Баланың шырағын жағу туралы әдістемелік мақала

« Мен баланың шырағын жағу үшін мектептемін»

Мұғалім-бұл ең қастерлі де, қасиетті де мамандық иесі. «Мен үшін жақсы мұғалім бәрінен де қымбат, өйткені, ол-мектептің жүрегі» -деген Ы.Алтынсарин. Еліміздің ертеңі-бүгінгі жас ұрпақтың тағдыры –ұстаздардың қолында. Бүгінгі мектеп қабырғасында жүрген оқушылар-еліміздің ертеңі, ұлтымыздың болашағы. Ал сол ұрпақты тәрбиелеу-ұлағатты да ұлы іс.Ал енді баланың тәрбиесі туралы айтатын болсақ, ұстаздың алдында қолын көкке созған, өмірге ерекше талпынған жас ұрпақ тұр. Бала тәрбиесі ана сүтін емгеннен бастап, өмір бойы қалыптасқан күрделі құбылыс. «Адамның адамшылығы жақсы ата-ана, ақыл, білім және сол білімді бала бойына сіңдіретін ұстаздан»,-болады деп Абай атамыз айтқандай: санасына сызат түспеген періште көңіл сәбиді өмір баспалдағына жетелеп, адамгершілігін ақ желкеніне отырғызатын рухани дүниесін байытып, біліммен нәрлендіретін абзал жан-ұстаз. Ақ сүтімен тәніне қуат беріп, бесік жырымен тербеткен ана, асырап сақтаған әке тәрбиесінен кейінгі жан жылуын бала бойына дарытатын да ұстаз. «Ұстаз деген өзінің уақытын, өзгенің бақытына сыйлайтын адам»,-деген сөз бар. Сондықтан ұстазға жүктелер аманат, артылар сенім ешқандай заңғар биікпен салыстыруға келмейді.

« Бала тумысынан жаман болмайды, жаман тәрбиеші ғана болуы мүмкін. Бала рухын дұрыс қалыптастыру үшін, өз мінезінің жақсы, шебер тәрбиелік қасиеті болу керек. Мұғалімнің міндеті баланы ізгілікке жетелеу. Біз ойымыздан: тек дарынды балаларды ғана оқыта аламыз деген ойды алып тастауымыз қажет, себебі бұл алдамшы сезім. Біз өсіріп тәрбиелеп отырған балаларымызға жылы-жүзді, мейірімді сөз айтып, сапалы білім алуға жағдай жасауымыз керек» -деген ізгі педагог Ш.Амонашвили.

Мен ұстаз-ана ретінде педагогикалық және өмірлік тәжірибемнен баланы жан-жақты дамыту, ең әуелі баланың жоғары рухани адамгершілік болмысын ашу қажет деп ойлаймын. Бұл үшін әрбір баланың жүрегіне жол таба білу қажет. Мен оқытатын пән жүрекке мейірім-жылу ұялататын пән болып есептеледі. Мұғалім оқушыларды қызықтырып және шабыттандырып, ойының сөзінің және іс-әрекетінің бір жерден шығуына жағдай жасауы тиіс. Ол үшін әрбір сабақ барысында оқушылардың мінез-құлқына қарай жеке қарым-қатынас жасай отырып, олардың ішкі жан дүниесін ашамыз. Оқушыларға сабақ кезінде талқыланатын мәселелер бойынша өз көзқарасын білдіруге,…