Мамандық таңдау маңызды іс тренингінің сценарийі

Тәрбие сағатының тақырыбы: Мамандық таңдау - маңызды іс Тәрбие сағатының мақсаты: • Оқушылардың мамандық таңдауы туралы ойларын кеңейту, нығайту.Қосымша түсініктер бере отырып ұғымдарын жетілдіру • Оқушыны өз ойын айта алуға, эстетикалық талғамға сай, бүгінгі өмір талабына сай рухта тәрбиелеу • Оқушының жүйелі ойлау қабілетін арттыру. Мамандықтар түрлеріне мүддесін арттыру

Тәрбие сағатының өткізілу түрі: Кездесу сабақ Тәрбие сағатында қолданатын әдіс-тәсіл: пікірлесу, сұхбаттасу Тәрбие сағатының көрнекілігі: Нақыл сөздер 1. «Білім - бақтың жібермейтін қазығы, Білімсіз бақ - әлдекімнің азығы» 2. «Сен де бір кірпіш дүниеге, Кетігін тап та бар қалан...» Абай Құнанбаев. 3. «Қазақстан өздерің сияқты жас мемлекет, біздің болашағымыз да жастар...» Н.Ә.Назарбаев. 4. Оқушылар орналасуының картасы. 5. Мектеп түлегінің моделі

Тәрбие сағатының барысы: І. Ұйымдастыру кезеңі. Тәрбие сағатының тақырыбы мен мақсатын айтып, оқушылардың зейінін сабаққа аудару.

ІІ. «Болмасаң да ұқсап бақ ...» Ата-аналар мен мұғалімдер арасынан шақырылған қонақтармен таныстырып өту керек.Шақырылған қонақтармен сұхбаттың сұрақтары: 1. Сіз өз мамандығыңызды қашан таңдадыңыз? 2. Мамандық таңдауда неге сүйендіңіз? 3. Мамандық таңдауда сізге ықпал болды ма? Кімдердің ықпалы көбірек болды? 4. Өз балаңыздың мамандық таңдауына ықпалыңыз бар ма? 5. Жақсы маман болу үшін сіздің ойыңызша не қажет? 6. Таңдаған мамандығыңызды өзгерткен кезіңіз болды ма? Не себепті таңдауды өзгерттіңіз? 7. Біздің оқушыларға мамандық таңдау туралы қандай ақыл-кеңес айтасыз?

ІІІ. «Сен қай мамандықты таңдадың?» Оқушылармен сұхбат. Құрметті жас дос! Сен өз келешегіңді таңдау алдында тұрсың! Осы жолды бастар алдындағы негізгі міндетің мамандық таңдау. Ендеше 1. Мамандық таңдау дегенді қалай түсінесің? Мамандық таңдау не үшін керек? 2. Осы айтылғандарға қол жеткізу үшін ең әуелі не керек? 3. Мамандық таңдауды қалай қабылдайсың? Қорқынышты ма? 4. Өзіңді мамандықтар әлемінде табу дегенді қалай түсінесің?