Маңғыстау татулық пен бірліктің отаны, 1 сынып

№20 Мұхтар Әуезов атындағы жалпы білім беру орта мектебі

(1 қыркүйек білім күніне орай өткізілген сынып сағаты)

Өткізген: Өтегенова Әйгерім

Тақырыбы: «Маңғыстау – татулық пен бірліктің отаны»

Мақсаты:

-оқушылардың туған жерге, өлкеге деген сүйіспеншілігін арттырып, еліне деген мақтаныш сезімін ояту. Туған өлкесінің, жерінің табиғатын қорғауға баулу.

–Балаларға Маңғыстау «қара алтын» өлкесі екендігі туралы түсінік беру;Маңғыстау өлкесі туралы түсініктерін, танымдық қабілеттерін арттыру;Барлық Қазақстандықтар үшін Маңғыстау байлығын бағалай білуге баулу.

Рухани - адамгершілік қасиеті, ерлік рухы, әсемдік сезімі жетілген тұлғаны қалыптастыру.Негізгі міндеттері:- Ұлттық мәдениетіміз бен өнеріміздің пайда болуы, олардың дамуы.- Маңғыстау халқының мәдениеті мен өнері туралы түсінік беру.- Маңғыстау халқының сәулет өнерінің дамуы мен ерекшеліктері.

Қолданылатын көрнекіліктер: Маңғыстау тарихы папкалар, буклеттер, электронды тақта, слайд.

Әдіс-тәсілдер: көрсету, түсіндіру, сұрақ-жауап алмасу, қайталау

Алдын-ала жұмыстар: Тәрбиеші алдымен балаларды сабаққа деген ынтасын арттыру үшін және мұқият тыңдау үшін тақтаға көрнекіліктерді іліп, безендіреді. Орындықта денені тік, түзу, ұстап, сабақты мұқият ұғынуға дайын болуын қадағалайды.

Сөздік жұмыс: татулық ,бірліктің отаны, қара алтын – мұнай, кен орны - пайдалы қазба шығарылатын жер.

Өту барысы:

І. Ұйымдастыру кезеңі.

Психологиялық икем.Достығы жарасқан,Сыйлы біз баламыз.Келісіп бәрімен,Татулық табамыз.Бәріміз бір болсақ,Бәрін де жеңеміз.Күндей боп күлімдеп,Таудай боп өсеміз.

Т/ші:

Әрбір адам - туысым, досым, жұрағат,Әрбір сабақ - үйрену, ұғу, ұлағат.Әрбір ісім - тірлік, тірек, адамдық,Әрбір сөзім - шындық, бірлік, адалдық.

- Олай болса, балалар, біз бүгінгі сабағымызда мұнайдың мол қорын беріп отырған Маңғыстау түбегі жайында әңгімелейміз. Ол үшін Маңғыстаудағы атаулы орындарға саяхат жасаймыз.

-Маңғыстау топырағы сортаң, қысы ұзақ емес, бірақ желді, қара суық ызғырықты, ылғалы аз, көктемі созылмалы шөл далаға жататындықтан біз саяхатымызға шөлге төзімді жануарды таңдап алуымыз керек. Ол не еді?

Б/р: Бұл – түйе. - Дұрыс айтасыңдар, жарайсыңдар балалар! Әрине, түйемен шығамыз.

Картамен жұмыс.Т/ші: -Маңғыстау - Қазақстан Республикасының қиыр солтүстік батысындағы ірі аймақтардың бірі. «Ұйқыдағы ару» атанған бұл өлке еліміздің мұнайы мен газын беріп отырған қазына түбегі.ә) Слайд көмегімен мұнайдан өндірілетін заттар туралы айту.б) Жаңаөзен 1961 жылы қыркүйекте тұңғыш газ фонтаны атқылаған жер.

Жетібай кенті. Жетібайда 1961 жылдың 5 шілдесінде №6 бұрғылау алаңында Маңғыстаудағы тұңғыш мұнай фонтаны атқылады. Ақтау қаласы. Ақтау - Маңғыстау облысының әкімшілік орталығы. Облыстың солтүстік батысы мен батысын Каспий теңізі жиектеп жатыр. Каспий – қазақ елінің кең дүниеге ашылған теңіз қақпасы. Ол арқылы Иран, Әзірбайжан, Түрікменстан және Ресеймен байланыс жасалады. Жылына Ақтау порты арқылы 1 млн. тоннадан астам мұнай тасымалданады.