Математика білгірі сайысына арналған сабақ жоспары

«Математика білгірлері» ойыны

Мақсаты:

- математикалық білімді насихаттау және пәнге қызығушылықты арттыру;

- оқушылардың ойлау қабілеттілігін дамыту, әлеуметтік және шығармашылық белсенділігін көтеру;

- Оқушылар арасында өзара көмек ұғымын, достықты тәрбиелеу

- Оқушылардың ойлау қабілетін, тапқырлығын , жылдамдығын, таным белсенділігін арттыру.

- Математикалық сұраққа мәдени түрде жауап беру, қарым- қатынасты дамыту

1-жүргізуші:

Мінеки, залда тыныштық,

Естілмейді дыбыс түк.

Мұны біз де қоштаймыз,

Кешіккендерді тоспаймыз.

Ғылымдардың ғылымы,

Математика жайында,

Ойынымызды бастаймыз!

Әділ қазыларды тағайындау.

2- жүргізуші:

Бүгінгі ойын төрінде,

Математика елінде,

Математика тілінде

Есеп шешіп жарысып,

Жұмбақ шешіп аңдысып,

Шабыттасып шалқысып,

Есеппен ән салысып

Көңілді ойын жасайық.

Бүгінгі сайысымыздың ережесі:

Өзгелермен жарысып,

Сөзді бөліп, аспаймыз.

Тыңдап топта бөлісіп,

Қызықты ойын басаймыз.

Айқайласпай, шуласпай

Қол көтеріп сөйлейміз.

Тапсырманы тыңдап ап,

Шешімін іздей бастаймыз.

«Ойлан, тап» /әр дұрыс жауап 1 балл/

1. 1800-қа (градус) тең бұрыш қалай аталады? (жазыңқы)

2. Қандай санның кез келген дәрежесі сол санның өзіне тең болады? (1)

3. Екі жағы шектелген түзу. ( кесінді)

4. Бұрыштың шамасын өлшейтін құрал (транспортир)

5. Күн көзі жылына неше рет шығады? (365 рет)

6. Екі нүкте арқылы неше түзу жүргізуге болады? (біреу)

7. Есептеу үшін қолданылатын сандар (натурал сандар)

8. Кесіндінің ұзындығын өлшейтін құрал (сызғыш)

«Өмірдің өзі математика» /әр толық жауапқа 3 балл/

Үш байлық: денсаулық, ақ жаулық, он саулықҮш жұрт: өз жұрты, қайын жұрты, нағашы жұрты.Үш даусыз: мінез даусыз, кәрілік даусыз, ажал даусыз.Үш арсыз: Ұйқы арсыз, тамақ арсыз, күлкі арсыз.Төрт маусым: қыс, көктем, жаз, күзТөрт түлік: түйе, жылқы, сиыр, қойБес асыл: талап, еңбек, терең ой, қанағат, рақым

Бес жаман: өсек, өтірік, мақтаншақ, еріншек, бекер мал шашпақ

«Санды мақалдар» /әр толық жауап 1 балл/

1. ... теңгең болғанша, ... досың болсын.

2. Білекті ...ді , білімді ...ды жығады.

3. Жігітке ... өнерде аз.

4. ... атасын білмеген, жетесіз.

5. ... ауыз сөздің тобықтай түйіні.

6. ... ат бір қазыққа байланбас.