Мәңгі өлмес жырымен із қалдырған эссе 11-сыныпқа

Мәңгі өлмес жырыменен із қалдырған

Мұқағали Мақатаев – мұзбалақ ақын, қазақ поэзиясының лирик ақыны , кейінгі ұрпақ үшін мәртебесі биік ақын. Оның « Үш бақытым» , «Елім барда», «Арулар», «Есіңе мені алғайсың»өлеңдерін әр қазақ жатқа айта алады.Менің ойымша, Мұқағали ақын шынында да өзінің өлмес жырыменен есімізде қалады. Сонда ақынның қандай өлеңдері оқырман жүрегіне жете алды ?

Біріншіден, ақынның махаббат өлеңдері шын ғашық адамның бейнесін сипаттайды.Оған дәлел: «Ғашықпын ! Шын ғашықпын сол адамға !

Мен болмасам , болмайын. Сол аман ба ?»-дей келе ақын ұлы сезімнің шынайлығы ғашық адамына бақыт пен өмір сыйлау керектігін айтады.Жүрегінде ниеті ақ адам шынайы махабаттың иесі деп нық айта аламын.

Екіншіден, махаббатын сатпайтын адамның отанына деген сүйіспеншілігі де берік болмақ деп келе мына жолдар арқылы:

«Отан!

Сен болмасаң, не етер ем?

Мәңгілікке бақытсыз боп өтер ем,

Өмірден бұл өксуменен кетер ем» - деген жолдардан отаны жоқ адамның өмірде бақытсыз, мұңды өмір сүретіндігіне «Отан қадіріне жетпеген өз қадіріне жетпейді» мақал-мәтелімен көз жеткіземіз.

Үшіншіден, Мұқағали Мақатаев табиғаттан да келісім мен жарасым іздеген ақын . Ол туралы «Біздің көктем» өлеңі жолдары арқылы:

«Сен менің тынысым ең, тұрмысым ең,

Сен үшін өмір сүріп тырысып ем.

Жыл құсымен оралған жаным менің,

Бірге аттанып кетесің жыл құсымен »-деп келе , өз сағынышын, күрең күзгі күндерін мұңдана еске алып , құлазыған көңілін қайтқан құспен сабақтастырады.Ақын көктемді өмірдің , жаңа тіршіліктің басы ретінде жырлайды.

Тоқсан ауыз сөздің тобықтай түйіні, ақиық ақынның өлеңдерінің өзегінен өмір шындығын көреміз , көркемдік өрнегі өзгеше өрілген сөз өнерінің үлгісін танимыз.Ол халықтың сипаттағы көркем бейнесін , сол арқылы адам болмысын, оның жан дүниесін , сезімін яғни, адам өмірінің асыл шындығын ерекше тебіреніспен толғайды. Мұқағали мұрасы сөз өнерінің дара мұнарасы ретінде болашаққа апарар құнды қазына болып қала береді.