Мамандықтар тақырыбындағы ашық сабақ, қазақ тілі, 4 сынып

Сынып:4

Тақырыбы: Мамандықтар

Мақсаты:білімділік:Мамандық тақырыбы бойынша өткен сөздерді еске алып, сөз тіркестерін пайдалана отырып, сөйлемдер құрауға, сұрақтарды түсініп, дұрыс жауап бере білуге үйрету. Мамандықтар туралы әңгімелей білу.

Дамытушылық:Оқушылардың сөздік қорларын молайту, логикалық ойлау қабілеттерін дамыту.

Тәрбиелік:Балаларды әдептілікке, еңбексүйгіштікке, Отансүйгіштікке тәрбиелеу. Әр мамандықтың өзіндік ерекшелігін түсіндіріп, барлық мамандықтың өзіне лайық қадір-қасиеті бар екендігін түсіндіру.

Сабақтың түрі: аралас сабақ

Сабақтың әдісі: сұрақ-жауап, баяндау

Сабақтың көрнекілігі: интерактивті тақта,үлестірмелі карточкалар

Сабақтың барысы:

І.Ұйымдастыру кезеңі:

Амандасу. Жоқ оқушыларды түгендеу. Сабаққа кіріспес бұрын, оқушылар шаттық шеңберін құрып ,бір-біріне тілектер айтады.

Сабақтың тақырыбы мен мақсатын айту.

Бүгінгі сабағымыздың эпиграфы:

«Әр адам өз мамандығының шебері болуы керек»

Н.Ә.Назарбаев.

Үй тапсырмасын тексеру әрі бекіту

«Мамандық» модулін қайталау.

І тапсырма. Экранға назар аударып, 5 мамандық бойынша әңгімелеу.

1. Мұғалім балаларды оқытады, мектепте жұмыс істейді, сабақ түсіндіреді.

2. Құрылысшы құрылыста жұмыс істейді, үйлер, мектептер, балабақшалар салады.

3. Аспаз асханада жұмыс істейді.Тамақтың дәмді болуы аспазға байланысты.

4. Дәрігер –жауапты мамандық. Ол адамды емдейді.

5. Наубайшы наубайханада жұмыс істейді. Дәмді тоқаштар, нан пісіреді.

-Тағы қандай мамандық иелерін білесіңдер?

-Олар не істейді?

-Өздерің кім болғыларың келеді?

-Жақсы маман болу үшін не істеу керек? /оқу керек, еңбектену керек/

ІІтапсырма. Кесте бойынша жұмыс. /грамматиканы қайталау/

Әр сөзді « түртіп алу» арқылы тиісті орынға орналастыру.

Ж.ж

К.ж

Т.ж

Оқушым

Тігіншімін

Мұғаліммін

Суреттер

Терезесі

Құрылысшылар

ІІІ тапсырма сөздерді өрбітіп жазу.

Тақтада бір оқушы « сатушы», І топ « мұғалім», ІІ топ « жұмыскер», ІІІ топ «етікші» сөздерінен сөз тіркестері мен сөйлемдер құрайды.

1. Сатушы

2. Сатушы дүкенде

3. Сатушы дүкенде істейді

4. Сатушы дүкенде жұмыс істейді.

Сергіту кезеңі. Ойын «Қатені тап»

Менің сөйлемдерімнің дұрыс еместігін табыңдар. /аудирование/

Суретші машина жүргізеді. Мұғалім адамды емдейді.

Шаштараз киім тігеді. Аспаз құрылыста жұмыс істейді.

Балықшы ән айтады. Етікші шаш қияды.

Сауыншы би билейді. Наубайшы үй салады.

ІV тапсырма

Мәтінмен жұмыс.

1.Оқу/суреттердің орнына сөздер қою/

2.Мазмұнын ашу.

3.Мәтіннен мамандық түрлерін тауып,оларды жекеше жіктеу.