Мақал мен жұмбаққа арналған тәрбие сағатының жоспары

« Мақал- сөздің азығы, жұмбақ- ойдың қазығы»

(сайыс)

Мақсаты:

Оқушылардың еліне, ұлтына, тіліне деген сүйіспеншілігін арттыру, тілді ұлттық мұра ретінде сезінуге, тіл мәдениетін сақтай білуге үйрету, тіліміздің қасиетін бойларына дарыту.

Көрнекілігі:

Ұлағатты сөздер, ақын- жазушылардың портреті, мақалдар.

Ұлағатты сөздер:

«Тілмен түйгенді тіспен шешпейді»

М. Қашқари

«Әр халықтың ана тілі- білімнің»

А.Жұбанов

Барысы:

1.Әнұраны орындалады

2.Кіріспе

3.«Сөздің көркі- мақал»- дегендей мақал мәтел сайысы

4.Жұмбақ

5.Жаңылтпаш.

6.Қорытынды.

- Құрметті ұстаздар, оқушылар! Қазіргі таңда еліміз өз тәуелсіздігіне қол жеткізгеннен кейін мемлекеттік тіліміз қазақ тіл болып бекітілді. Қазақстанда Республикасының «Тіл туралы» заң күшіне енді. Болашағымызды баянды етер басты қаруымыз- тіліміз.

«Адамға екі нәрск тірек тегі, бірі- тіл, бірі дінің жүректегі»- деп Жүсіп Баласағұн бабамыз айтқандай кез келген мемлекеттің. Елдің ең негізгі рәмізі де, ұраны да тірегі де сол елдің ана тілі болашақ. Біздің ана тіліміз- қазақ тілі.

Біздің Отанымыз Қазақстан. Қазақстан Республикасының өз елтаңбасы, әнұраны, туы бар. Сонымен қатар өз ана тілі бар.

Ана тілім- әрекетім азығы,

Бар ғаламды тануымның қазығы,

Ой- санамның өсуінің куәсі,

Ғасырлардың кейінгіге әз үні.

«Мақал- сөздің азығы,жұмбақ- ойдың қазығы » атты сайысымызды бастауға рұқсат етіңіздер

«Сөздің көркі- мақал»- дегендей мақал мәтел сайысы

«Жұмбақ- адамның дүниетану жолындағы ойының, қиялының шамасын білдіреді»- деп Мұхтар Әуезов айтқандай жұмбақ жасыруға кезек береміз.

Жаңылтпаштардың тіл үйренушілерге пайдасы бар. Жаңылтпаштарды жиі қайталап, оқи берсе, қиын сөздерді, сөз тіркестерін қатесіз айтып үйренеді. Ол адамның көңіл күйін көтеріп, жақсы әсер қалдырады және шығармашылық еркіндікке апарады. Ендеше сендерде жаңылтпаш айтып көріңдер.

Қорытынды.

Ана тілім – бәрін сөйлер шежірем,

Тілсіз нені білдіре алам, не білем?!

Тілім барда ғана мынау ғаламның

Кілтін табар саналысы сезінем.

О,адамдар, қадіріне жетіңдер,

Ана тілің- анаң, сыйлап оны өтіңдер.

«Анамыздың ақ сүтімен бойымызға дарыған тілімізді ұмыту- бүкіл ата- бабаларымыздың тарихын ұмыту» - деп Бауыржан Момышұлы айтқандай, ана тілімізді құрметтеп, сүйе білейік.

Түркістан облысы

Қазығұрт ауданы

Шанақ ауылы

Абай жалпы орта мектебі