Мамандығым болашағым тақырыбына арналған мақала

Түркістан облысы Жетісай ауданы

«Б.Майлин атындағы №21 ЖББМ » КММ

кәсіби бағдар педагогы Раймкулова Нургуль

Мамандығым болашағым

Мамандық –жеке тұлғалық мақсатпен таңдап,өз қабілеттерін айқындап жеткізген жетістігі. Кез келген жан үшін өмірде таңдау мүмкіндігі туғанда мейлінше қателеспеуге мән беретін маңызды нәрсенің бірі - мамандық таңдау. Өкінішке орай мамандық таңдауға келгенде шалыс басып, басқа шаруаның құлағынан ұстаған немесе мүлдем шарасыз жүрген жастарымыз өте көп. Соған орай қазіргі таңда «Мектептерде кәсіптік бағдарлау жұмысын ұйымдастыру мәселесі » кеңінен қолға алынды . Сонымен қатар елімізде мектеп жасындағы балалардың ерте мамандық таңдауына септігін тигізетін ғылыми – зерттеу жұмыстары жоспарланып жатыр.

Қазіргі таңда кәсіби бағдар оқушылардың болашақ мамандықтарын таңдауына көмектесіп қана қоймай , олардың тұлғалық қасиеттерін анықтау. Сондай- ақ еңбек нарығындағы сұраныстарға сай мамандықтар бойынша бағыт алуына көмектеседі. Яғни мамандықтарды дұрыс таңдау арқылы адам өзінің қабілетін толық пайдаланып, қоғамға пайдалы болуға және өзін- өзі дамытуға мүмкіндік алады. Осыған сәйкес мектебімізде «Мамандығым болашағым » тақырыбында бітіруші сыныптарға түрлі іс- шаралар өткізілді. Атап айтатын болсақ « Менің мамандығым » тақырыбында эссе жазып , білім алушылар өздерінің сүйікті мамандықтары туралы көзқарастарын білдіріп қана қоймай , келешекте елімізге өз үлестерін қосатынын да айта кеткен.

Ал, мамандықтар бойынша « Мамандығым болашағым » тақырыбында тренинг өткізіліп, жоғарғы оқу орындарын таңдауына да бағыт бағдар берілді. Сонымен қатар болашақ талапкерлерден кәсіби бағдар бойынша жоспарлы түрде мінез- құлық тесттері , қабілет тесттері, мотивациялық тесттер алынып, балалардың қандай мамандық таңдағаны анықталды. Нәтижесінде бітірушілердің 60 – 70 % жаратылыстану - математикалық бағыты бойынша , 30 - 40 % қоғамдық - гуманитарлық бағытындағы мамандықтарды таңдады.

Биылғы 2024 -2025 оқу жылында мектебімізде 33 бітірушілер бар. Яғни оларға болашақ мамандықтарына сай таңдау пәндері бойынша жоспарға сәйкес қосымша сабақтар жүргізілуде .

Хакім Абайдың сөзіне сүйеніп айтар болсам, дүниенің кетігін тауып бір кірпіш болып қалану үшін, қоғамның қажетіне жарау үшін жанын сүйетін мамандықты жаңылмай таңдаудың және өз ісінің нағыз шебері болудың маңызы зор.…