Мамандығым – мақтанышым тәрбие сағаты

Күні:12.10.2018

Оқу тобы: ПО-21

Студенттер саны: 24 студент

Куратор: Өтетілеу А.Ө

Тақырыбы: «Мамандығым - мақтанышым».

Мақсаты: Студенттердің таңдаған, оөып жүрген мамандығын қызығушылығын ояту, осы мамандық бойынша терең білім алу жолында үздіксіз еңбек етуге, адамгершілік, мәдениеттілікке тәрбиелеу.

Кіріспе сөз куратор: Сәлеметсіздер ме студенттер! Сабақтарыңыз жақсы жүруде ме? Бүгінгі сынып сағатымыздың тақырыбы:« Мамандығым - мақтанышым». Экранға назар аударыңыздар. Слайд арқылы сынып сағатымызды жалғастырайық.

Барысы:

«Мамандық» - Профессия - латын сөзінен шыққан, “professio”- анықталған іс, мамандық дегенді білдіреді.Мамандық - қарапайым өмір сүру көзі болып табылатын және қандай да бір дайындықты, жауапкершілікті талап ететін еңбек қызметінің маңызды бөлігі.Мамандық таңдау - тағдырыңды таңдау деген сөз. Кейінгі өмірде өкінбейтіндей, өз қабілеті мен бейімділігіне сай кәсіп түрін таңдау. Бұл өте жауапкершілікті және маңызды іс.

Адам өзінің болашақ кәсібіне әр түрлі жолдармен келеді. Біреулер үшін – ол ойға алған арманның орындалуы, отбасы дәстүрін жалғастыру, келесі біреулер үшін – жаңалыққа, дербестікке талпыныс, үшінші біреулерге - әйтеуір бір мамандық алу керек болған соң т. б. Мамандықты таңдау үшін, адам ең алдымен өзін, өз бейімділігін тануы қажет. Өз - өзіне «Мен кіммін?», «Осы өмірдегі менің орным қандай?», «Қалай өмір сүремін?» деген сұрақ қоймайтын адам кем де кем.

Жүсіпбек Аймауытов: «Мамандықтың жаманы жоқ, бірақ, мұның кез келгеніне икемділік қажет, бұл жай күнелту, тамақ асыраудың ғана жолы емес, үлкен өнерді, зор шеберлікті қажет ететін нәрсе» дейді. Ал Абай атамыздың сөзімен айтар болсам: «Неге арналсаң, соны істе» деп, қашанда адам өмірден орнын өз таңдауымен тапқан жөн.

«Менің мамандығым – бағдарламашы».

Бағдарламашы (Programmer)-арнайы математикалық модельдеудің көмегімен компьютерлік бағдарламаларды және алгоритмдерді құрастыратын маман.

Бағдарламашы түрлері:

Техник бағдарламашы

Инженер бағдарламашы

Жүйелік талдаушы

Желілік әкімші

Flash – дизайнер ....

«Техник бағдарламашы» экономика мен бизнес процестерін ұғатын, жобалай алатын, бағдарламалауды білетін, өндірістегі автоматтандырылған жүйелердің жұмысын басқаратын жоғары деңгейлі тәжірибелі маман. Сондықтанда ол еліміздің еңбек нарығында ең қажетті маман.