Мәртебең сенің тақырыбындағы шет тілі мақаласы

Мәртебең сенің – мансабың

Ұстаз… жаратылысынан өзіне айтылғанның бәрін жете түсінген, көрген, естіген және аңғарған нәрселердің бәрін жадында жақсы сақтайтын, ешнәрсені ұмытпайтын… алғыр да аңғарымпаз ақыл иесі…, мейлінше шешен, өнер-білімге құштар, аса қанағатшыл жаны асқақ және ар-намысын ардақтайтын, жақындарына да, жат адамдарына да әділ…, жұрттың бәріне… жақсылық пен ізгілік көрсетіп…қорқыныш пен жасқану дегенді білмейтін батыл, ержүрек болуы керек. Әл-Фараби

Жер бетінде қанша мамандық бар десек, соның бастауы да асқары да -ұстаздық. Ұстазға тіпті қателесуге болмайтындай көрінеді маған. Заман ағымына қарай жаңа технологияларды меңгерген ұстаздар үшін жұмыстың маңыздылығы да артып отыр. Таңнан кешке дейін бір мектепті мекен еткен ұстаздың жан тыныштығы мен отбасы жағдайы ешкімді толғандырмайды. Қадір Мырзалиевтің: «Желісі бар, жемісі жоқ жұмыстар» деген өлең жолдары дәп ұстазға арналғандай. Дегенмен мемлекет өз назарынан «Мұғалім мәртебесін » тыс қалдырған емес. Елбасы Н.Ә.Назарбаев 5 қазан күні жолдаған жолдауында басты назар салып айтқаны да осы болды. Мұғалімдердің айлық табысы көтерілетіні жайындағы қуанышты хабармен ұстаздар қауымын қуантты. Дана халқымыз: «Алмақтың да салмағы бар» - дейді. Санына қарай сапасының болуы да заңды. Осы тұрғады барша ұстаздар қауымына жетістікке жетелейтін шәкірт тілеймін. Берген білімі жасаған игі жұмысы ел болашағы үшін маңызы арта берсе екен деймін. Ойымды өзімнің мына өлең жолдарыммен аяқтасам:

Шәкірт үшін жол көрсетер дарасың,

Тәрбиелеп жүрсің елдің баласын.

Барлығына уақыт іздеп табасың.

Сен аялап, арман берген шәкіртке,

Саған халық мейірлене қарасын.