Мамандық таңдау кешіне арналған тәрбие сценарийі

«Мамандық таңдау» бойынша сұхбат сценарийі

(бітіруші түлектердің мамандық таңдау кеші)

Мақсаты:

1.Мамандық таңдау кезеңінде тұрған оқушыларға бағыт-бағдар беріп, таңдау мүмкіндіктерін шешу. 2. Оларды өз пікірін еркін айтуға, басқаның пікірін сыйлай білуге, жүйелі ойлауға баулу3. Оқушылардың қоғамға деген азаматтық позициясын қалыптастырып, отансүйгіштікке тәрбиелеу

Жүргізуші:

-Құрметті ұстаздар мен оқушылар және бүгінгі кештің қадірлі қонақтары! Баршаңыз да бүгінгі «Мәңгі лаулап жану үшін ғаламда...» деп аталатын мектеп бітіруші түлектердің мамандық таңдау кешіне қош келдіңіздер!

Мектептен түлеп ұшқалы отырған 11-сынып оқушыларын «қандай мамандықты таңдаймын» немесе «таңдаған мамандығыма қалай қол жеткіземін» деген ойлар мазалайтыны анық. Мамандық таңдау кезеңінде тұрған оқушыларға бағыт-бағдар беріп, таңдау мүмкіндіктерін шешу үшін әр салада қызмет атқарып жүрген маман иелерімен кездестіріп ой бөлісу, пікір алмасудың маңызы өте зор деп санадық.

Жүргізуші:

-Ең алдымен «Арман не үшін керек» деген сұраққа жауап берейікші.

(көрермендерге микрофон ұсыну, пікірлерін білу)

«Мәңгі лаулап жану үшін ғаламда, Үлкен бақыт табу үшін ғаламда,

Үлкен болып қалу үшін ғаламда, Үлкен арман керек екен адамға».

Демек, арман үлкен құндылыққа ие екен. Ол бізді алға қарай қозғайды, бізге энергия береді, бізге жаңа дүниелер ойлап табуға итермелейді.

Әр адамның өз арманы болуы тиіс. Иә, дұрыс айтасың дейтін боларсыз? Бірақ, адам неге ұмтылатынын білмесе ше? Арманы, өмірдегі мақсаты не екенін білмесе ше? Ендеше, шындыққа осы жерден тура қарайық.

Бүгінгі кездесу кешімізге өз таңдаған мамандығының білгірі, өз кәсібінің шебері атанған, халыққа абыроймен қызмет атқарып жүрген ағаларымызбен қатар, болашақ авияция саласының маманы, мектебіміздің түлегі Ағлес те қатысып отыр.

Жүргізуші: кеш қонақтарына кезек-кезек сұрақтар қойып микрофон ұсынылады

-Адам өзін белгілі бір мамандыққа қашан, қалай дайындауы керек деп ойлайсыз?

-Адам болашақ өз мамандығын таңдаған кезде нені басшылыққа алу керек?

-Жақсы маман болуы үшін адам нені біліп, нені үйренуі қажет? Кімді үлгі тұтасыз?

Жүргізуші:

Ежелгі шығыс философы: «Жер бетінде адамзат баласына ең қымбат екі мамандық иелері бар. Соларды қадірлеңіздер! Оның бірі- адам жанын емдейтін ұстаздық болса, екіншісі - адамның тәнін емдейтін дәрігерлік мамандық» деген екен. Адам баласының жанын емдеп, көкірек көзін ашатын, ой- санасын дамытып, саралы өмірдің даңғыл жолын көңіл нәрімен сусындатып, бұл дүниеде адам баласының қымбат байлығы саналатын сарқылмас білімді шәкіртінің ой сәулесіне нұр етіп төгетін ұстаздар әрбір үйдің әкесі мен аналары. Сондықтан…