Математика әлемінде 9 сыныпқа арналған сыныптан тыс жұмыс

Ойыл ауданы Қайыңды ауылы

Саға мектеп-балабақшасы

Математика пәні мұғалімі: Бикирова Лаззат Беккожиевна

«Математика әлемінде» сыныптан тыс жұмыс

Математикалық кештің мақсаты- оқушылардың алған білімдерін тереңдете түсу ,олардың күнделікті өмірде қолданылуын көрсету,еркін сөйлеуге үйрету.Сайыс 9 сынып оқушыларымен ұйымдастырылды. «Синус», «Косинус» командалары қатысты.

Командалар сәлемдесуі:

«Синус» командасының сәлемі.

Сайысқа келдік біз қуанышпен

Өнер –білім көрсетіп жарысуға.

Озу үшін қарсыластар

Шықсын қане, өнерімен ортаға.

Кел,келіңдер,кел,көріңдер!

Көрермендер ,жанкүйерлер,

Әділдікпен жарысайық

Бұл сынақта қалыспайық!

«Косинус» командасының сәлемі.

Негізі бар ғылымның математика,

Жалықпай оқып үйрен тек қана

Білімнің есігін ашты көзін тауып,

Ньютон,Колмогоров,Ковалевская.

Бүгінде математика барлық жерде:

Құрлыста, техникада, өндірісте.

Сырларын бұл ғылымның үйреніңдер

Достарым зерделікпен меңгеріңдер

1 –кезең

Логикалық тапсырмалар.

1.1-ден 20-ға дейінгі сандардың екі тобы бар.Бұлардан барлық мүмкін болатын қосындылар(әрқайсысы бір-бірден алып) құрастырылған.Солардың ішінде 3-ке бөлінетін қосылғыштардың саны қанша?» Жауабы: 134

2.Цифрларының қосындысының кубы өзінің квадратына тең болатын санды табыңыз.

3.Бір тәулікте сағаттың минуттық және сағаттық стрелкалары неше рет беттеседі.

Жауабы:

4.Бір тәулікте сағаттың минуттық және сағатық стрелкалары неше рет бір-бірімен жасайды?

Жауабы:

2-кезең «Косинус» командасының фантастикалық әңгімесі

Екі оқушы қарама –қарсы жолығып,сәлемдеседі.

Бірінші оқушы өте асығыс

2-оқушы. Өй,сонша асығып қайда барасың?

1-оқушы.Ой айтпа. Кеше телеграмма келді, ғарыштағы математика кешіне бара жатырмын.

2-оқушы.Е, немен ұшасың?

1-оқушы.Немен ұшады несі? «Синус» жолымен ұшамын.

2-оқушы.Айтыпсың, «Синус» жолымен ұшсаң бір жерді айналып табан тіреген жеріңе қайтып келесің.

1-оқушы Ей, мынау не дейді? «Тангенс» жолымен ұшамын онда.

2-оқушы.Сен математикадан түк сезбейді екенсің.Ол жолмен ұшсаң шексіздікке кетесің.

1-оқушы Сонда қай жолмен ұшамын.

2-оқушы «Косинус» жолымен ұш, сонда тура барасың.

1-оқушы Рахмет-рахмет .Үлкен көмек көрсеттің, сау бол!

3-кезең «Синус» командасының интермедиясы. «Бір корзина жұмыртқа»Әйел бір корзина жұмыртқасын алып базарға келеді.Корзинасын жерге қойып көршілерінің қаншадан сатып жатқанын білуге кетеді. Сол кезде бір кісі сүрініп кетіп,корзинаның үстіне құлайды.Оны көре сала әйел айқайлап жетіп келеді.

Ойбай-ай,ойбай-ай, мынау қайтеді –ей,милицияға апарамын,жүр деймін оңбаған.Көрсетейін мен саған деп жұлқылайды.

Апа ,апатай апармашы.Құнын төлейін,қазір төлеп берейін.