Мамандығымның ізгілікті бағыты туралы мақала

Менің мамандығымның ізгілікті бағыты

Қазақстан Респупбликасындағы білім беру жүйесі адамгершілік пен руханилықты дамытуға бағытталған. Қазақстан Республикасының Президенті Н.Ә.Назарбаев өзінің халыққа жолдауында : «Біз әрбір адамның абыройын, адамгершілігі мен беделін бағалайтын, жоғары өнегелі, эстетикалық стандарттары мен рухани құндылығы бар қоғам құруымыз қажет» деп баса айтты. Бұл талаптар «Өзін-өзі тану» рухани-адамгершілік білім беру бағдарламасының жалпы мақсатымен тоғысады.

Менің таңдаған мамандығым «Өзін-өзі тану пәнінің мұғалімі». Өзін-өзі тану пәні рухани-адамгершілік білім беру, жалпыадамзаттық құндылықтарға тәрбиелейді. Өзін-өзі тану рухани-адамгершілік білім бағдарламасы ізгілік педагогикасы бойынша, білім беруде жеке тұлғаның ең жоғары құндылығы деп танылады. Өзін-өзі тану – адамның өзіне терең мән берудің алғашқы қадамы. Соқрат: «Өзгені тану үшін өзіңді-өзің таны» деген болатын. Сара Алпысқызы атап өткендей, әр баланың қабілетін ашуы, өзіне жол табуы, өзінің күш-жігеріне сенуі өзінің өмірдегі орнын анықтау үшін өте маңызды.

Абай атамыз өзінің қара сөзінде халқының болашағы туралы көп ойлап, кейде налитын еді. Ой түзелмей сөз түзелмес, сөз түзелмей іс түзелмес. Кемшілікті айтпасақ, оның дұрыс екендігін кім анықтайды. Сол себепті өзіміздің туа берілген құндылығымыз – ізгілігімізді де үнемі қайрап, дұрыс біліммен нәрлендіріп, көркем мінезімізбен әрлендіріп, басқаларға үлгі болайық. «Дендеп кірген ауру мысқалдап шығады» демекші, өзіміздің мейірімділігіміз, қайырымдылығымыз, еңбекқорлығымыз, ізгілігіміз арқылы басқаларға үлгі болып, олардың рухани тазаруына өз үйлесімізді қосайық. «Жұмыла көтерген жүк жеңіл» деген сөз бар. «Көп түкірсе көл болады». Ішкі жан-дүниемізді дүниеқоңыздылықтан, жалған құндылықтарды армандаудан арылып, ақылымызды тыныштандырып, ақ, қара деп бөлмей нұрын себетін күн секілді сүйіспеншілікпен, риясыз ниетпен адамдарға қол ұшын созуға даяр тұратын, дұрыс білімге құштар жас ұрпақты тәрбиелеуге үлесімізді қосайық.

Маңғыстау облысы, Қарақия ауданы,

Жетібай ауылының «№4 орта мектебі» КММ

Өзін-өзі тану пәнінің мұғалімі:

Мағзам Асылай Бағдатқызы