Мамандықтармен танысайық тақырыбындағы ашық сабақ

Білім беру саласы: Таным

Ұйымдастырылған оқу қызметі: Жаратылыстану

Тақырыбы: «Мамандықтармен танысайық»

Мақсаты: Әр түрлі мамандық түрлері туралы түсінік беру. Мамандық иелерінің қызметі және олардың еңбегімен таныстыра отырып, олардың маңыздылығы туралы білім беру. Әр түрлі мамандық түрлеріне қызығушылығын тудыру және еңбек адамдарына құрмет сезіммен қарауға тәрбиелеу.

Қажетті құрал–жабдықтар мен көрнекіліктер: Мамандық иелерінің суреттері, құрал–жабдықтары.

Әдіс-тәсілдер: сұрақ-жауап, әңгімелесу, ойын

Сөздік жұмыс: мамандық, тігінші, аспазшы, мұғалім, дәрігер, құрылысшы.

Шаттық шеңбері:

Тәрбиеші: Балалар, бүгінгі көңіл-күйлерің қалай?

Балалар: Жақсы

Тәрбиеші: Жарайсыңдар, балалар ендеше шаттық шеңберіне тұрайықшы.

Қол алысып, қане, біз,

Достасайық бәріміз.

Айтарым бар сендерге,

Тез тұрыңдар шеңберге.

Қандай жақсы бір тұру,

Достарменен бір жүру!

Қандай жақсы дос болу!

Тәрбиеші: Жарайсыңдар, балалар өте жақсы.

Тәуелсіз мына заманда,Сұраныс көп маманға.Нағыз маман пайдалы,Мемлекет, қоғам, адамға – деп бүгінгі іс-әрекетімізді бастаймыз.

Ұйымдастыру кезеңі: Суретпен жұмыс. Сурет бойынша әңгімелету.

Тәрбиеші: Бұл аспаз. Аспаз – ең басты мамандықтың бірі.

Безендіріп үстелді,

Тәтті тамақ пісірер.

Аспаз дәмді тамақтың қаншама түрін пісіреді.

Бұл құрылысшы. Олар көп қабатты үйлерді, біздің балабақшамызды салған кісілерді құрылысшылар дейміз.

Бұл дәрігер. Дәрігер адамдарды емдейді, дәрілер жазып береді.

Бұл тігінші. Тігінші адамдарға әдімі етіп киім тігіп береді, сондықтан біз үнемі әдемі болып жүреміз.

Бұл мұғалім. Мұғалім бізге білім береді. Ол үлкен маман иесі болуымызға көмектеседі.

Бұл адамдардың барлығын бір сөзбен айтқанда «мамандық иелері» дейміз. Бұл мамандықты меңгеру үщін көп оқуды, көп ізденуді, қажымас қайратты, көп еңбекті талап етеді. Мамандық иесі болып шығу үшін арнайы оқу орындарында дайындалып оқытады. Сонда ғана өзің қалаған мамандық иесі болып шыға аласыңдар.

Тәрбиеші: Балалар, айтыңыздаршы, құрылысшылар көп қабатты үйлерді неден салады?

Балалар: Тастан

Тәрбиеші: Дұрыс айтасыңдар. Ендеше біз де мына кубиктен тастарды тұргызып көрейікші.

Балалар: Иә

Тәрбиеші: Мынау қандай түс?

Балалар: Қызыл

Тәрбиеші: Мынау қандай түс?

Балалар: Жасыл

Тәрбиеші: Ал мынау қандай түс?

Балалар: Сары

Тәрбиеші: Балалар, ал енді бірге санайықшы, нешеу болды?

Балалар: Бір, екі, үш

Тәрбиеші: Өте дұрыс,балалар. Ал енді мен осы жерге таны екеуин қосамын, сонда нешеу болды?

Балалар: Бесеу

Тәрбиеші: Жарайсыңдар, балалар. Ал енді сендер реттік санауды білесіңдер ме? Қандай сұраққа жауап береді?

Балалар: Нешінші?

Тәрбиеші: Ендеше осы қалаған тастарымызды ретік санау бойынша санайықшы.

Балалар: Бірінші, екінші, үшінші, төртінші, бесінші

Тәрбиеші: Оте дұрыс, жарайсыңдар балалар. Ал енді, ойын ойнайықшы.

Дидактикалық ойын: «Кім жылдам?»

Үстел үстіне түрлі мамандық иелеріне қажетті құралдарды қойып, төрт бала ортаға шығарылады, төрт бала төрт түрлі мамандық иесіне бөлінеді, ойын шартын түсіндіріледі. Төрт бала өзіне қажетті құралдарды тез – тез бөліп алады. Алған құралдарымен не істеуге болатындығын айтады және өскенде сол маман иесі болғысы келетіндігін айтады. (шаштараз, дәрігер, мұғалім, аспаз )

Тәрбиеші: Балалар шаршадық па?

Балалар: Иә