Мұқағали шығармашылығына арналған авторлық өлең

Муратбаева Алия Шерияздановна

Мұқағалиға арнау

Жарқ етіп жалын атқан жасындайын,

Жұлдызы Мұқағали жансын лайым.

Отанын, халқын, тілін сүйіп өткен,

Шоқ шайнап, от бүріккен Қасымдайын.

Әз ақын, асқақ ақын, қайсар ақын,

Поэзия көгінде шайқалатын.

Қазақтың күпі киген қара өлеңін,

Шекпен жауып үстіне қайтаратын.

Өлген жоқ Мұқағали бірге бізбен,

Өлеңдері еріксіз пір дегізген.

Өрендерге өнеге көрсетуде,

Өрде тұр, әлде қайда озық бізден.

Поэзия тұлпары кісінеді,

Бұлт айдаған аспан да күрсінеді.

Мәңгілікке өзімен ала кеткен,

Нәзік жанын өз халқы түсінеді.

Келді міне туған күн нұрын шашқан,

Көңіл де көктемгі гүл бүрін ашқан.

Өлеңдері шашу боп шашылады

Халқына сыйлық бар ма бұдан асқан?!