Туған жерім достық пен татулық мекені эссе 6 сынып

«Туған жерім – достық пен татулықтың мекені»

Туған жердей жер болмас,

Туған елдей ел болмас...

Менің Балқашым – ең қымбат, маңызды, сүйікті қалам. Ол менің туып өскен, кіндік қаным тамған жер. Талай жылдар бойына – ата – бабаларымыз күшін сарп, өмірін құрбан етіп, ел мен жерді қорғап, бізге аманат еткен осы туған өлкеде - бір отбасындай, ынтымағы жарасқан ұлттар тұрып жатыр. Әр тілде сөйлеп, әр дінді ұстанатын халық тату – тәтті тұрып жатқанына таңданамын. Балқаш қаламыздың дамуы қарқынды жүруде. Қзір біз бала болсақ та, әлден болашаққа жоспарлар құрып, туған өлкеміздің дамуына септігін тигізер үлкен азамат болсақ деген арманмен өмір сүреміз. Сабақты жақсы оқып, мейірімді әрі кеңпейілді болып, үлкендерді құрметтеп, кішілерге ізет көрсетіп, көп нәрсені үйреніп, адамдардың қайғы – мұңына жанашырлық танытып, көмектесе білуіміз керек. Біз – тыныш та тату өмір сүруімізге жағдай жасап жатқаны үшін Елбасымыз – Н.Ә.Назарбаев атамызды құрметтейміз. Әрине, әр түн сайын ұйқыға жатарда аман – есен оянатынымзға, болашағымызға еш қауіп жоқ екенін сезініп, сенеміз. - Өмірде одан басқа адамға не керек? Жер бетіндегі тыныштық пен бейбітшілік – әр адамның ең басты тілегі мен қалауы.

Туған жер, беу, туған жер!

Сен ыстықсың біздерге

Мың – мың дастан жатыр халқым басқан іздерде.

Тұнып тұрған тарихыңнан көз алмай

Даналықтың жырын жастар іздер ме?

Жыр жазам деп талпынады жас балаң,

Тәй – тәй басып келе жатқан жас қалам.

Жүрегімнің түкпірінен шығарып,

Жырды шашу болды оған бір арман.

Менің кіндік қаным тамған жерім Қарағанды облысы, Ақтоғай ауданы. Балалығымның 10 жылын сол өңірде өткіздім. Табиғатын тамашалауға жазғы демалыста барып тұрамыз. Бойды сергітер таза ауасымен, мөп – мөлдір суымен «жанға дауа, дертіне шипа» деп атын көп айтатын.