Математика патшалығына саяхат ашық сабағы балабақшаға

Ашық ұйымдастырылған оқу қызметінің конспектісі

Тәрбиеші: Куанышкалиева Г.Х.

Бөлімі: Қарапайым математика түсініктерін қалыптастыру

Білім беру саласы “Таным”

Барысы

Балалар бізге бүгін қонақтар келген екен, қане ендеше амандасайық.

-Жарайсыңдар балалар, бүгін біздің оқу қызметіміз ерекше болмақ, балалар сендер саяхатқа барғанды ұнатасыңдар ма?

-Тамаша, олай болса біз бүгін сиқырлы математика патшалығына саяхатқа барамыз, бұл сиқырлы елге тап болу үшін көзімізді жұмып үшке дейін үш тілде санауымыз керек.

-Ой балалар қараңдаршы қандай әдемі, мына жерде жол бар екен, бұл жолдың біреуі ұзын, ал екіншісі қысқа жол екен.Міне балалар мынау ұзын жол осы ұзын жолмен қыздар жүреді, ал мынау қысқа жол қысқа жолмен ұл балалар жүреді. Қане жүре қойыңдар.

-Сен қандай жолмен жүрдің Ханзада, ал сен ше Арлан?

- Өте жақсы, балалар қараңдаршы мына жерде пішіндер шашылып жатыр екен, оларды өз үйлеріне апаруға көмектесеміз бе?

-Жарайсыңдар балалар!

Музыка әуені ойнап Математика Ханшайымы шығады.Қолында сиқырлы кітапшасы бар екен.

-Салематсыңдар ма, балалар менің сиқырлы математика патшалығыма қош келдіңдер! Сендерге арналған қызықты тапсырмаларым бар, ал сендер орындауға дайынсыңдар ма?

-Ендеше менің мына сиқырлы кітапшамдығы қалташалардың біреуін таңдаңыздар.

(Балалар қалташаны түсіне сай таңдайды)

Тапсырма (Менің саусақтарыма арнап сақиналар тағып бересіңдер ме?

Тапсырма ( Интерактивті тақтадан орындайды)

Деңгейлік тапсырма ( Заттарды мүсініне сай сәйкестендір)

Өте ақылды дарынды балалар екенсіңдер, сендердің келгендеріңе өте қуаныштымын, менің тапсырмаларымды жақсы орындадыңдар, ал менің сендерге арнаған сыйлығым бар.(Мойындарына медальон тағады) Рахмет Математика Ханшайымы біздің балаларымыз да өте қуанышты біз сізден көп білім алдық, біз де сізге арнап өзіміздің қуанышты көңіл күйімізді сыйлаймыз!

Балалар магнит тақтада смайлик жасап Ханшайымға сыйлайды.

-Өте жақсы керемет, балалар біздің балабақшаға қайтатын уақытымыз да болып қалды.

-Сау болыңыз Математика Ханшайымы.

-Сау болыңдар балалар!

Балалар ендеше көзімізді жұмып үшке дейін үш тілде санайық.

Балалар біздер жаңа қайда бардық? Ол жерге жету үшін қандай жолдармен жүріп өттік ? Шашылып қалған пішіндерді қайда апардық? Кімді кездестірдік? Сендерге Ханшайымның тапсырмалары ұнады ма?