Мамандығым мақтанышым тақырыбындағы шығарма үлгісі

Мамандығым – мақтанышым

Адам баласы есейіп, ержеткен соң өз қалаған ісімен айналысқаны абзал. Мамандық таңдау – жауапты да, маңызды іс. Осы таңдаған мамандығың өмір бойына сенің көңіліңнен шығып, ол істі бар жан дүниеңмен беріліп атқара алсаң ғана, өзіңді бақытты сезінесің. Егер дұрыс таңдау жасай алсаң – бағыңның жанғаны.

Менің бала күнімнен таңдаған мамандығым, мұғалім болып, балаларға білім беру еді.Өйткені, сонау 70-жылдардағы ауылда өткен менің балалық шағымдағы ең құрметті де, қадірлі маман иесі мұғалім еді.

Мектебің мынау класың,

Осында 10 жыл тұрасың.

Тарыдай болып кіресің,

Таудай болып шығасың . - деп ақын ағаларымыз жырлағандай, білім нәрімен сусындау үшін мектеп табалдырығын жаңа аттаған бастауыш сынып бүлдіршіндеріне мұғалім – ең асыл да, ардақты, ең ақылды, ең жақын, ең мейірімді адамы.Себебі алғашқы ұстазыңды есіңе алғанда, ең алдымен, мейірлене күліп, сені жылы шыраймен қарсы алатын апайыңның бейнесі көз алдыңа келеді. Міне, сол мұғалімге деген сүйіспеншілік мені де мұғалім мамандығын таңдауға жетеледі. Мектептен білім алып қанаттанған әрбір азамат өмірден өз жолын табу үшін,сол бір бала арманның жетелеуімен ұстаздарының ақ тілегін арқалап, өз жүрек қалауын қанағаттандыруға аттанады.

Ендігі кезекте сол таңдаған мамандығыңды жете меңгеріп, оның иесі атану үшін, ең алдымен, білім мен қабілет қажет деп ойлаймын.Білім арқылы адамның қабілеттілігі артса, ал сол қабілеттілік білікті маман болуыңа өз үлесін тигізеді.

Бүгінгі күні қызығы мен қиыншылығы мол мамандығымның жемісін көріп, қызмет атқарып жүргеніме 30 жылдың шамасы. Егеменді еліміздің ертеңі - болашақ - біздің алдымыздағы жеткіншектеріміздің қолында. Осындай ел үмітін ақтап, өз елінің адал азаматы болатын жастарды тәрбиелеу - әрине әрбір ұстаздың міндеті.

Ғалым да, шахтер да бас иетін,

Ұстазым бар сенің қасиетің.

Білім берген, ой берген, ақыл берген,

Көз алдымнан кетпейді асыл бейнең. – деп әнде жырлағандай, ғылымда түрлі жаңалық ашқан ғалым да, өз елін жан аямай қорғаған батыр да, тілінен бал тамған ақын да, егін салып еліне ерен еңбек еткен диқан да, көк аспанды шарлаған ғарышкер де, мал…