Мамандық таңдаудың жеті қадамы, 11-сынып таныстырылымы

Мамандық таңдаудың жеті қадамы

Семинар - тренинг

11 c ынып

Білікті маман-білімді жастан шығады.

Құрм е тті оқушылар сендердің таңдауларың тек өздеріңге емес еліміз Қ азақстан Республикасының өрлеп, гүлденуіне экономикасының дамуына серпіні тиеріне кәміл сенемін.

Мақсаты: Талапкер-2012 оқушыларының мамандық таңдауына көмектесу, бағыт-бағдар беру, психологиялық қолдау көрсету. Мамандық таңдау – адам өміріндегі ең жауапты кезең. Қалай десек те, ересек адам өмірінің үштен бірі жұмыста өтеді екен. Сіздің аптасына бес күн, сегіз сағат психологиялық дағдарыс пен сәйкессіздіктен шаршап, азапқа түсу – түспеуіңіз өмірлік тәжірибе жинамай тұрып, не істеу қажет екендігін шешкен таңдауыңызға байланысты. Талапкер үшін мамандық таңдаудың жеті басты қадамын ұсынуды жөн көрдім.

Бірінші қадам: Байыппен бағдарлай біліңіз

МАМАНДЫҚ

Жас адамның бір тоқтамға келуіне қиялдың да әсері бар. Біреуді кинодағыдай романтикалық мамандықтар қызықтыруы мүмкін. Біреулер туғаннан маңдайына жазылған ата-анасының жолын таңдайды. Біреулер ЖОО-ға жақын досына немесе құрбысына серік болып барады, ал енді біреулер үйіне жақын оқу орнына құжат тапсыруға асығады. Мамандық таңдау адам тағдырында көп нәрсені шешетіндіктен, оған атүсті қарау – жеңіл ойлылықтың белгісі. Сондықтан, бұл мәселенің шешімін мүмкіндігінше аса мән беріп, байыппен қабылдаңыз.

Екінші қадам: Дұрыс шешім өз қолыңызда

МАМАНДЫҚ

Ең бірінші бұл таңдауды өз бетіңізше жасау керектігін саналы түрде ұғыныңыз. Ата-аналардың, достарыңыздың ықпалынан шыға алмай қалмаңыз. Олар не айтса да, бұл – сіздің тағдырыңыз.

Үшінші қадам: Бейімділігіңізді ескеріңіз

МАМАНДЫҚ

Бастапқыда өз қызығушылығыңызға назар аударыңыз. Немен айналысқанды қалар едіңіз? Қандай пәндер ұнайды? Бос уақытыңызда немен айналысқанды жақсы көресіз? Адамдармен, әсіресе, бөгде кісілермен оңай тіл табыса аласыз ба? Көп нәрсе сіздің бейімділігіңізге байланысты.

Төртінші қадам: Өзіңізді сынақтан өткізіңіз

МАМАНДЫҚ

Бәрінен бұрын өзіңізді ой елегінен өткізіп көріңіз: өзімнен және өзімнің жұмысымнан нені қалаймын? Бес жылдан кейін өзімді қалай елестетемін? Барлық ақпараттарды пайдалана отырып, болашақ мамандығыңыз туралы көп мәлімет алуға тырысыңыз. Өзіңіз таңдаған мамандық иелерінің іс барысын көзіңізбен көру үшін сол кәсіпорын, мекемелермен танысуға шығыңыз. Програмист болғыңыз келсе, компьютерлік ойындарды ғана тұтпай, ең болмаса қарапайым бағдарлама жасап көріңіз. Дайындық курстарына жазылсаңыз, тіпті жақсы. Ең дұрыс тәсіл – жазғы демалыс кезеңде өзіңізді қызықтыратын саланың ең кіші қызметкері болып жұмысқа тұрсаңыз, таңдауыңыздың дұрыс бұрыстығына көзіңіз анық жетер еді.

Бесінші қадам: Сұранысты да назарда ұстаңыз

МАМАНДЫҚ

Болашақ мамандығыңызды еңбек нарығында қаншалықты бағаланатынын білу де пайдалы. Қарапайым жол: бос орындарға жарияланған байқауларда, интернеттің еңбекке орналастыру сайытында қандай мамандықтарға сұраныс бар екендігін қараңыз. Арнайы агенттіктер жүргізген болжамдардың да маңызы зор. Осы мәліметтерді ескере отырып, таңдаған мамандығыңызға қай жоғары оқу орнында, қалай даярлайтынын анықтаңыз.

Алтыншы қадам: Мамандар не дейді?

МАМАНДЫҚ

Егер күдік-күмәннан арыла алмасаңыз, онда мамандардың көмегін пайдаланыңыз. Мұндай кезде психолог кеңесші мамандар жәрдемдесе алады. Сондай-ақ, қабілетіңіз бен бейімділігіңізді анықтауға көмектесетін арнайы психологиялық тестілер бар.

Жетінші қадам: Қорытынды шешім

МАМАНДЫҚ

Мәліметтерді жинастыра келіп, өзіңізге ұнаған негізгі 5-10 позицияның тізімін жасаңыз. Одан кейін парағыңызды екіге бөліп, оң және кері жақтарын тізіп, сынақ тәсілін жүргізіңіз. Көңіліңізге қонбайтынын сызып тастаңыз. Тізімде үш пункт қалған кезде тағы да қосымша ой елегінен өткізіп, ең соңғы шешім қабылдаңыз.

Интернеттегі сайттар

www.7ski.ucoz.kz таңдау пәндері, сол пәндер бойынша мамандықтар және сол мамандықтар бойынша оқитын ЖОО туралы мәліметтер

www.surak-zhauap.kz сурақ-жауаптар .

www.ya-student.kz жұмыстар туралы

Мамандық таңдауда оқушылар белгілі жазушы, ғалым Ж.Аймауытовтың «Жан жүйесі және өнер таңдау» атты еңбегінен де жақсы ақыл-кеңестер алуына болады. Автор мамандықтың жаманы жоқ, бірақ, мұның кез-келгеніне икемділік қажет, бұл жай күнелту, тамақ асыраудың ғана жолы емес, үлкен өнерді, зор шеберлікті қажет ететін нәрсе дейді.

Оқушылардың кітапханамен байланыс жасауға және кітапқұмарлыққа шақырамын. Кітаптар саған түрлі мәліметтер мен ақыл кеңесін берері анық. Кітап ойлау, сөйлеу мәдениетін және есте сақтау қабілетін асырып тәрбиелік жол көрсетеді.

Оқушыларды ҰБТ-ге психологиялық дайындау сауалнамасы 1. Оқушылардың білімін қандай жолмен тексеру тиімді деп ойлайсың? А. ҰБТ Б. Емтихан 2. ҰБТ оқушының білім сапасына нақтылы баға бере ме? А. Иә Б. Жоқ 3. ҰБТ да мектеп програмасынан тыс сұрақтар бар ма? А. Иә Б. Жоқ 4. ҰБТ тапсыру сен үшін қиындық туғызады деп ойлайсың ба? А. Иә Б. Жоқ, себебі ҰБТ-ға тұрақты дайындаламын. 5, ҰБТ-дан қанша ұпай аламын деп ойлайсын ? А. 40-60 балл Б. 60-80 балл С. 80-100 балл Д. 100-125 балл…