Мамандық таңдау өмір таңдауы, 11 сыныпқа кеңес

Мамандық – өмір таңдауы

Мақсаты: мамандық таңдауда жауапкершілікті қалыптастыру, өзін-өзі тану аймағын кеңейту, мамандық әлемінен ақпараттар алу; қазіргі заманның мамандықтарымен таныстыру.

Көрнекілігі: нақыл сөздер жазылған плакаттар, Н. Ә. Назарбаевтың сөзі

Барысы: Қайырлы күн, құрметті Қазақстанның жарқын болашақтары! Біздің бүгінгі «Мамандық – өмір таңдауы» тақырыбында өтілетін пікір-сайысқа хош келдіңіздер!

Ел президенті Н. Ә Назарбаев айтқандай «Отанның болашағы, мемлекеттің келешегі жастардың қолында , олардың өрісті ойы, өркенді ісі, табанды тіршілігі тек біліммен ұштасқан біліктің арқасында биік белестерге жетеді»

Мамандық таңдау – жасөспірім жастағы ең маңызды шешімдердің бірі. Үлкен өмірге енді ғана аяқ басқан жас ұланның алдында мыңдаған мамандықтан өзіне лайықты біреуін таңдау міндеті тұрады.

Психолог мамандардың айтуы бойынша, кез келген жеке тұлға өзі шұғылданғысы келетін мамандықты армандағаннан гөрі алға өмірлік мақсат ретінде қойып жоспар құра білгені жөн. Мамандық таңдау – белгілі бір деңгейде моральдық мәселе. Сондықтан әркім өзінің көңіл қалауына ерік беруі керек. Алайда мамандықтың түрі көбейген сайын оны таңдау да қиынға соғатыны анық. Өз ісінің бүге-шүгесін толық меңгерген кәсіби маман болу үшін икем, қабілет және мінез қажет.

Сондай-ақ енді-енді өзін тұлға ретінде сезіне бастаған адамға қоғамның өз заманына сай ұсынатын қызметтері бар. Міне, адамның мамандыққа, мамандықтың адамға сай болуы, қоғамның сұранысы, тұлғаның қабілеті, осы үш фактор мамандық таңдауда бірін-бірі толықтырады.

Адамдар мамандықты жүрегінің қалауы бойынша таңдауы керек, өйткені әрбір адамның болашағы таңдаған мамандығына тікелей байланысты. Өз ісін жақсы көріп, үлкен жауапкершілікпен атқарғанда ғана бақытты болады. Ал жүрегі қаламаған мамандық иелері көп қиындықтарға кездеседі.

Осы мақсатта біз «Мамандық – өмір таңдауы» пікірсайысымызды бастайық.

Ол 5 кезеңнен тұрады:

«Тізбекті үзбе» ойыны

«Мен мамандық әлеміндемін»

«Ең жақсы» ойыны

Қазіргі заманның әрі тапшы, әрі табысты мамандары

«Бұл кім?» кәсіби бағдар ойыны

«Тізбекті үзбе» ойыны Қатысушының бірі мамандықты айтады, келесі оқушы аталған сөздің соңғы әрпінен басталатын мамандықты айтады. Мысалы: мұғалім- медбике-

«Мен мамандық әлеміндемін». Психологтар әр мамандыққа қандай құрал жақын екендігін анықтайды, мамндықты сипаттайтын құрал түрі үшеу болуы мүмкін. Бұндай әр түрлі бағалау берілген мамандық үшін қандай еңбек құралы екінші болып саналатындығына байланысты, бізге бір топ ішіндегі мамандықтарды да айыруға мүмкіндік береді.

«Адам-табиғат» кәсіптер: тұқым өсіруші, зоотехник, агроном, кинолог, химиялық-бактериологиялық зертханашы, мал өсіруші шебер т.б. Бұл ауыл шаруашылығымен, ғылыми (биология, география) зерттеулермен байланысты мамандықтар

«Адам-техника» кәсіптер: үңгуші, ағаш шебері, инженер-механик, сәулетші, электромонтаждаушы, құрылысшы, техник-металлург, радиомеханик, компьютер құраушы, телекоммуникация жөніндегі мамандықтар. Әрине бұл жерде тек техника емес, сонымен қатар кәсіби зейіннің жетекші пәніне (техникалық нысандар мен олардың қасиеттеріне) бағытталған.

«Адам-адам». Бұл жердегі негізгі, жетекші еңбек құралы адамдар болып табылады. Кәсіптер: дәрігер, мұғалім, психолог, шаштараз, менеджер, ГИД, көркем ұжымның жетекшісі т.б.

« Адам-белгілік жүйелер» кәсіптер: аудармашы, сызушы, инженер, топограф, машинист-хатшы, бағдарламашы т.б. Бұл мамандықтар құжаттармен байланыстытіркеу жұмысын жасау, іс жүргізу, мәтіндерге…