Қазақ әдебиетінен мәнерлеп оқу сайысына арналған жұмыс

16 желтоқсан – Тәуелсіздік күніне арналған «Тәуелсіздік шапағаты» атты мәнерлеп оқу сайысының сценарийі

Мақсаты:

Еліміздің Тәуелсіздігі үшін күрескен және сол мақсаттарға жету барысында өздерінің елі, халқы үшін, жері үшін құрбан болған батырлардың ерлігі, оқушыларды елін, туған жерін халқын сүюге, патриоттыққа тәрбиелеу. Оқушының тіл байлығын дамыту, есте сақтау қабілетін шыңдау, мәнерлеп оқуға баулу, ой – өрісін кеңейту; Отан Ананы, Елді, Табиғатты, Жерді құрметтеуге, Тәуелсіздікті бағалай білуге, ұлтжанды, елжанды болуға тәрбиелеу

1-жүргізуші:

Құрметті ұстаздар, оқушылар! Сіздерді еліміздің басты мерекесі 16 – желтоқсан Қазақстан Республикасының Тәуелсіздік алған күніне арналған «Тәуелсіздік шапағаты» атты 4-7 сыныптар аралығындағы оқушылардың мәнерлеп оқу сайысына қош келдіңіздер.

2-жүргізуші: Алғашқы мерекелік құттықтау сөз мектебіміздің директоры Сматуллаева Эльмира Айтжанқызына беріледі.

1-жүргізуші:

Бүгінгі Тәуелсіздікке халқымыз оңайлықпен жеткен жоқ. Бұл күнге бір жағадан бас, бір жеңнен қол шығарған бірлігіміздің арқасында жеттік. Төл тарихымыздың қанына біткен төзімдігі бұл сыннан да мойымай, жасымай, өзге ұлттардың өкілдерімен достығын, татулығын ту етіп, сағын сындырмай аман өтті. 1986 жылғы жастар ерлігі дүниені дүр сілкіндірді. Алматы қаласында болған бұл әйгілі «желтоқсан оқиғасы» қызыл империя жүрегіне мірдің оғындай болып қадалды. 2-жүргізуші:

1986жылы 18 минутқа созылған Қазақстан Орталық Комитетінің V пленумін халық пен санаспай мәскеуліктердің өздерінің шешуі. Ширек ғасыр басқарған Дінмұхамед Ахметұлы Қонаевтың орнына Қазақстанға үш қайнаса сорпасы қосылмайтын, Ульянов облыстық партия комитетінің хатшысы, көп инженерлердің бірі Колбиннің сайлануы халық ызасын тудырды.1-жүргізуші:

«Тәуелсіздік шежіресі» атты видео көрсетіледі.

Тәуелсіздік, Тәуелсіздік – жыр әнім,Ел іргесі берік болсын – ұраным.Тәуелсіздік - өзіңді еркін сезіну.Салт – дәстүрім – қолдан түспес құралым.Тәуелсіздік не деп оны түсіндік,Тәуелсіздік – ар – ожданым кісілік.Адамға адам жолдас, бауыр туыс бол,Ел – жұртының алма құнын түсіріп – дей отырып ендігі кезегімізді «Тәуелсіздік жыр әнім» атты мәнерлеп оқу сайысына берейік.

2-жүргізуші:

Бүгінгі 4-7 сынып оқушыларының мәнерлеп оқу сайысын бағалаушы әділқазылар алқасымен таныстырып өтейін:

Сайыскерлеріміздің мәнерлеп жатқа оқу шеберлігі, таңдаған шығармасының тақырыпқа сәйкестігі, мазмұны мен көлемі ескерілетінін қаперлеріңізге саламыз.

Ал, енді сайысымызды бастаймыз.