Мамандық таңдау кеші тәрбие сағаты 11 сынып

Мамандық таңдақ кеші

Тақырыбы: «Мамандықты дұрыс таңдау – ол өмір жолының сәттілігінің негізі»

Күні:

Қатысатын сыныптар: 9, 10,11 сыныптар

Ұйымдастырушылар: Мектеп әкімшілігі

Жоспар:

І. Ұйымдастыру кезеңі.

Амандасу

Жағымды психологиялық ахуал туғызу

Топқа бөлу – 5 топ:

«» - 9а сынып, сынып жетекшісі –

«» - 9б сынып, сынып жетекшісі –

«Тілшілер» - 10 сынып, сынып жетекшілері –

«» - 11а сынып, сынып жетекшісі –

«» - 11б сынып, сынып жетекшісі –

Кештің мақсаты:

Мамандық таңдау кезінде тұрған оқушыларға бағыт-бағдар беріп, таңдау мүмкіндіктерін шешу. Оларды өз пікірін еркін айтуға, басқаның пікірін сыйлай білуге, жүйелі ойлауға баулу және адам өмірінде мамандықтың алатын орны, маңызы туралы түсінік қалыптастыру.

Міндеттері:

А) Оқушы жеке тұлғасының бәсекелестік қабілетін, өзінің қалауына сай белгілі бір еңбек әрекетіне дайындық білімділігін қалыптастыру.

Ә) Оқушының түрлі еңбек жағдайына араласуға деген тәрбиелік ұмтылысын қалыптастыру

Б) Оқушылардың шығармашылық,сауаттылық белсенділігін дамыту

Жүргізілу барысы: Сұрақ жауап, психологиялық әдіс-тәсілдері

Көрнекілігі: Фотостенділер, буклеттер, нақыл сөздер, PowerPointбейне жазбалар.

1.Жүргізуші сөзі: Құрметті ұстаздар, құрметті қонақтар және мектебіміздің жоғары сынып оқушылары. Бүгінгі өткелі отырған «Мамандықты дұрыс таңдау – ол өмір жолының сәттілігінің негізі» деп аталатын кешімізге қош келдіңіздер.

Әдетте мектептен түлеп ұшқалы отырған 11 сынып оқушыларын көбіне қандай мамандықты таңдаймын немесе таңдаған мамандыққа қалай қол жеткіземін деген ойлар мазалайтыны анық. Сондықтан да мамандық таңдау кезеңінде тұрған оқушыларға бағыт-бағдар беріп, таңдау мүмкіндіктерін шешу үшін бүгінгі кешімізде сіздердің ойларыңызбен санаса отырып, бағыт-бағдар беру көзделген болатын.

Бұл күндері өмір жолы сан тарау болып басталатын мектеп түлектері қандай мамандықты таңдасам екен деген сұрақтың алдында біраз тосылады. Ол, тіптен, жылдар, айлар бойы бұл төңіректе толғануы мүмкін, бұл оңай сұрақ емес. Бұл жерде ата-ананың, туған-туыстың, іні-қарындастың, жора-жолдастардың кеңесіне құлақ қойған да жөн.

Әсемпаз болма әрнеге

Өнерпаз болсаң арқалан

Сен де бір кірпіш дүниеге

Тетігін тап та , бар қалан деген Абай сөзі екені бүгінгі отырған сіздер мен біздерге терең ой салса керек

Бірақ, шешімді сөз, ақтық таңдау өзіңде, жас талапкер! Жүрегіңнің түкпірінде жатқан асқақ арманың бар. «Кім болам?» деген сөз бар оған да құлақ сал.

ІІ. Топтардың таныстыруы. Топтың аты, ұраны, төсбелгісін таныстыру.

Психологиялық сәт: "Психогеометрия"- өзін- өзі тану: Қатысушылар өзіне ұнаған геометриялық фигуралардың кез келгенін таңдауы тиіс. Әр фигура қандай да бір адам бойындағы қасиетті, қабілетті білдіреді. Әрқайсысымыз өзімізді танып көрелік.

Квадрат. Сенде төзімділік, шыдамдылық, еңбекқорлық дамыған. Өз айналана адамдарды жинап ұйымдастыру, реттеу және жүйелеу қабілетін баршылық. Сенен үздік администратор шығады, бірақ саған өзіннің кәсіптік мамандығынды менеджментпен байланыстырмауға ұсыныс айтамын.

Зигзаг. Сенде әсемдікті көре білу қабілетін жоғары қалыптасқан, сондай- ақ шығармашылық қабілетін, ой- өрісін дамыған. Сенде табиғи өткіройлылық бар, өз айналана қабілетті адамдарды жинай аласын. Сені шаблондар, ережелер, нұсқаулар қызықтырмайды. Бастаған істі аяқтауға төзімділіктің жоқтығы бөгет жасайды.

Шеңбер. Сенде адамгершілік жоғары дамыған. Сен өз әріптесінді тыңдай аласың және оның қайғысы мен қуанышын бірге бөлісесін , басқаның ауарпатылығына жәрдемдесу қабілетін жоғары қалыптасқан.Саған жеке адамдар арасындағы кикілжіңдер тән емес, өзіңді олардан аулақ ұстайсың және саған менеджмент саласындағы мамандықтар сәйкес келмейді. Сенен үздік психолог шығуы мүмкін.

Үшбұрыш . Саған басқарушылық қасиет тән. Өз көздеген мақсатына қол жеткізуге барлық мүмкіншілігіңді жасайсың. Өзіңе сенімдісің және жеңіске, жетістіктерге, ұтыстарға оңай қол жеткізесің. Айтқаныннан шықпайсың, абыройлысың. Сен қоғамда, өмірде жоғары жетістіктерге қол жеткізесің, жұмысыңда жоғарыға көтерілуге бейімділігін бар.Саған менеджмент саласын меңгеру ұсынылады.

ІІІ. Үй тапсырмасы. «Менің мамандығымның сырлары» сахналық көрініс. 3-5 минут

IV. «Менің бала кезімде»

Мақсаты: Сыныпта өзара сенімділікті орнату, кәсіби өз-өзін анықтау тақырыбына қызығушылығын туғызу.

Нұсқау: Қағаз таратылады. Оған бала кезінде қандай маман иесі болғысы келгенін және неліктен екендігін жазады. Жазып болған соң жетекші жинап алып, кездейсоқ тәртіппен білім алушыға таратып береді. Оқушы өзіне келген жолақ иесін тауып, оның ол ойы қазіргі кезде өзгергенін немесе өзгермегенін, не себептен өзгергені жайлы болжап, айтады. Қалған білім алушы мұқият тыңдап, сұрақ қояды.

Көркемсөз.

V. «Өз мамандығыңды білесің бе?»

Мамандық тарихына үңілетін болсақ, олардың саны көп. Бұрынғымен салыстырғанда қазіргі кезде мамандықты таңдауға 100 – 200 есе мүмкіндік бар. Егер 1920 жылы Кеңес Одағында шамамен 10300 мамандық, 1939 жылы – 19000, 1959 жылы – 30000, ал қазіргі уақытта жаңа айтып өткендей бұл сан 40 мыңға жеткен екен. Мамандықты таңдауда барлық мамандықты білу міндетті емес, өз қабілет – қызығушылықтарын, неге бейім, соны білу жеткілікті. Бірақ таңдау дұрыс болу үшін неғұрлым көп мамандықтардың мәнін білген жөн.

Мысалы:

Қатысушыларға берілер сұрақтар:

- Адам өзін белгілі бір мамандыққа қашан, қалай дайындауы керек деп ойлайсыз?

- Адам болашақ өз мамандығын таңдаған кезде, нені басшылыққа алу қажет?

- Бұл мамандықты таңдауыңызға не себеп болды?

- Жақсы маман болуы үшін адам нені біліп, нені үйренуі қажет?

-Қай уақытта адам өз еңбегінің жемісін көре алады?

- Осы мамандығыңызға жүрек қалауыңызбен бардыңыз ба?

«Ең, ең, ең..........» ойын.

Әр топқа парақша таратылады. Ол парақта келесі жазулар болады:

Ең жақсы мамандықтар

Ең ақшалы мамандықтар

Ең таза мамандықтар

Ең көңілді мамандықтар

Ең тәтті мамандықтар

2-3 минуттың ішінде топтың ішінде ақылдасып, мамандықтардың тізімін құру керек және де топтың мүшесі тізімінен таныстырып шығады.

Ән:

VI. Бейнесюжет «Әлемдегі мамандық»

Мынау көп салалы өмірде мамандықтың түрі көп. Әрине таңдау жасау оңай емес. Ең бастысы – адам еңбекке қабілетті, зейінді болуы қажет және оның мамандығы өзі өскен ортаға маңызды, бағалы үлес қосатындай болуы шарт. Өз ісіне сенімді, дұрыс таңдаған адам ғана жетістікке жетеді. Адам еңбегінен қуанышын таба білсе, бойына жаңа күш қосылып, еңбекке деген шабыты арта түседі. Зор ықылас, шабытпен істеген іс – табыс биігіне жеткізетін қанат.

Абай атамыз айтқандай: «Неге арналсаң, соны істе» деп, қашанда адам өмірден орнын өз таңдауымен тапқан жөн.

Ән:

VII. Сергіту сәті. Ым-ишара арқылы мамандық иелерін тану. «Бұл мамандық....» - ойын.

Бір топ ым-ишара арқылы мамандық трін жасырады, ал келесі топ шешеді. Топтар орын алмастырады. Қандай мамандық болсын кез – келген ситуациядан шыға алатын актерлік өнері болу керек.

«Шеңбер бойынша шапалақ» 5 минут.

«Бүгін біз өте жақсы жұмыс істедік. Сол үшін өзімізге шапалақ ұрып қоялық. Ең алдымен жайлап, сосын қатты, қаттырақ, одан да қатты соғайық. Керемет!»

VIIІ. Қорытынды. Кері байланыс. «Бос микрофон»

Еркін түрде қатысушы психологиялық тренингтен алған әсері туралы пікір бөліседі.

Қазіргі заманның табысты мамандары кімдер?

Қазіргі заманғы жоғары білімі бар маманға қандай талаптар қойылады?

Жауаптар:

- Компьютерді білу;

- Бірнеше тілді, ағылшын тілін білу.

- Адамдармен қарым-қатынас жасай білу.

- Өз тауарын, қызметін өткізе білу.

- Тез шешім қабылдап, бастамашылық жасау.

- Үнемі білім алуға, қайта оқуға бейімділік.

Күн сайын биіктеген әр сатымыз,

Біздің бір тілегіміз, мақсатымыз.

Әрдайым ашық болып аспанымыз,

Еңбекпен шыға берсін жақсы атымыз.

Қоғамның жүрек дүрсілі, өзегі бүгінгі жастар екені белгілі. Ендеше сол еліміздің жастары, мына сіздер, Қазақстанның болашағын бұлыңғырлатпай, сенімдерін селдіретпей, көк байрақты тік ұстап, еліміздің абыройын асқақтата берейік.

Мемлекеттің «2030» бағдарламасын орындауда ерінбей, экономикалық талапқа сай еңбек ететін, игілікті іске бар ынтасымен кірісетін, ізгілікпен ел – жұртына көмектесетін, рухани жан дүниесі бай, ілтипатты да кішіпейіл, мейірімді жастар болып өсейік деп кешімізді аяқтаймыз. Бүгінгі кездесу кешіне уақыттарыңызды бөліп келіп, өздеріңіздің ой-пікірлеріңізді бөліскендеріңізге баршаңызға алғысымызды айтамыз.

«Адам өз өмірінде екі нәрсені таңдауда қателеспеуі керек: біреуі – жар таңдау, екіншісі – мамандық таңдау» деп М. Мақатаев атамыз айтқандай, мамандық таңдау – жасөспірім кездегі адам өміріндегі ең маңызды шешімдердің бірі. Бүгін біздер өз қабілеттерімізге қарай мамандық пен бағдар таңдауда алғышарт жасадық. Бүгінгі кездесуге келген қонақтарымызға рахметімізді айта отырып, кешіміз сіздердің болашақта қай бағдарда оқитындарыңызды, өз қызығушылықтарың мен қабілеттеріңе сәйкес келетін мамандықты анықтауға, кейбіреулеріңізге өз таңдауларыңызды жасауға үлкен септігі тиді деп ойлаймын.

Абай атамыз айтқандай «болмасаң да ұқсап бақ, бір ғалымды сүйсеңіз. Ондай болмақ қайда деп, айтпа ғылым сүйсеңіз» дегендей алға ұмтылып арманымызға жетіп, мамандық иесі болайық.

Егеменді еліміздің ертеңі — маман иелері болуларыңызға тілектестігімді білдіремін!

Сау болыңыздар!

Ән: 11 сынып оқушылары -

1 5В010100 Мектепке дейінгі оқыту және тәрбиелеу

биология география

2 5В010200 Бастауышта оқытудың педагогикасы мен әдістемесі

биология география

3 5В010300 Педагогика және психология биология география

4 5В010400 Бастапқы әскери дайындық шығармашылық емтихан шығармашылық емтихан

5 5В010500 Дефектология биология география

6 5В010600 Музыкалық білім шығармашылық емтихан шығармашылық емтихан

7 5В010700 Бейнелеу өнері және сызу шығармашылық емтихан шығармашылық емтихан