Мәңгілік елдің іргетасы – тәуелсіздік 9 сынып жоспары

ҚЫСҚА МЕРЗІМДІ САБАҚ ЖОСПАРЫ

Пәні: Қазақ тілі Мектеп: Ақтау қаласы, «№12 жалпы білім беру орта мектебі» КММ-сі

Ұзақ мерзімді жоспардың бөлімі:

Күні:

Сынып: 9

1-бөлім Мәңгілік ел- мұратым

Мұғалімнің аты-жөні: Копбергенова Санбиби Сабырбаевна

Қатысқандар: Қатыспағандар:

Сабақтың тақырыбы:

Мәңгілік елдің іргетасы - тәуелсіздік мемлекет болу

Оқу мақсаттары:

9.1.1.1.Мәтін мазмұны бойынша дайындалған сұрақтарға болжаммен жауап беру,түпнұсқамен салыстыру

9.3.1.1.Жинақталған материалдар негізінде көзделген мақсатқа сәйкес ауызша және жазбаша мәтіндер үшін күрделі жоспар құру

Сабақтың мақсаттары

Барлық оқушылар орындай алады: Мәтінді оқиды, мазмұнын түсініп,дайындалған сұраққа жауап беру.

Оқушылардың көпшілігі орындай алады: Мәтін мазмұны жүйелі айтып, түпнұсқамен салыстыру.

Кейбір оқушылар орындай алады: Мақсатқа сәйкес ауызша және жазбаша мәтіндер үшін күрделі жоспар құру.

Тілдік мақсат

Оқушылар орындай алады: Оқушылар мәтін мазмұнын түсініп, дайындалған сұрақтарға жауап береді.

Пәнге қатысты сөздік қор мен терминдер: Мәңгілік ел, мемлекеттік идеология, тәуелсіздік, зайырлы мемлекет, жоғары руханият

Диалог құруға/ шығарма жазуға арналған пайдалы тіркестер:Тәуелсіз Қазақстан, мемлекеттік ұрпақ тәрбиесі, жалпыұлттық бірлік, бейбітшілік пен келісім

Талқылауға арналған сұрақтар:

Мәңгілік ел дегенді қалай түсінесіз?

Мәңгілік ел болудың негізгі шарттары қандай?

Бағалау критерийлері

-мәтін мазмұнын болжаммен жауап беріп, түпнұсқамен салыстыра алады.

-ауызша және жазбаша мәтіндер үшін күрделі жоспар құрай алады.

Ойлау дағдыларының деңгейі

Білу, түсіну, қолдану

Құндылыққа баулу

Қазақстанның тәуелсіздігі және Астана

Қазақстандық патриотизм және азаматтық жауапкершілікті білім алушылардың бойына қалыптастыру

Пәнаралық байланыс

Қазақ әдебиеті, Қазақстан тарихы,география

Тақырып бойынша алдыңғы оқу

6-сыныпта алған білімдері бойынша «Мәңгілік ел» туралы ақпараттарды біледі.

Сабақ барысы

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Сабақтың басы

2 минут

Психологиялық ахуал орнату

«Гүлмен тілек» әдісі арқылы оқушылар бір-біріне жылы лебіздерін айтады.

Топқа бөлу

Iтоп Мәңгілік ел

IIтоп Жаңа Қазақстан

IIIтоп Нұрлы жол

Бүгінгі сабақ не туралы деп ойлайсыздар?

Оқушылардан мемлекет, қазақстан, ел, жер....деген жауаптар алынады.

Суреттер

Сабақтың ортасы

Білу, түсіну

5 минут

Қолдану

15 минут

Сабақтың соңы

3минут

1-тапсырма.Жұптық жұмыс.

Оқылым алды тапсырмасы:

Берілген сөздерді оқыңыз. Мағынасын ашыңыз. Мәтіннен кездесетін тұстарын табыңыз. Сөздікпен жұмыс жасаңыз.

Мәңгілік ел,мемлекеттік иделогия, тәуелсіз Қазақстан, ұрпақ тәрбиесі, туған жер

Дескриптор:

- Сөздікпен жұмыс жасап, жауап береді.

- Сөздердің мағынасын ашады.

- Мәтіннен сол сөздерді таба алады.

ҚБ смайликтер арқылы жүреді.

2-тапсырма. Топтық жұмыс

Оқылым тапсырмасы.Берілген мәтінді оқыңыз. Мәтіндегі негізгі ойды анықтаңыз. Сұрақтарға болжаммен жауап беріп,түпнұсқамен салыстырыңыз.

«Мәңгілік ел» идеясының маңыздылығын Елбасы Н.Назарбаев «Қазақстан жолы – 2050: бір мақсат, бір мүдде, бір болашақ» атты жолдауының негізі етіп алып, бұл туралы өз сөзінде: «Бір жыл бұрын мен еліміздің 2050 жылға дейінгі дамуының жаңа саяси бағдарын жария еттім. Басты мақсат – Қазақстанның ең дамыған 30 мемлекеттің қатарына қосылуы. Ол – «Мәңгілік Қазақстан» жобасы, ел тарихындағы біз аяқ басатын жаңа дәуірдің кемел келбеті… Өткен тарихымызға тағзым да, бүгінгі бақытымызға мақтаныш та, гүлденген келешекке сенім де «Мәңгілік Ел» деген құдіретті ұғымға сыйып тұр» деген болатын. Халықты бір мақсатқа, бір мүддеге, бір болашаққа үндеген Елбасының бұл жолдауында ел халқына үлкен жауапкершілік жүктелген.

Мәңгілік елге айналу үшін тәуелсіздікті сақтап, елдігімізді нығайту басты мақсат болып табылады. Өйткені, тәуелсіздік ұғымы халқымыздың мұраты, ғасырлар бойғы арманына айналған, сонау алаш тұлғаларының зердесі мен өнегесімен келген аманат дүние болатын. «Мәңгілік Ел – ата-бабаларымыздың сан мың жылдан бергі асыл арманы. Ол арман – әлем елдерімен терезесі тең қатынас құрып, әлем картасынан ойып тұрып орын алатын Тәуелсіз Мемлекет атану еді. Ол арман – тұрмысы бақуатты, түтіні түзу ұшқан, ұрпағы ертеңіне сеніммен қарайтын бақытты Ел болу еді.

Мәңгілік Ел идеясының үш негізден немесе үш тұғырдан тұрғаны анық. Біріншісі – Түркі қағанаты билеушілерінің (Күлтегін, Білге қаған, Тоныкөк) саяси акт – «манифест» ретінде әзірлеп, тарих сахнасына шығуы; екіншісі – Әл-Фарабидің философиялық тұрғыдан негізделуі, үшіншісі – Жүсіп Баласағұнның «Құтты білік» дидактикалық дастанында құқықтық мемлекеттің негізгі қағидаларының, яғни Ата Заң іргетасының қалануы. Жүсіп Баласағұнның еңбегіндегі елдегі заңдардың бүкіл халыққа қызмет етуі және орта топтың мемлекеттің әлеуметтік тірегіне айналуы туралы идеялары бүгінгі Қазақстан қоғамы үшін өте маңызды. Бұл бағыт – қазіргі таңда «Мәңгілік Ел» идеясын ұлттық идея ретінде жариялап отырған Елбасымыз Н.Ә.Назарбаевтың да ұстанып отырған стратегиялық саясаты.

«Мәңгілік Ел» идеясының бастауы тым тереңде жатыр деп айтуға болады. «Мәнгілік ел» ұғымы өзінің бастауын сақ, ежелгі түрік уақытынан алады деп, «Мәңгілік ел» идеясы ата бабадан мұраға қалдырылған идея деп тұжырымдауға болады. Осыдан 13 ғасыр бұрын Тоныкөк абыз «Tүркі жұртының мұраты – Мәңгілік Ел» деп өсиет қалдырған. Бұл біздің жалпыұлттық идеямыз мемлекеттігіміздің тамыры сияқты көне тарихтан бастау алатынын көрсетеді. Біз тұрақтылықты бағалай білгеніміздің арқасында бүгінгі табыстарға жеттік. Ешкімді кемсітпей, ешкімнің тілі мен діліне нұқсан келтірмей, барлық азаматтарға тең мүмкіндік беру арқылы тұрақтылықты нығайтып келеміз. Біздің кейінгі ұрпаққа аманаттар ең басты байлығымыз…