхан 1942 жылы 6 ақпанда Шевченко аудандық әскери комиссариатынан соғысқа аттанған.

Әскери комиссар: Азаматтар, аудандық комиссариат атынан тізімде аты аталған адамдар майдан алаңына барады. Олар Алақаев Көбейсін, Қаниев Аралбай, Әбілханов Сейілхан, Сүйеубаев Қаршыға.

Ауыл адамдары жігіттерді соғысқа аттандырып жатады:

- Қарағым Сейілхан, жолың болсын! Отанды қорғау борышың, абыроймен оралғайсың!

- Құлыным, балам, аман болғайсың, жолың болсын. Аман-есен оралғайсың

- Жолдарың болсын, ерлерім! «Ерлер ел үшін туады» деген сөзді естен шығармаңдар!

Автор: Красноводскіге кеме арқылы жеткен соң, сол жерден пойызға отырып, Ашхабад арқылы Орынбор қаласына барады. 162-ші дивизияның атты атты әскери полкінің құрамына қатардағы жауынгер болып қабылданған Әбілханов Сейілхан Сталинград үшін болған шайқасқа қатысады.

(Сахнадан ауыл адамдары шығып кетеді. Музыка ойналады. Соғыс алаңы. Әр түрлі дыбыстар, жауынгерлер жарақат алған, мылтық оқтап, окоп қазу жұмыстарын жасап жатады. Соғыс басталды. Біреуіне оқ тиеді, біреуі атып жатады)

Сейілхан: - Жан жолдасым, не болды? Қазір санитарлық бөлімге жеткіземін, шыда,шыда.

Жолдасы: Жоқ, Сейілхан, маған қарайлама, жолыңды бөгемейін. Сен жүре бер.