Мәнерлеп оқу сайысы қазақ әдебиеті пәнінен

Мақсаты: Оқушыларға мемлекеттік тілдің өркендеп, оянуына, мемлекеттік тілімізді сүюге, мемлекеттік тілді аяққа баспай, мәртебесін биік ұстау жөнінде, әр ұлттың өзіндік ерекшеліктері, салт – дәстүрі, діні, тіл ерекшелігі болатынын түсіндіру. Оқушылардың ой – өрісін, дүние танымын кеңейту, сөздік қорын молайту.

І – жүргізуші: Қайырлы қүн! Ана тілін ардақ тұтар тіл жанашырлары.

ІІ – жүргізуші: Армысыздар, өрлі де, асқақ рухты тәуелсіз елдің жас ұландары! Қазақстан Республикасы халықтарының тілдер күніне арналған мәнерлеп оқу сайысын ашық деп жариялаймыз.

І – жүргізуші:

Қуан далам, қуанатын күн бүгін,

Серпіп таста, мұңды жүрек түндігін.

Тіл туралы заңым енді күшінде,

Паш еткендей, кескен жаңа кіндігін.

Қазақ тілі!

Ұрпақтар талайының.

Сен тілсің!

Адамзат Абайының.

І – жүргізуші:

Қазақпын мен, қазақтың бөлшегімін

Қажеті не басқаның өлшемінің

Қазақ деген жалғыз ұлт мен боламын

Енді міне жетеді көпке үнім - дей келе, мәнерлеп оқу сайысына қатысушыларды таныстыра кетейік. Қатысушылар сахнаға.

І- жүргізуші:

Ерлік, елдік, бірлік, қайрат, бақ –ардың,

Жауыз тағдыр жойды бәрін не бардың.

Алтын күннен бағасыз бір белгі боп,

Нұрлы жұлдыз бабам тілі, сен қалдың. Дей келе сайысымыздың шарттарымен таныстыра кетейік. Сайысымыз 3 кезеңнен тұрады.

1 кезең: Қазақ тіліне қатысты өлеңдерді нақышына келтіріп, мәнерлеп айту.

2 кезең:Мақал – мәтелдер сайысы.

3 кезең:Кез келген тақырыпта ақын өлеңдерін мәнерлеп жатқа айтып беру керек.

ІІ – жүргізуші:

Ана тілім, туған тілім бал тілім,

Сен арқылы дүние танып талпындым.

Сен арқылы әлемге аян бар ісім,

Сен өмірде таусылмайтын алтыным.

Ал ендеше айдана сайысымызды бастамас бұрын әділ-қазылар алқасымен танысып алайық. Мектебіміздің директоры С. Шаулиева апай, мектебіміздің тәрбие ісі жөніндегі орынбасарымыз Қ.Адырбеков ағай.

І – жүргізуші:

Әрбір тілде сөйле, әлемді таң қылып,

Ана тілін білмей өскен әңгүдік.

Өсер балаң, байтақ далаң тұрғанда,

Қазақ тілі жасау керек мәңгілік дей келе І кезеңімізді бастайық. Қатысушылар кезекпен сахнаға шығып, өлең шумақтарын мәнерлеп оқиды

ІІ – жүргізуші:

Десекте жаңа өмір, жаңа заман,

Жақсы ғой бірін – бірі бағалаған.