Мамандықтармен танысайық ұйымдастырылған оқу қызметі

Білім беру саласы: Әлеуметтік. Қатынас.

Бөлімі: Қоршаған ортамен таныстыру.

Тақырыбы: Мамандықтармен танысайық.

Мақсаты: 1. Мамандықтар туралы түсініктерін кеңейту.

2. Мамандық түрлерімен таныстыру арқылы жаңа сөздермен сөздік қорларын толықтыру.

3. Еңбекқорлыққа баулу.

Қолданылатын көрнекі құралдар: мамандықтар бейнеленген суреттер, құрылыс материалдары, үлкен хатқалта.

Сөздік жұмыс: мамандық.

Билингвальды компонент: мамандық – профессия, аспаз – повар, жүргізуші – водитель, құрылысшы – строитель.

Оқу іс-әрекетінің кезеңдері

Педагогтің іс-әрекеті

Балалардың

іс-әрекеті

Мотивациялық-

қозғаушылық

1. Педагог топқа үлкен хатқалта алып кіреді.

– Балалар, бізге «Мамандықтар қаласынан» хат келіпті. Тыңдаңдар.

«Құрметті балалар, біздің шеберлер қаласында мамандық түрлері өте көп, сендер өскенде әрқайсысың бір мамандық иесі боласыңдар. Әзірше, сендер кішкентайсыңдар, сондықтан мен сендерді Мамандықтар қаласына қонаққа шақырамын».

Балалар, бұл қалаға бару үшін бізге сиқырлы кілем керек. Өйткені біз өзен-көл, тау мен ормандардың үстінен ұшып өтеміз.

Мамандық (профессия) – адамның белгілі бір саладағы еңбегі. Мысалы, тіс дәрігері т.б.

Сиқырлы кілемшеге отырып, музыкамен мамандықтар қаласына жол тартады.

Ұйымдастырушылық-ізденістік

2. Білімді өзектендіру.

(Тақтаға түрлі мамандықтар суреті ілінеді).

– Біздің қалада әртүрлі мамандық иелері тұрады.

Аспаз – ең басты мамандықтардың бірі.

Безендіріп үстелді,

Тәтті тамақ пісірер.

Аспаз дәмді тамақтың қаншама түрін пісіреді. Сендерге қандай тамақ түрлері ұнайды?

– Құрылысшылар (строители) зәулім үйлерді тұрғызады. Олардың бірі кірпіш қаласа, бірі ауыр жүктерді кранмен жеткізіп тұрады. Енді бірі дайын болған үйдің есік-терезелерін сырлайды.

– Жүргізуші дегеніміз – көлік түрлерін жүргізетін адам. Мысалы: автобус жүргізушісі т.б.

3. Билингвальды компонент: мамандық – профессия, аспаз – повар, жүргізуші – водитель, құрылысшы – строитель.

4. Сергіту сәтін өткізу.

5. Пысықтау.

– Мамандықтар қаласында аурухана бар. Ауруханада дәрігерлер жұмыс жасайды. Дәрігер ауру адамдарды емдейді.

– Міне, мамандықтар қаласынан қаншама мамандық түрлерімен таныстық. Өздерің өскен кезде тағы да көптеген мамандықтар туралы біліп, өздеріңе қажеттісін таңдайсыңдар.

6. Үлестірмелі материалдармен жұмыс.

7. Жеке жұмыс жүргізеді.

Балалар әңгімеге қатысып, сұрақтарға жауап береді. Суреттер бойынша өздері білетін мамандық иелері туралы әңгімелейді.

Қайталайды.Педагогпен бірге қимылдар жасайды.