Мамандық өмір таңдауы 9 сыныпқа арналған тренинг

№41 Әбіш Кекілбайұлы атындағы мектеп – гимназия

Мамандық – өмір таңдауы

Мақсаты: мамандық таңдауда жауапкершілікті қалыптастыру, өзін-өзі тану аймағын кеңейту, мамандық әлемінен ақпараттар алу; қазіргі заманның тапшы мамандықтарын көрсетіп, сол бағытқа қарай бағыттау.

Психолог: Қайырлы күн, құрметті Қазақстанның жарқын болашақтары! Сәлеметсіздер ме! Біздің бүгінгі ашық тәрбие сағатымыздың тақырыбы «Мамандық – өмір таңдауы», ол пікірсайыс түрінде өтеді. Алдымен мынадай тренинг ұйымдастырып жіберейік. Қолымдағы шарды алып кезектесе тілек білдіреміз, яғни осы оқушылардың айтылған жақсы тілектері сыныбымызға, сабағымызға қатысып отырған адамдарға жақсы көңілмен таралады деп білеміз.

Елбасы Н.Ә.Назарбаев айтқандай «Отанның болашағы, мемлекеттің келешегі жастардың қолында, олардың өрісті ойы, өркенді ісі, табанды тіршілігі тек біліммен ұштасқан біліктің арқасында биік белестерге жетеді.» Жақын арада әрқайсысыңыз мамандық таңдау мәселесіне тап боласыздар, бүгінгі сабақта біздер осы маңызды тақырыптарға тоқталамыз.

Мамандық таңдау – жасөспірім жастағы әрбір жас үшін ең маңызды шешімдердің бірі. Үлкен өмірге енді ғана аяқ басқан жас ұланның алдында мыңдаған мамандықтан өзіне лайықты біреуін таңдау міндеті тұрады.

Психолог мамандардың айтуынша, кез келген жеке тұлға өзі шұғылданғысы келетін мамандықты армандағаннан гөрі өмірлік мақсат ретінде қойып, жоспар құра білген жөн. Мамандық таңдау – белгілі бір деңгейде моральдық мәселе. Сондықтан әркім өзінің көңіл қалауына ерік беруі керек. Алайда мамандықтың түрі көбейген сайын оны таңдау қиынға соғатыны тағы бар. Өз ісінің бүге – шүгесін толық меңгерген кәсіби маман болу үшін икем, қабілет және мінез қажет. Сондай-ақ енді-енді өзін тұлға ретінде сезіне бастаған адамға қоғамның өз заманына сай ұсынатын қызметтері бар.

Міне, адамның мамандыққа, мамандықтың адамға сай болуы, қоғамның сұранысы, тұлғаның қабілеті осы үш фактор мамандық таңдауда бірін-бірі толықтырады.

Олай болса «Мамандық – өмір таңдауы» пікірсайысымызды бастайық.

Пікірсайыс 7 кезеңнен тұрады:

«Менен сұрақ, сенен жауап»

«Тізбекті үзбе» ойыны.

«Мен мамандық әлеміндемін»

«Ең жақсы» ойыны

«Ситуациялық сұрақтар»

«Бұл кім?» кәсіби бағдар ойыны.

Рефлексия

«Менен сұрақ, сенен жауап»

Өзіңнің болашақ мамандығыңды таңдадың ба?

Сен ол мамандық туралы не білесің?

Мамандық таңдамауыңның себебі неде?

Сенің мамандық таңдауыңа кім немесе не әсер етті?

Қай жақта оқығанды ұнатасың?

Сен оқуға түскеннен кейін оқудың қиындығына төзе аласың ба?

Адамның мамандық таңдауы оның әлеуметтік жағдайына әсер ете ме?

«Тізбекті үзбе ойыны.

Қатысушының бірі мамандықты айтады, келесі оқушы аталған сөздің соңғы әрпінен басталатын мамандықты атайды. Мысалы: мұғалім – медбике.

«Мен мамандық әлеміндемін»